Jahua cieloca ¿imata can?

Bibliapica caitami yachachin

Bibliapi jahua cielo nishpaca, quimsa cosascunamanda parlangapami chai shimitaca utilizan. 1) Gentecuna ricui pactashca cielo, 2)  cielo espiritual y 3) ashtahuan ali posición. Ima significadota charijta yachangapaca contextotami ricuna capanchi.a

1. Gentecuna ricui pactashca cielo. Bibliapi jahua cielo o jahua pacha nishpaca, huaquinbica ñucanchi atmosferamandami parlan. Atmosferapimi huairapash huactajun, pajarocunapash volanajun, tamia junda fuyucunapash tian, rayocunapash punchayachin (Salmo 78:26; Proverbios 30:19; Isaías 55:10; Lucas 17:24). Shinallata ‘indi, luna, luzerocuna’ tiashca pushtutapashmi jahua cielo nin (Deuteronomio 4:19; Génesis 1:1).

2. Cielo espiritual. Bibliapica mundo espiritualtapashmi cielo nishpa parlan. Chai pushtuca shuj ashtahuan mejor, ashtahuan ali pushtumi can. (1 Reyes 8:27; Juan 6:38). Chaipimi Jehová Diospash, pai rurashca angelcunapash causan. Jehová Diosca “Espiritumi” can (2 Corintios 3:17; Mateo 24:36). Huaquinbica ‘jucha illa tandanajushca’ ali angelcunatapashmi “cielo” nin (Salmo 89:5-7).

   Bibliapica mundo espiritualpi shuj partetapashmi cielo o cielocuna nin. Chaica Jehová Dios causajuj pushtumi can (1 Reyes 8:43, 49; Hebreos 9:24; Apocalipsis 13:6). Por ejemplo, Bibliapica Diablota y demoniocunata jahua cielomandami shitarca nin. Shina nishpaca Diablota y demoniocunata Jehová Diospa ñaupapi ñana presentarichun saquinatami shina nijun. Shinapash paicunaca espiritual pushtupimi cashpa catin (Apocalipsis 12:7-9, 12).

3. Shuj ashtahuan ali posición. Bibliapica shuj ashtahuan ali posición charishcata ricuchingapapashmi cielo shimitaca utilizan. Por ejemplo, shuj gobierno o autoridad. Ashtahuan ali posicionda charishcamandaca ¿ima casocunapi, ima personacunatata cielo nin? Ricupashun:

   • Jehová Diosta. Paimi tucuita mandaj, tucui poderta charij Taita Dios can (2 Crónicas 32:20; Lucas 15:21).

   • Taita Diospa Gobiernota. Taita Diospa Gobiernomi, cai alpapi tucui gobiernocunapa randi mandai callaringa. Bibliapica Taita Diospa Gobiernotami ‘mushuj jahua cielo’ nin (Isaías 65:17; 66:22; 2 Pedro 3:13).b

   • Jahua cieloman rina esperanzata charij cristianocunata (Efesios 2:6).

   • Gentecunata llaquichishpa mandaj gobiernocunata (Isaías 14:12-14; Daniel 4:20-22; 2 Pedro 3:7).

   • Cai mundota mandajuj demoniocunata (Efesios 6:12; 1 Juan 5:19).

Cieloca ¿imashinata can?

Espiritual mundopica ashtaca ruranacunami tian. Chaipica Jehová Diospa voluntadta ruraj ashtaca ashtaca millón angelcunami tian (Salmo 103:20, 21; Daniel 7:10).

Bibliapica ninmi, cieloca ninan punchapamba pushtumi can nishpa (1 Timoteo 6:15, 16). Profeta Ezequielpash shuj muscuipishnami cielotaca “punchapamba” cashcata ricurca. Profeta Danielpash ‘jatun yacushna nina Ilujshijujtami’ ricurca (Ezequiel 1:26-28; Daniel 7:9, 10). Cieloca santo, juyailla, limpio limpio pushtugumi can (Salmo 96:6; Isaías 63:15; Apocalipsis 4:2, 3).

Bibliapica nishcashnaca, cieloca ninan alipachami can (Ezequiel 43:2, 3). Shinapash gentecunaca, cielo imashina cajtaca na ali ali intinditaca ushanchichu. Porque Jehová Dios y angelcuna causajuj pushtu imashinapacha cajtaca na ali yachaita ushanchichu.