Aliguta yachajuna munaihuan Bibliata estudiapangui

Bibliata estudiashpaca chaipi yachajushcacuna ñucanchi shunguman chayashpa ñucanchi pensamientocunapi ayudachunmi munapanchi. Esdraspa ejemplotami catita ushapanchi. Paica ‘Mandaj Dios mandashcata aliguta yachajungapami tucui shunguhuan aliguta alichirishca carca’ (Esd. 7:10). ¿Imashinata paipa ejemplota catita ushapangui?

Oracionda rurashpa. Bibliata nara estudiashpallata chaipi yachajushcacunata intindingapaj, ñucanchi causaipi pactachingapaj ayudahuai nishpa Jehovata mañapangui (Sal. 119:​18, 34).

Humildadta ricuchipangui. Jehová Diosca orgulloso gentecunata, ali yachaita charinchi nij gentecunataca paipa ali yachachishcacunata yachajuchunga na ayudanllu (Luc. 10:21). Shujcunapa ñaupapi ali yachanshna ricuringapallaca ama imatapash investigapanguichu. Bibliata liijushpa imapipash cambiana cashcata cuenta japishpaca humildadta ricuchishpa chaipi mejorangapaj esforzaripangui.

Ñucanchipa canciongunata uyapangui. Canciongunaca ñucanchicuna Jehová Diosta adorana munaita charichunmi ayudaita ushan. Bibliata nara estudiashpallata shuj cancionda uyanaca aliguta yachajuchun y chai yachajushcatapash ñucanchi causaipi pactachichunmi ayudaita ushan.