Huañushca jipaca ¿causashpa catinchichu?

Bibliapica caitami yachachin

Bibliapica ninmi: “Causajcunaca, paicuna huañunataca yachanmi. Ashtahuangarin huañushcacunaca, imatapash na yachanllu” ninmi (Eclesiastés 9:5; Salmo 146:4). Shinaca pipash huañushpaca imatapash na rurai ushanllu. Pensaitapash na ushanllu, ni imata ruraitapash na ushanllu, nima nimata na sintinllu.

“Polvo alpamanllatami tigrangui”

Adán juchata rurajpica, Taita Diosca Adán huañujpi, paihuan ima pasanatami villarca. Taita Diosca Adandaca nircami: “Porque canga polvo alpami cangui y polvo alpamanllatami tigrangui” nishpa (Génesis 3:19). Taita Diosca Adandaca ‘polvo alpata japishpami’ rurarca. Chai tiempocamanga Adanga na existircachu (Génesis 2:7). Chaimandami Adán huañushpaca polvo alpamanllata tigrarca.

Cunanbipash chashnallatami pasan. Gentecunamanda y animalcunamandapash parlashpaca Bibliapica cashnami nin: ‘Tucuicunallatami, ñutu alpamanda rurashca can. Tucuicunallatami, ñutu alpaman tigranga’ nishpa (Eclesiastés 3:19, 20).

Taita Diosca huañushcacunata causachingami

Bibliapica casi siempremi, huañushcacunaca gushtu gushtu puñunajuj cuendami can nin (Salmo 13:3; Juan 11:11-14; Hechos 7:60). Pipash gushtu gushtu puñujushpaca, ima pasajujpipash imatapash na sintinllu. Shina cuendallatami huañushcacunapash can. Paicunaca imatapash na sintinllu. Shinapash Bibliapica Taita Diosca paicunata cutin causachi ushanmi ninmi (Job 14:13-15, TNM-S). Taita Dios causachi tucushcacunaca, ñana huañungachu.