JOVENGUNAPA TAPUICUNA
Shuj ali amigo llaquichijpica ¿imatata ruraita ushapanchi?
Caitami yachana capangui
Tucui jovengunami amigocunahuan problemata charita ushapanchi. Juchayu caimandami ñucanchi mejor amigopash imatapash nijpi o rurajpica ñucanchica nali sintiri ushapanchi. Shinapash yarishun ñucanchipash imperfectomi canchi. Cabalta parlashpaca seguromi canbash chashnallata pitapash llaquichishcangui (Santiago 3:2).
Imatapash Internetpi ricunapashmi ñucanchita nali sintichita ushan. Por ejemplo, David shuti jovenga ninmi: “Conectarishpa canba amigo shuj fiestapi fotocunata llujchishcata ricushpami ‘¿imashpashi ñucata na invitahuarca?’ nishpami llaquilla o traicionado sintirita ushapanchi”.
Problemacuna ricurijpi imashina arreglanata yachajuita ushapanchimi.
Caitami rurai ushangui
Imata ruranata aliguta pensari. Bibliapica ninmi: “Cambaj yuyaipica, ama ñapash fiñaringuichu. Shinlli shungu runacunapaj yuyaipimi, chashna fiñarinaca tiajun” (Eclesiastés 7:9).
Alyssa shuti jovenga ninmi: “Huaquinbica tiempo yalijpimi yangamanda culirashcata cuenta japipangui”.
Caipi yuyapai: ¿Jaicatachu risintiringui? ¿Shujcuna llaquichijpipash aguantashpa catingapaj imata ruranata yachajunguimanllu? (Eclesiastés 7:21, 22).
Caita yaripai shujcunata perdonanaca ñucanchipallatami ali can. Bibliapica ninmi: “Fiñachijpipash upalla yalij runami, alicachi tucun” nishpa (Proverbios 19:11).
Mallory shuti jovenga ninmi: “Risintirijunapa randica perdonanami ashtahuan ali can. Perdonashpaca na chaitallata cutin cutin yarijunachu ni parlajunachu canchi, ni cutin cutin perdonda mañachunga na shuyanachu canchi”.
Caipi yuyapai: ¿Chai llaquichishcacunaca ciertopachachu nalipacha carca? Llaquichishca personahuan tranquilo causangapaca perdonanami capangui (Colosenses 3:13).
Canba amigohuan chai problemamandallata cutin cutin parlajunaca cunuj cunuj huasipa punguta cutin cutin chiri huaira yaicuchun pascajun cuendami can.
Na quiquinbilla pensarinachu capangui. Bibliapica ninmi: “Na quiquingunapa beneficiotallachu mascana capanguichi. Sino shujcunapa beneficiotapashmi mascana capanguichi” (Filipenses 2:4).
Nicole shuti jovenga ninmi: “Shuj ali amistadpash juyaipash respetopash tiajpica ima problemacuna ricurijpica uchami arreglana capangui, porque chai amistad ali catichunga ninandami esforzaripashcangui, chaimandami yanga quidachunga na munapangui”.
Caipi yuyapai: Shujcunamandaca alitami ricuna capangui (Filipenses 2:3).
¿Imatata yachajupanchi?: Llaquilla sentimientocunata cunanmandallata aguantashpa catishpaca mayorlla cajpipash aguantanaca facilmi canga. Chaita ruranata cunanmandallata yachajupai.