Nota

c Huaquin estudiashcacunaca Pabloca nazareocuna ruran cashcatami paipash rurashca nin (Núm. 6:1-21). Moisesman Cushca Leypimi nazareo tucuna promesataca pactachina cashcata mandajurca. Pero chai tiempopica Moisesman Cushca Leyta pactachinaca ñana minishtirishcachu carca. Y chai jaricuna Leyta pactachishpa o na pactachishpapash nalitaca na ruranajushcatami Pabloca ricushcanga. Chaimandami chai jaricunapa gastocunata pagashpa y temploman cushpapash nalitaca na rurajurca. Pero chai jaricuna ima laya promesata pactachinajushcataca na ali yachapanchichu. Chai jaricuna paicunapa pecadocunamanda limpiaringapaj Leypi nishcashna animalcunata huañuchishpa sacrificiota cugrinajujpica Pabloca na cumbashpa rinmanllu carca. Jesús huañushcamandami limpiaringapaca animalcunata huañuchinaca ñana minishtirishca carca. Pablo imatapacha rurashcataca na yachapanchichu. Shinapash chai jaricunapa gastocunata pagashpa y cumbashpaca Pabloca paipa concienciapi tranquilo sintirimandami shina rurarca.