Shuj jovenga Salón del Reinoman gentecuna yaicunajujtami ricujun

JOVENGUNAPA TAPUICUNA

Salón del Reinopi tandanajuicunaman rinaca ¿imamandata ali can?

Testigo de Jehovacunaca semanapi ishcai viajetami Salón del Reino nishca huasicunapi tandanajun. Chaipica ¿imatata ruran? Chaiman rinaca ¿imapita quiquindaca ayudaita ushan?

Salón del Reino o Tandanajui Huasipica ¿imatata ruran?

Salón del Reino huasipica Bibliamanda consejocunata imashina pactachinatami yachachin. Chaipi tiashca tandanajuicunaca quiquindaca caicunapimi ayudanga:

Taita Diosmanda cabalta yachajui ushachun.
Cunanbi huaquin cosascuna imamanda pasajushcata intindi ushachun.
Ashtahuan ali causai ushachun.
Ali amigocunata tarita ushachun.

¿Yachaparcanguichu? Testigo de Jehovacunapa tandanajuna huasicunatami Salón del Reino nishpa rijsin. Chaipi tiashca reuniongunapi Diospa Gobiernomanda yachachijpimi shina shutihuan rijsin (Mateo 6:9, 10; 24:14; Lucas 4:43).

Chaiman rinaca ¿imamandata ali can?

Chaipi yachachishcacunaca ninandami ayudanga. Testigocunapa tandanajuipi Jehovapa yachachishcacunata yachajushpaca ali yachaitami japingui (Proverbios 4:5). Shinami Biblia ali desiciongunata agllachun ayudanga. Shinallata Bibliaca cai tapuicunatami contestan:

Shinallata sábado o domingo punllapi tiashca discursocunapica cai yuyaicunamandami parlan:

¿Imamandata Biblia ñucanchi causaipi ayudachun saquina capanchi?
Llaquicunahuan cashpaca ¿pipa ayudatata mascana capanchi?
Taita Diospa Gobiernoca ¿imacunatallata ñucanchimandaca rurajun?

“Escuelamanda shuj compañeromi reunionman shamurca. Paica ñucanchihuanmi tiarirca. Chaimi paimanga Bibliata, shuj publicaciongunatapash mañachircani. Tandanajui jipaca turiñañacunapa comentariocunataca ninandami gushtarcani nihuarcami. Shinallata ñuca iglesiapica quiquingunashna yachajungapaj publicaciongunataca na charinchichu nihuarcami” (Brenda).

¿Yachaparcanguichu? Salón del Reinoman yaicungapaca nimata na paganachu capangui.

Chai tandanajuipi gentecunata rijsishpaca cushillami sintiringui. Bibliapica Jesusta catijcunaca randimanda animaringapami tandanajun ninmi (Hebreos 10:24, 25). Cai nali mundopica pipash shujcunamandaca na preocuparinllu. Shinapash Diosta sirvishpa, shujcunamanda preocuparij gentecunahuan tandanajushpa tiempo yalinaca ninandami cushichin.

“Tucui punlla ashtaca cosascunata rurashca jipaca huaquinbica llaquilla, shaijushcami sintirini. Shinapash reuniongunapi turiñañacuna animajpimi cutin cushilla sintirini. Chaimi caya punllapapash fuerzata charini” (Elisa).

¿Yachaparcanguichu? Mundo enteropica testigo de Jehovacunamandaca 120 mil yali congregaciongunami tian. Shinallata 60 mil yali Salón del Reino huasicunapashmi tian. Cada huatami ashtahuan ashtahuan gentecunaca ñucanchi tandanajuicunamanga rin. Chaimi cada huata casi 1.500 Salón del Reino huasicunata shayachin.a

Shuj jovengunaca ¿imatata nin?

“Colegiopi cajpica shuj compañerami reuniongunaman ñucahuan rin carca. Paica shuj shuj edadta charij gentecuna igual yachajunajujtami gushtani nihuarcami. Shinallata chairallami trabajomanda ñuca jefepash reunionman rirca. Paipash quiquinguna siempre Bibliata utilizajta ricushpami ninanda gushtani nihuarcami. Tandanajuicunata ninanda alicachijta ricunami tandanajuicuna ninan valishca cashcata cuenta japichun ayudahuashca” (Jessica).

“Reuniongunapi canami ñuca problemacunapilla ama pensajuchun ayudahuashca. Reuniongunapica imashina cushilla causanata, shuj ali persona canata, shuj shuj cosascunatapashmi yachajui ushanchi. Reunión tucurijpica siempremi cushilla, animarishca llujshini” (Timothy).

“Shuj mishugutami reunionman invitarcani. Reunión tucurishca jipaca paica cashnami nihuarca: ‘Pandacunata yachachijujta ricungapallami shamurcani. Shinapash punda ñuca yachajushcacunami panda cashcarca’ nihuarcami. Shinallata testigo de Jehovacuna cushilla ali tratajtami ninanda alicachirca. Chai mishuguca, ‘ñucata chai ratopi chaira rijsishpapash, paicunaca pundamandapacha rijsihuashcatashnami tratahuarca’ nihuarcami” (Jacob).

“Huaquinbica: ‘Cunanga uchallami tandanajui tucurijpica llujshisha’ nishpami pensani. Shinapash tandanajuipi cashpaca chai nishcatapash cunganimi. Jipaman turiñañacunahuan parlajushpacarin shina pensajushcatapash ñana yarinichu. Tandanajuicunapimi ali amigocunata tari ushashcani” (Madison).

a Tandanajuicuna maipi tiajta yachangapaj munashpaca jw.org paginapi “Testigo de Jehovacunapa tandanajuicuna” nishca pushtuman yaicushpa “Maiman ringapaj munashpapash mascapailla” nishcapi llapipangui.