Religiongunahuanga ¿imata pasagrin? | Bibliapica ¿imatata nin?

¿Religionhuanga llaquilla, culirachu capangui? Ciertomi can religionga comunidadcunapi huaquin gentecunata ayudashcami, shina cashpapash ashtaca gentecunatami ninanda llaquichishca. Shuj enciclopediaca religiongunamanda guerracunamanda cashnami nin: “Religiongunaca paicunapa diferente crishcacunamandami jatun manllanai guerracunata rurashca” (Encyclopedia of Religion and War). Huaquin religiongunata ñaupaman apajcunacarin Taita Diosta adorachun paita sirvichunga na ayudashcachu. Chaipa randica politicacunapi chapurichunmi ayudashca. Huaquingunacarin sexualmente gentecunata abusashpa, culquicunatapash shuashpami pacashpa causan.

Religiongunaca ñuca munashca pensashca shinaca na cashcachu, chaimandami talvez tapuripanchi Taita Diosca religiongunamandaca ¿imatata pensan? Bibliapica Taita Diosca casi tucui religiongunatami nali cosascunata rurajushcamanda tucuchinata nin. Shinallata Bibliapi profeciacunapashmi nin, Taita Dios religiongunahuan imata ruranata. Bibliapica comparaciongunata utilizashpami por primera vez mundo entero religiongunahuan, Taita Dios imata ruranatami ricuchin.

Bibliaca religionhuan jipa punllacunapi ima pasanataca ¿imatata nin?

Profecía: Apocalipsis libropica culquimanda huainayaj huarmi o prostitutaca Importante Babilonia Llacta ninmi. Cai huarmica puca puca manllanai sacha animalpa jahuapimi tiajun nin. Jipamanga cai manllanai sacha animalca culquimanda huainayaj huarmipa contra tucushpami huañuchin (Apocalipsis 17:3, 5, 16).

Significado: Culquimanda huainayaj huarmi o prostitutaca Importante Babilonia Llactataca panda religiongunami representan ninmi. Caicacuna tucuilla religionguna Taita Dios na chasquishcacunami can.a Cai puca puca manllanai sacha animalca Organización de las Naciones Unidasmi (ONU) representan.b Culquimanda huainayaj huarmi puca puca manllanai sacha animalpa jahuapimi tiajun nishpaca ¿imatata ningapaj munan? Panda religionguna Naciones Unidasta mandangapaj controlangapaj munashcatami nin. Manllanai sacha animalcunami culquimanda huainayaj huarmita huañuchinga nin. Organización de las Naciones Unidasta apoyaj (ONU), tucui gobiernocunahuan tandanajushpami, cai mundo enteropi panda religiongunata tucuchinga ninmi. Panda religiongunaca tucuritapachami tucuringa.

Panda religiongunataca ¿imashinata tucuchinga?

Profecía: Bibliapica ninmi: “Quiquin ricushca 10 cachocunapash y sacha animalpashmi culquimanda huainayaj huarmitaca na ricunayachinga. Chai huarmitaca paipa tucuilla cosascunata quichushpami [...] ninahuanmi paitaca rupachitapacha rupachishpa saquinga. Paipa munaita pactachina pensamientota Taita Dios paicunaman cujpimi shina pasanga. Paicunaca tucuicunami, Taita Diospa shimi pactaringacamanga paicuna mandangapaj charishca autoridadtaca sacha animalman cuna pensamientota charinga” ninmi. “Paica shuj punllapilla castigocunata charinga, huañunga, huacanga, yarjachinga. Shinallata ninahuanmi rupachitapacha rupachi tucunga. Porque ashtaca poderta charij Jehovác Diosmi paitaca juzganga” (Apocalipsis 17:16, 17; 18:8).

Significado: “Paipa munaita pactachina pensamientota Taita Dios” gobiernocunaman cujpimi, cai cushcata Organización de las Naciones Unidasman gobierno shina ‘mandachun autoridadta cunga’. Shinami Organización de las Naciones Unidasca gobiernocuna autoridadta cushcahuan mundo enteropi panda religiongunataca tucuchinga. Cai llaquica gentecuna na yashcapi cungashcapimi “shuj punllapilla” shina pasanga (Apocalipsis 18:21).

Panda religiongunaca ¿imamandashi tucuchi tucunga?

Profecía: “Chai llactapa pecadocunaca jahua cielocamanmi mirashca. Chaimi Taita Diosca, chai llacta nalicunata rurashcamanda chai llactataca juzganga” (Apocalipsis 18:5).

