¿Aligutachu Bibliataca yachachinajunchi?
1. Bibliata yachachijcunaca ¿ima responsabilidadtata charipanchi?
1 Jehová Dios “pushamujpillami” gentecunaca paita sirvi ushan (Juan 6:44). Shinapash ñucanchi yachajujcuna Jehová Diosman quimirichunga tucuicunami paicunata ayudana responsabilidadta charinchi (Sant. 4:8). Paicunata aliguta ayudangapaca aligutami prepararina canchi. Ali villaicunata intindishpa ashtahuan ñaupaman catingapaj munachunga ¿parrafocunata liipai nishpa publicacionbi tiajushca tapuicunata contestachun shuyashpallachu yachachina canchi?
2. Aliguta yachachingapaca ¿imashinata ayudana capanchi?
2 Aliguta yachachingapaca ¿imashinata ayudana canchi? 1) Yachajujcunamanga Bibliapi yachachishcacunata ali intindichun, 2) Bibliapi yachachishcacunata crichun, 3) Bibliapi yachachishcacunata pactachichunmi ayudana canchi (Juan 3:16; 17:3; Sant. 2:26; Traducción del Nuevo Mundo). Shinapash chai quimsa yuyaicunataca tauca quillacuna jipami pactachi ushan. Chai quimsa yuyaicunata asha asha pactachishpami Jehová Diosman ashtahuan quimirishpa paita sirvingapaj munanga.
3. Aliguta yachachingapaca ¿imashinata tapuicunataca rurana capanchi? ¿Imamandata shina tapuna capanchi?
3 Yachajujcunaca ¿imatata pensanajun? Bibliapi yachachishcacunata intindijujta, crijujta yachangapaca na ñucanchillachu parlajuna canchi. Chaipa randica imata pensajushcata parlachunmi animana canchi (Sant. 1:19). Ñucanchihuan yachajujca yachajujushca temamanda Biblia ima nijtaca ¿alichu intindijun? ¿Paipa shimicunapillata parlashpa chai temata intindichi ushanllu? ¿Imatata chai temamandaca yan? Bibliapi yachachishcacuna ali cajtaca ¿cuenta japinllu? (1 Tes. 2:13.) Nali ruraicunata saquina cashcataca ¿intindijunllu? (Col. 3:10.) Yachajujcuna imata pensajujta yachangapaca ñucanchipash aliguta pensarishpami respetohuan tapuicunataca rurana canchi. Chai jipaca ima nijtami aliguta uyana canchi (Mat. 16:13-16).
4. Bibliapi yachajushcacunata na cringapaj o na uchalla pactachingapaj munajpica ¿imatata rurana capanchi?
4 Huaquin yuyaicuna, costumbrecunaca alipacha sapiyashca tarpuriajunshnami ñucanchi yachajujcunapa shungupica tiajun. Chaimandami ucha cambiaitaca na ushan (2 Cor. 10:5). Shinaca Bibliapi yachajushcacunata na cringapaj, na uchalla pactachingapaj munajpica, Diospa espíritu santopa ayudahuan Bibliapi yachajushcacuna shunguman chayachunmi ashaguta shuyana canchi (1 Cor. 3:6, 7; Heb. 4:12). Shuj temata na uchalla intindi ushajpi o na pactachingapaj munajujpica shuj temaman yalinallami canchi. Llaquishpa pacienciahuan Bibliata yachachishpa catijpica tiempohuanga tal vez cambiangapaj munangami.