¿Ima horata Taita Diosca universota rurai callarirca?

Bibliapica caitami yachachin

Bibliaca Taita Dios ima hora universota rurai callarishcataca na villanllu. Shinallata, mashna tiempopi universota rurashcatapash na villanllu. Sino “callaripica Taita Diosmi jahua cielotapash y cai alpatapash rurarca” shimicunatallami nijun (Génesis 1:1). Génesis 1:1pi “callaripica” nishpaca, ima huatamanda parlajujtaca Bibliapica na villajunllu. Pero Génesis libropi ima ordenbi cosascunata rurashcata ricushpami, Génesis 1:1pi “callaripi” nijuj shimita ricushpaca, 6 “punllacunamanda” ashtahuan pundapacha punda tiempomanda parlajushcata cuenta japinchi.

¿6 punllacuna nishpaca, cada punlla 24 horasta charishcatachu nijun?

Na. Bibliapica na chaitachu nijun. Bibliapi “punlla” nishpaca, unai tiempota, unailla tiempota o ashalla tiempotapashmi punlla nin. Por ejemplo. Génesis libropica tucuita rurashca tiempotaca, shuj punlla cashcajpishnami punlla nishpalla parlan (Génesis 2:4).

Rurajuj 6 punllacunapica ¿imata pasarca?

“Cai alpaca na causai ushanalla, imapash illami carca”. Shina alpatami Taita Dios causai ushanalla alpaman tigrachirca (Génesis 1:2). Chai jipami plantacunata, animalcunata y gentecunatapash rurarca. Bibliapica chai 6 punllacunapi o 6 tiempopi imacunatalla rurashcatami parlan.

Punlla 1: Taita Diosca punchapamba brillajuj michatami cai alpacaman chayachimurca. Shina rurajpimi chishipash y tutamandapash tiai callarirca (Génesis 1:3-5).
Punlla 2: Shujlla masa yacu tiajpimi Taita Diosca chai yacucunataca separarca. Chaimi shuj parte jahua ladoman quidarca. Cutin chaishuj parteca ucu ladomanmi quidarca. Chai ishcandi chaupipica shuj chushaj espaciotami Taita Diosca saquirca (Génesis 1:6-8).
Punlla 3: Taita Diosca chaquishca alpatami ricurichimurca. Chai jipami jihuacunata, plantacunata, yuracunata, quirucunatapash rurarca (Génesis 1:9-13).
Punlla 4: Taita Diosca indita, lunata y estrellacunata cai alpamanda clarito ricurinatami rurarca (Génesis 1:14-19).
Punlla 5: Taita Diosca yacu ucupi causaj animalcunata y jahua cielota volajta animalcunatami rurarca (Génesis 1:20-23).
Punlla 6: Taita Diosca alpapi causaj animalcunata y gentecunatami rurarca (Génesis 1:24-31).

Ña sexto punlla tucurijpimi Taita Diosca samarca. Samarca nishpaca Taita Diosca ñana imatapash rurashcatami shina nin (Génesis 2:1, 2).

¿Génesis librota cienciahuan comparajpica igualchu can?

Bibliaca cienciamanda parlashpa tucui detallecunata ningapaj libroca na canllu. Sino Bibliata escribishca tiempopi causaj gentecunapash, Taita Dios ima ordenbi tucuita rurashcata facilllaguta intindichun escribishca libromi can. Bibliaca, cientificocuna investigashpa probashca cosascunata na ciertochu can nishpaca na nijunllu. Robert Jastrow shuti astrofisicoca ninmi: “Bibliaca indita, lunata, estrellacunata o gentecunata imashina shuj tiempopi ñapash tiai callarishcataca na tucui tucuitachu detallecunahuan nijun. Pero shuj resumen cuendata ricujpica, tanto cientificocunapa investigashcacunapash como Bibliapash igualtami ninajun” ninmi.

¿Ima horata indita, lunata y estrellacunataca rurarca?

Bibliapica “callaripica Taita Diosmi jahua cielotapash y cai alpatapash rurarca” ninmi (Génesis 1:1). “Jahua cielotapashmi rurarca” nishpaca, indimanda, lunamanda y estrellacunamandapashmi parlajun. Shinaca indi, luna y estrellacunaca ñami tiashcarca. Shina cashpapash, indipa, lunapa, estrellacunapa michaca na cai alpamanga chayamujurcachu. Porque atmósfera aireca imapash amsalla capa cuendami trancariajurca (Génesis 1:2). Aunque primer punllamandapacha apenasguta shuj amsalla micha ricurijujpipash, maimandapacha chai micha ashaguta ricurijujtaca na ricui ushanallachu carca. Ña cuarto punllapimi, jahua cielopi atmósfera aireca clarolla tucurca. Chaimi Bibliapi nishcashnaca indipash, lunapash y estrellacunapash ‘cai alpata punchayachi’ callarirca (Génesis 1:17). Shina nishpapash cai alpamanda ricui pactashcatallami shina nijun.

Bibliapi nishcashnaca ¿cai alpaca mashna huatacunatata ña tiashca?

Cai alpa mashna huatacunata ña tiashcataca Bibliapica na villajun. Génesis 1:1pica, universota rurashcatallami nijun. Universo nishpaca cai alpatapash shina nijun. Cientificocunaca leyes científicas nishcacunata catishpami, cai alpa mashna huatacunata charishcataca aliguta calculashpa comprobanata yachan. Bibliaca cientificocunapa calculashcataca na ciertochu can nishpaca na nijunllu. Sino universota rurashcatallami nijun.