Izquierda: Yasser Qudaih/Anadolu via Getty Images; derecha: RONALDO SCHEMIDT/AFP via Getty Images
SIEMPRE CHAPARIANSHNA CAUSASHUNCHI
¿Ima horashi guerracunaca tucuringa? | Bibliapica ¿imatata nin?
Sábado 13 de abril de 2024pi Israel llactata Irán llacta atacashcata parlashpami, secretario general de las Naciones Unidas António Guterresca “cunanmi calmaringapaj, situación ama yapa peligroso tucuchunga ashtahuan tranquiloyana tiempopi canchi” nirca.
Oriente Próximo pushtupi guerracunaca, mundo enteropi ima pasajujtami ricuchijun.
26 de Enero de 2023taca Consejo de Seguridad de las Naciones Unidasca, “Segunda Guerra Mundial tiashca punllacunamandaca, cunanbimi mundo enteropica, ashtahuan macanajuicuna, guerracuna tian, mundo enteropica 2 mil millón gentecunami guerracuna tiaj pushtucunapi causanajun” nin.
Israel, Gaza, Siria, Azerbaiyán, Ucrania, Sudán, Etiopía, Níger, Myanmar y Haití allactacunami, guerracunamanda ashtahuan afectarishca can.
¿Ima horashi guerracunaca tucuringa? ¿Gobiernocunachu gentecunamanga tranquilo ali causaiguta cunga? Bibliapica ¿imatata nin?
Guerracunaca caipi chaipimi tian
Mundo enteropimi shuj shuj guerracuna tian. Chai guerracunaca ñalla tucuilla guerracuna tucurinatami ricuchijun. Bibliapi nishcashnaca, chai guerracunaca ‘nali gentecuna tucuchi tucuna tiempopi’ causanajushcatami ricuchin (Mateo 24:3).
Mateo 24:6, 7pica, ‘shuj shuj pushtucunapi guerracuna tiajtami uyanguichi. Llactacunapash paicunapurami macanajunga’ ninmi.
Bibliapi profecía imashina pactarijujta yachangapaca “¿Ima señalcunata ricushpata ‘ultimo punllacunapi’ causanajushcataca yachapanchi?” nishca temata ricupangui.
¿Maijan guerrata tucuilla guerracunata tucuchinga?
Bibliapica gentecuna charishca tucuilla guerracunami tucuringa ninmi. Pero ¿imashinashi tucuringa? Gentecunaca tucuilla guerracunata tucuchitaca na ushangachu. Armagedonbimi tucuilla guerracunaca tucuringa. Armagedonga “Tucui Poderta Charij Taita Diospa” macanajuimi can (Apocalipsis 16:14, 16). Taita Diosca chai macanajuita apamushpami pai munashcashna gentecunamanga tranquilo ali causaiguta gentecunamanga caranga (Salmo 37:10, 11, 29).
Tucuilla guerracunata imasha Armagedonbi Taita Dios tucuchinata yachangapaca “Armagedonga ¿imata can?” nishca temata ricupangui.
a ACLED Conflict Index, “Ranking violent conflict levels across the world” (Mundo enteropi guerracuna imasha grave cashcatami ricuchijun), enero de 2024.