Significado: Ashtaca ashtaca huatacunapimi panda religiongunaca ashtaca nali cosascunata rurashca. Cai juchacunata rurashcamandami Taita Diosca panda religiongunataca tucuchinga:

Politicapi na chapurina. Jesucristoca paipa catijcunamanga politicacunapi na chapurina canguichi nirca chaipa randica Taita Diospa Reinopimi confiana canguichi nishpami yachachirca, jahua cielopi Taita Diospa Gobiernollami cai alpapi gobiernocunata tucuchishpa para siempre mandangad (Daniel 2:44; Mateo 6:9, 10; Juan 6:15; 18:36). Panda religiongunaca Taita Diospa Reinota apoyanapa randica politicacunapirami ashtahuan chapurishca. Apocalipsis profeciapica Importante Babilonia Llactataca “huainayana juchapi” urmashcamanda culpable ninmi, chaimandami “culquimanda huainayaj famosa huarmi” nishpa rijsin (Apocalipsis 17:1, 2; Santiago 4:4).



Macanajuicuna. Bibliapica panda religiongunapa culpamandami “cai alpapi tucuilla huañuchi tucushcacunamandaca chai llactami culpata charin” ninmi (Apocalipsis 18:24). Ashtaca religiongunaca gentecuna tranquilo ali causachunga na yachachishcachu, chaipa randica religiongunaca guerracuna tiachun, gentecuna shuj shuj nali cosascunata rurachunmi yachachishca.



Ashtahuan munana. Panda religiongunaca “valishca cosascunatapashmi charin. Chai cosascunata tandachinatapash nimata na pinganayachinllu” (Apocalipsis 17:4; 18:7). Ashtaca religiongunaca paicunapa poder o autoridadtami utilizashca shujcunata umachishpa ninanda chariyangapaj. Taita Diosca gentecuna codiciarijtaca nimamanda na ricunayachinllu (Tito 1:7).



Llullana. Panda religiongunaca Bibliapi yachachishcata ama crichun shina nali cosascunata gentecuna rurashpa causachunmi yachachishca.e Imashinami religiongunaca callarimanda gentecunata pandata yachachishca, pandacunata rurachun umachishca shinami Taita Diostaca nalipi quidachishca. Chaimandami Bibliapica “Importante Babilonia Llactaca [...] cai alpapi millanai mapa cosascunapa mamami can” nishpa rijsin (Apocalipsis 17:5; 18:23).

¿Tucuilla religiongunatachu tucuchinga?

Na. ¿Imamandata shina ninchi? Bibliapica ninmi shuj punllaca “Ninan Manllanai Llaqui Tiempopimi” tucuilla panda religionda shinallata Taita Diospa contracunatami tucuchinga nin. Shina cajpipash Apocalipsis libropica ninmi ‘pipash na cuentai ushanalla ashtaca gentecuna’, ‘uracaman largo yura ropata churajushcacunaca’ salvaringa ninmi. Chai gentecunaca Taita Dios munashcashna paita sirvijcunami can (Apocalipsis 7:9, 13, 14; 19:11, 19-21). Pipash na cuentai ushanalla ashtaca gentecunaca ali religionda catijcunami can, paicunaca para siempremi causanga.f

Panda religiongunata tucuchijpica quiquindaca ¿imapita afectan?

Religionguna jatun nali cosascunata rurashcamanda Taita Dios nalicachijta yachanaca quiquin tranquilo sintirichunmi ayudashca. Chaimi shamuj punllacunapi Taita Diosta na respetaj religionguna, llaquichij gentecuna ñana ashtahuan tianata yachashpaca tranquilomi sintiringui.

Ashtahuanbash Taita Dios munashcashna paita adorai ushana cashcataca seguromi cangui. Bibliapica ninmi: “Taitata ali adorajcunaca, paipa espíritu santo ayudachun saquishpa y paimanda cabal yachachishcacunata chasquishpami paitaca adoranga. Porque Taitaca chashna gentecunatami paita adorachunga mascajun” (Juan 4:23). Paica ninmi: “Ñuca llactalla. Chaimandaca [Importante Babilonia Llacta] llujshinami cangui. Ama paihuan igual pecadota rurangapaj y chai llactapa castigota ni shujta ama chasquingapaca, chaimanda llujshinami cangui” (Apocalipsis 18:4, 5). Bibliapi nishca shina Taita Diosta adorachunmi gentecunataca invitajun (1 Timoteo 2:3, 4). Chai invitacionda chasquijcunaca para siempremi causanga (1 Juan 2:17).