Ashtahuan yachajuna munaihuan estudiapai

Imagutapash estudiagrijushpaca: “Cai temamandaca ¿imatata yachajungapaj munani?” nishpami pensarita ushapanchi. Ashtahuan yachajungapaj munashpapash Jehová Dios imata yachachingapaj munashcapimi pensarina capanchi. Chaitaca ¿imashinata ruraita ushapanchi?

Jehová Diostaca ali yachaita carahuai nishpami mañaita ushapangui. Ashtahuan yachajunataca na minishtinichu nishpaca na pensarinachu capangui (Prov. 3:​5, 6). Jehová Diostaca imata yachajungapaj munashcata intindichun ayudahuai nishpami mañaita ushapangui (Sant. 1:5).

Taita Diospa shimi quiquinba causaipi ayudachun saquipai. “Taita Diospa shimica causajmi can” (Heb. 4:12). Bibliata liishpaca yachajuna munaihuanmi liina capanchi. Shina rurashpaca mushuj yuyaicunatami yachajuita ushapanchi. Shinallata chai yachajushcacunaca shuj shuj cosascunapimi ayudaita ushan.

Tucui Jehová Dios carashcaguta agradicipai. Jehová Diospa yachachishcacunaca ‘mishqui mishqui micunacunashnami’ can (Is. 25:6). Jehová Diospa yachachishcacunamandaca caica alimi can. Cutin caica nalichu can nishpaca na pensanachu capanchi. Jehová Diospa yachachishcacunaca tucuimi ali can.