¿Imashpata huañunchi?

Bibliapica caitami yachachin

Ñucanchi juyashca familia huañujpi chashna tapurinaca normalmi can. Bibliapica pecadomandami huañunchi nishpami yachachin (1 Corintios 15:56).

¿Imashpata tucuicuna pecadota ruranchi y huañunchi?

Ñucanchi punda taitamamacuna Adán y Evami Taita Diosta na cazurca. Chaimi paicunaca huañurca (Génesis 3:17-19). Pecadota rurashpami Adán y Evaca ‘causaita cuj’ Taita Diosmanda caruyarca. Shina caruyashpami paicunaca huañuita tarirca (Salmo 36:9; Génesis 2:17).

Adanga paipa tucuilla huahuacunamanmi pecadota yalichirca. Bibliapica cashnami nin: “Shujlla runamandami, pecadoca cai mundopi tiai callarirca. Pecado tiashcamandami, huañuipash tiai callarirca. Shinami huañuica, tucui gentecunaman yalirca” (Romanos 5:12). Gentecunaca pecadorcuna caimandami tucuicunallata huañunchi (Romanos 3:23).

Huañuica tucuringami

Taita Diosca ‘huañuitapash causaita causaicamanmi tucuchisha’ nishpami prometishca (Isaías 25:8). Paipa nishcata pactachingapaca pecadotami tucuchina can. Taita Diosca Jesusta mandachun churashpami pecadotaca tucuchinga. Jesusca ‘gentecunapa pecadota anchuchijmi’ can (Juan 1:29; 1 Juan 1:7).