“Tucui clase o tucui laya gentecunata” ayudangapami imprimingapaj más fácil rurashcanchi

Jehová Diosca “tucui clase o tucui laya gentecuna [...] paipa cabal yachachishcacunata aligutapacha yachajuchunmi munan” (1 Timoteo 2:3, 4). Testigo de Jehovacunaca shuj shuj idiomacunatami parlanchi gentecunapash shinallatami parlan paicunamanmi predicanchi. Chaimandami cada huata casi 2 mil millones revistacunata, folletocunata y shuj shuj publicaciongunatapash ashtaca idiomacunapi impriminchi. Bibliamanda publicaciongunata ashtaca idiomacunapi llujchingapaca ¿imashinata contribuciongunata aliguta utilizashca?

Ashtahuan ali maquinacuna, ashalla imprentacuna

1980 huatapica 40 yali paiscunapimi revistacunataca imprimin carcanchi. Chai tiempomandapachami aliguta organizarishcanchi imprimishpa catingapaj, cunanga 9 paiscunapillami impriminajunchi. Cai tucui huatacunapica ashtaca idiomacunapi publicacionda impriminaca mirashpami catishca, cunanga casi 6 veces yalitami imprimita ushashca. Huaquinlla imprentacunahuanga ¿imashinata ashtaca idiomacunapi imprimita ushashcanchi? Alipacha imprentacunata charimandami shina rurai ushashcanchi.

Mushuj imprentacunaca jaicata publicaciongunata imprimichunmi ayudan. Pundaca imprentapi trabajo de impresionmanda shuj trabajoman cambiangapaca ashtaca tiempotami imprentata preparashpa yalin carcanchi. Cunanga 4 viajeta yali jaicatami rurai ushashcanchi, porque ashtahuan ali imprentacunatami charipanchi. Ashtahuangarin huaquinlla personacuna parlaj idiomacunapi publicaciongunatami ashalla tiempopi imprimita ushashcanchi. Shinapash trabajo de impresionmanda shujman cambiangapaca mushuj plancha de impresionmi minishtirin. Chairallami shuj huatapilla cai impresionba planchacunapica, casi 2 millones de dolarescunata gashtarcanchi.a Chaimi ashalla trabajocunapaca digital imprentacunata, laser imprentacunata utilizapanchi. Cai imprentacunaca plancha de impresiondaca na minishtinllu, ashalla publicaciongunatami ruran, chaimandami na yapa culquita gashtarin.

Cai último quimsa huatacunapica, mundo enteropi imprentacunata mejorangapaj, librocunata, revistacunata formangapaca más de 10 millones dolarescunami gashtarirca. Bibliata llujchingapaca ¿imacunatallata rurashca? Pundaca, shuj Bibliata imprimishca jipaca más de 40 pasoscunatami yalina carca. Por ejemplo, sirana, papelta rutuna, filocunata rutuna, lijana, decoranapash. Ashtahuanbash huauquicunaca librocunataca cada cierto tiempomi arreglashpa churana carca. Cunanbica 10 pasoscunallami tian, shuj cosascunataca mushuj maquinacunallatami ruran. Shinallata Biblia ña imprimishca cajpica maquinacunallatami shuj ladoman apan. Chashna ruraimandami maquihuan trabajanaca chaupi yali bajarishca. Pundaca Japonba sucursal tallerpica 2 mil Bibliatami cada 8 horas forman carca. Cunanbica 35 mil Bibliacunatami chashna tiempopillata ruran.

Ashatalla alichishpami ashtahuan ahorrashcanchi

Tucui caicunata mejorashpami contribución culquigutaca ahorrashcanchi. Por ejemplo, cunanbica ashallata imprimingapaj munashpa shuj trabajota rurangapaj munashpapash jaicatami imprimingapaca cambiaita ushanchi. Chaimandami ashatalla impriminchi shina rurashpami bodegapica na yapa alichinchi. Estados Unidos sucursalpi sirvij Gary huauquiguca ninmi: “Ashalla tiempopi ashtaca publicaciongunata impriminami ashtahuan ali canman yashpami pensaita ushanchiman. Chaimi ashalla publicaciongunata ashtaca tiempopi imprimishpa callarinaca nalishnalla ricurirca. Callari huatapica imprimingapaj planchacunapi, papelcunapimi 60 mil dolarcunata gashtarcarcanchi. Shina ñana ruraimandami cunanbica librocunata, ashtaca papelcunata bodegapica ñana charinchi. Shinami chai huatapillata más de un millón y medio dolarescunata ahorrashcanchi”. Chai ahorrashca culquicunataca shuj minishtirishca cosascunapi utilizai ushanchi Salón del Reinocunata rurangapaj shinallata llaqui apashca huauquipanicunata ayudangapaj.

Sucursalcunapica bodega shina alichingapaca na yapa minishtirinllu chaimi betelpa minishtirishca cosascunapa ashtahuan espaciota utilizanchi. Ashtahuanbash huaquin pushtucunapillami impriminajunchi chaimi cunanbica imprimingapaca ashtaca huasicunataca na yapata ruranajunchi. Por ejemplo, 2018 huatamandami Gran Bretaña sucursalpi imprimin carca, cunanga Sucursal central de Europapimi imprimin. Shinami mushuj sucursalta Chelmsford (Inglaterrapi) ñana rurashpami millones de dolarescunata ahorrashca.

“Ñucatami yarihuashcangui”

Ashtahuan importanteca publicaciongunata ñapash imprimishpami ashtahuan gentecunata Jehovaman quimirichun ayudaita ushanchi. Cunanga ashtaca idiomacunapimi imprimi ushanchi. Shinallata huaquin publicacionguna faltajpipash jaicatami imprimi ushanchi. Por ejemplo, 35 mil gentecunallami wallisiano shimitaca parlan. Paicunaca Nueva Caledonia y en las Islas Wallis y Futuna llactapimi causan. Agosto de 2024 huatapimi Traducción del Nuevo Mundo Biblia completo wallisiano shimipi llujshishca nishpa villarca. Shuj publicadora Selafina shuti huarmiguca ninmi: “Francés shimipi Bibliata liijushpaca huaquin shimicunataca na intindin carcanichu. Chaimandami wallisiano shimipi Bibliata ñucaman cujpica huacai callarircani. Chaimi Jehovata mañashpa nircani: ‘Ay Jehovalla’, ‘Ñucatami yarihuashcangui’, ‘Tucuita chasquij Diosmi cangui’”.

República Democrática del Congo llactapica 500 milmandaca asha gentecunallami sanga shimita parlan. Shina cajpipash “Para siempre Cushilla causapashunchi” libroca cai idiomapica completomi tian. Josué huauquica sanga shimita parlaj congregacionbimi sirvijun. Paica cashnami nin: Pundaca sanga shimipi Bibliata na charishpaca estudiantecunaman intindichingapaj, traducingapaj, yachachingapaca dificilmi carca. Pero chai librota charishpapash estudiantecunaca na siempre intindinllu carca. Chaimi “Sanga shimipi librota charinaca alipachami can. Cunanga Bibliamanda yachajujcunaca alimi intindin chaimandami libropi ima nijujta explicashpaca na yapa tiempota yalini”.

Cunanbica Bibliamanda publicaciongunataca ashtaca ashtaca idiomacunapimi llujchinajunchi. Shinallata shuj shuj llactacunamanbash cachanajunchi. Huauquipanicuna quiquinba contribuciongunahuan, shinallata donate.jw.org paginapi contribuciongunahuanmi tucui caita rurai ushapashcanchi. Quiquinguna shungumanda carashcamandami pagui nipanchi.