Jehová salvanata ashtahuan confiangapaca ¿imatata rurai ushapanchi?

Israelitacuna Jehová Diospi na tucui shunguhuan confiashcata ricungapaca Números 13:​25–14:4​ta liipangui.

Chai textocunamanda informacionda mascapangui. Jehová Dios paicunata salvai ushanata tucui shunguhuan confiangapaca ¿ima razongunatata israelitacunaca charirca? (Sal. 78:​12-16, 43-53). Israelitacunaca ¿imamandata Jehová Diospica ñana tucui shunguhuan confiarca? (Deut. 1:​26-28). ¿Imashinata Josué y Calebca Jehová Diospi tucui shunguhuan confiashcata ricuchirca? (Núm. 14:​6-9).

Ashtahuan investigapangui. Jehová Diospi ashtahuan confiangapaca ¿imatata israelitacunaca rurana carca? (Sal. 9:10; 22:4; 78:11). Jehová Diospi confiangapaca ¿imamandata Jehová Diosta respetanaca minishtirishca can? (Núm. 14:11).

Yachajushcapi pensaripangui. Pensaripai:

• “Ñucapaca ¿ima situaciongunapita Jehová Diospi tucui shunguhuan confiashcata ricuchinaca difícil canman?”.

• “Cunanbipash y shamuj punllacunapipash Jehová Diospi ashtahuan confiangapaca ¿imatata rurai ushapani?”.

• “Ninan manllanai llaqui tiempopi pensarishpaca ¿imatata seguro caita ushapani?” (Luc. 21:​25-28).