Imata yachajushcata compartipangui

Bibliata yachajushpami animaripanchi. Shinapash imata yachajushcata shujcunaman compartishpami ashtahuanga animaripanchi (Prov. 11:25).

Imata yachajushcata shujcunaman compartishpami imata yachajushcataca ashtahuan aliguta intindishun y ashtahuan facilllapash yaripashun. Shinallata compartishca yuyaicuna shujcunata ayudashcata yachashpami cushilla sintiripashun (Hech. 20:35).

Caita rurapai: Cati semanapica imata yachajushcata pimanbash parlangapaj esforzaripai. Por ejemplo, shuj familiarman, shuj huauquiman o paniman, trabajopi o escuelapi cumbaman o shuj vecinoman parlangapaj esforzaripai. Imata yachajushcataca quiquinba shimipillatami intindirinallaguta y claroguta parlaita ushapangui.

Caita yaripai: Jariyajunapa randica shujcunata animangapami imaguta yachajushcataca compartina capanchi (1 Cor. 8:1).