JOVENGUNAPA TAPUICUNA
Bibliaca ¿imashinata ñucataca ayudaita ushan? Parte 1: Bibliapa valishca yuyaicunata mascapai
“Bibliata liingapaca esforzarishcanimi. Shinapash yapa largo cajtami sintini” (Briana, 15 años).
¿Quiquinbashchu shinallata sintiripangui? Caipi tiashca yuyaicunami quiquindaca ayudanga.
Bibliata liinaca ¿imamandata importante can?
¿Bibliata liina aburrido cajtachu pensapangui? Tal vez Bibliaca dibujocunapash illaj, ashtaca ashtaca paginacunahuan, uchila uchilla letracunata charij libro cajtami pensajupangui. Televisionhuan o videocunahuan comparajpica diferentepachami can.
Pero caipi pensaripai: shuj antiguo cajata ninan valishca cosascunahuan tarishpaca ¿nachu chai cajataca uchalla pascangapaj munapanguiman?
Bibliaca chai caja cuendami can. Bibliapica shuj valishca oro cuenda alipacha yuyaicunatami tari ushapangui. Chai yuyaicunaca caicunata rurachunmi ayudanga:
Ali decisiongunata japichun.
Quiquinba taitamamahuan ali llevarichun.
Ali amigocunata tarichun.
Ama yapata estresarichun.
Bibliaca shuj antiguo libro cashpapash ñucanchita ayudaita ushanmi. Shinapash ¿imamandata shina nipanchi? Bibliaca “Dios escribichishca” Shimi caimandami ñucanchitaca ayudaita ushan (2 Timoteo 3:16). Shinaca Bibliapi tiashca consejocunaca Taita Diosmandami shamun.
Bibliaca juyailla perlacunahuan shuj caja cuendami ninan valishca yuyaicunata charin.
Bibliataca ¿imashinata liina cani?
Callarimanda tucuringacamanmi Bibliataca liina capangui. Shina liishpami Biblia imata yachachijta cuenta japingui. Bibliata liingapaca caitami rurai ushangui:
Bibliapa 66 librocunataca ordenbimi lii ushangui. Génesis libromanda callarishpa Apocalipsis librocaman.
Shinallata pundamanda cunangaman imacunalla pasashcatami ordenbi lii ushangui.
Caita rurapai: Apéndice A7 Jesús cai alpapi cajpi imacunalla pasashcata ordenbi cajta ricui ushapangui.
Imapash problemata charishpaca quiquinda ayudai ushana textota mascashpa lii callarita ushangui. Por ejemplo:
Seguromi ali amigocunata charishpa paicunapi confiai ushangapaj munapanguiman. Shinaca Davidmanda Jonatanmanda parlaj textocunatami liita ushapangui (1 Samuel, capítulo 18manda 20caman). Liishca jipaca “Cómo encontrar amigos de verdad” nishca partepi tiashca tapuicunata contestapai. Shinami chai textocunamandaca ashtacata yachajui ushangui.
¿Tentacionguna ricurijpi shinlli tucungapachu munapangui? Chaipaca Josepa causaimandami Bibliapi lii ushangui. Shinami tentacionguna ricurijpi imashina mishai ushashcata yachajui ushapangui (Génesis, capítulo 39). Liishca jipaca “Cómo resistir las tentaciones” shinallata “Acusado falsamente” nishca partepi tiashca tapuicunata contestapai. Shinami imapash tentacionguna ricurijpica imata rurana cashcata yachajungui.
¿Diosta mañana imashina ayudajtachu yachangapaj munapangui? Chaipaca Nehemías runaguta ima pasashcata liipai (Nehemías, capítulo 2). Liishca jipaca “Jehová contestó su oración” nishca partepi tiashca tapuicunata contestapai. Caimandaca alipacha yuyaicunatami yachajui ushangui.
Caita rurapai: Bibliata liigrijushpaca shuj tranquilolla pushtutami mascai ushangui. Shinami tranquilo, ali lii ushangui.
Diosta sirvijcunapa causaimanda liishpa o salmo librota liishpami quiquinba causaipi imashina ayudai ushashcata pensari ushangui. Liishca jipaca cashna tapuripai:
Jehová Diosca ¿imamandashi cai shimicunataca Bibliapi escribichirca?
Jehová Diospa cualidadcunamanda, paipa rurashcacunamandaca ¿imata yachajuni?
Liishca textocunaca ¿imashinata ñuca causaipica ayudahuan?
Caita rurapai: Bibliata liishpa tucuchina metata churaripai. Ima punlla Bibliata liishpa callarinatami anotai ushangui. Chaipaca “Bibliata liingapaj programa” nishcatami utilizai ushangui. Cai programataca jw.org paginapimi tari ushangui.