¿Imatata Taita Diostaca mañaita ushapanchi?

Bibliapica caitami yachachin

Taita Diostaca imata mañana cashpapash mañanallami capanchi. Pero Taita Diospa voluntad cajtami imatapash mañana capanchi. Bibliapica ninmi: “Ñucanchi mañashcacuna Taita Diospa voluntadhuan de acuerdo cajpica, imaguta mañajpipash paica uyanmi” ninmi (1 Juan 5:14). Shinaca ima problemacunata charishpapash Taita Diosmanmi villanalla capanchi. Bibliapica Taita Diostaca “tucui shunguhuan mañaichiyari” ninmi (Salmo 62:8).

Taita Diostaca cai cosascunamandami mañaita ushapanchi

• Shinlli feta charingapami mañana capanchi (Lucas 17:5).

• Alita rurangapaj ayudachunmi, paipa espíritu santota carachun mañana capanchi (Lucas 11:13).

• Ima problemacunata charishpapash aguantangapaj fuerzata carahuai nishpa y tentaciongunapipash trancahuai nishpami mañana capanchi (Filipenses 4:13).

• Tranquilo sintiringapaj y ñucanchi pensamientocunatapash cuidachunmi mañana capanchi (Filipenses 4:6, 7).

• Ali deciongunata rurangapami sabiduriata carahuai nishpa mañana capanchi (Santiago 1:5).

• Cada punlla minishtirishca cosasgucunata charingapami siempre ayudata mañana capanchi (Mateo 6:11).

• Ñucanchi pecadocunata perdonachunmi mañana capanchi (Mateo 6:12).