¿Imashpashi ñuca taitamamaca ñuca divirtirichunga na saquihuan?

Amigocunaca cai fin de semanaca shuj fiestami tiagrin nishpami candaca invitanajun. Pero quiquinba taitamamata permisota mañajpica, paicunaca directomi, “na” nin. Permisota na cunataca alimi yacharcangui. Porque ultimamenteca paicunaca siempremi “na” ninajushca.

Cai temapica caicunatami yachajushun:

• ¿Imashpata nunca na permisota cuhuan?

• Permisota cuchunga ¿imatata rurai ushani?

• Shuj jovengunaca ¿imatata nin?

¿Imashpata nunca na permisota cuhuan?

Taitamamacuna nunca na permisota cujpica, ñuca dirvirtirichunga na munanllu nishpami pensarita ushanguiman.

Marie shuti jovengupa ejemplota ricupashun. Paica por primera vezmi shuj telefonota charirca. Pero ¿imata pasarca? Marieca ninmi: “Ñuca taitaca, maijan gentecunahuan comunicarinata y chai gentecunahuan ima horascamanlla parlana cashcata ricuchij aplicaciongunatallami descargachun saquihuarca. Cutin ñuca amigacunaca, paicuna munashca aplicaciongunatami descarganlla carca” ninmi.

Caipi yuyapai: Mariepa taitaca ¿Marie ama divirtirichunllu shuj limiteta churarca? O ¿Mariepi preocuparimandachu shina rurarca?

Caita rurapai: Pensaripai, quiquin taita capashcanguiman. Shuj joven churiguta charishcanguiman. Y chai churiguca, chairalla shuj telefonota charishcanman. ¿Imacunapishi quiquinga preocuparinguiman? Paipa seguridadpi pensarishpaca ¿ima aplicaciongunatallashi quiquinga descargachun saquinguiman? Ñucataca nunca na divirtirichun saquihuanguichu nijpica ¿imatashi quiquinga ninguiman?

Tanya shuti jovenguca ninmi: “Ñuca papitoca ‘taitamamacuna imasha sintirijtami siempre pensarina cangui’ nihuanmi carca. Shina pensarishpami, paicunaca ñucapa bienllata imatapash na nihuan cashcata y imamanda na nihuan cashcatapash intindi usharcani. Shinallata pensarircanimi, ñuca shuj huahuaguta charishpaca, imashinami ñuca papitoca pai imata nishcata ñuca rurachun munan, shinallatami ñuca huahuagupash ñuca imata nishcata rurachun munaiman” ninmi.

Permisota cuchunga ¿imatata rurai ushani?

Caitaca ama ruranguichu: Culirajuna, quejarijuna o pliturijunaca na alichu can.

Richard shuti jovenguca ninmi: “Caparishpaca nimata na llujchinchichu. Ashtahuangarin, ñucanchipash y ñucanchi taitamamacunapashmi shaijuitara shaijun. Cutin quejarishpa plitirijushpaca, huahuacunashna cashcatami ricuchinajunchiman. Shina cajta ricushpallatami, ñucanchi taitamamacunaca na permisota cungapaj munanga” ninmi.

Ivy shuti jovenguca ninmi: “Taitamamacuna na permisota cushpaca, siempremi ñucanchipa alipallata permisotaca na cun. Ñuca taitamamaca, ñuca nunca nimata na divirtirishpa causachunga na munanllu. Ashtahuangarin ali diversiongunahuan divirtirishpa, divirtiringapaj llujshishpapash imapash llaquicunata o imapash problemacunata ama charichunmi munan” ninmi.

Bibliapica ninmi: “Shinlli shungu runa fiñarishpaca, pai imata munashcata ruranllami. Ashtahuangarin alipacha yachajushca runaca jarcarinmi” (Proverbios 29:11).

Caitaca ama ruranguichu: Taitamamamanda pacalla canba munashcata ruranaca na alichu can.

Marie shuti jovenguca ninmi: “Ñuca taitaca ima aplicaciongunatalla descarganatami nihuarca. Pero ñucaca, taitamanda pacallami ñuca munashcata rurajurcani. Por ejemplo, ñuca taita na yachajtami huaquin aplicaciongunata descargarcani y tutapipachami ñuca amigacunamanga imasha modospash mensajecunata cachan carcani. Tiempohuanga, ñuca taitaca ñuca imata rurajujtaca cuenta japircami. Chaimi ñana ñucapi confiai ushashpa ashtahuan estricto tucurca. Viva tucushpa imacunatapash ruranaca na alichu cashca” ninmi.

Melinda shuti jovenguca ninmi: “Pacienciata charinaca minishtirishcapachami can. Taitamamacuna permisota na cujpica, chai decisiondaca respetanami capanchi. Shinami paicunapash tiempohuanga asha asha permisota cui callaringa” ninmi.

Bibliapica ninmi: “Huahuacuna, quiquingunapa taitamamataca siempremi cazuna capanguichi” (Colosenses 3:20).

Caitaca ama ruranguichu: “Shuj taitamamacunaca richun saquinllami, imashpata ñucataca na richun saquihuanguichi” nishpa atichijunaca na alichu can.

Natalie shuti jovenguca ninmi: “Huaquinbica pensanchichari, permisota cuchunga, cutin cutinmi nishpami convincina cani nishpa. Pero na solo cutin cutin nijuimandallachu, cushilla caita ushashun, ni ñucanchi munashcatapash chari ushashun” ninmi.

Joseph shuti jovenga ninmi: “Taitamamacunaca ñucanchicuna ali decisiongunata rurai ushajtami ricungapaj munan. Chaimi ñuca papitohuan, mamitahuan parlagrijushpaca, ringapaj munashcatallaca na nini. Sino imamandata o imapa imatapash rurangapaj munajushcatami, aliguta pensarishpa paicunahuanga parlani. Shina aliguta pensarishpa parlajpica, permisota cuhuashcami” ninmi.

Bibliapica ninmi: “Canba taitata, canba mamataca respetanami capangui” (Efesios 6:2).