Tapuicuna

◼ Espiritualmente ñaupaman catingapaca ¿imatata huahuacunaca chayajuna can?

Taitamamacunaca paicunapa huahuacunaman Jehová Diosmanda yachachingapaj munashpami cada tutamanda texto diariohuan yachachin (Deut. 6:​6, 7). Familiahuan Adorana Tutapi o shuj ratocunapipash Jehová Diosmanda yachachingapami Los jóvenes preguntan nishca temacunamanda yachachin. Ashtahuangarin, dramatashna rurashpa, o imashina villachinatami huahuacunahuan repasan. Shinapash espirirtualmente ñaupaman catichunga Bibliapa shinlli temacunatapashmi huahuacunamanga yachachina can (Heb. 6:⁠1).

Pensaripashunchi ¿nachu gentecunamanga ¿Qué enseña realmente la Biblia? librohuan yachachi callarinchi? ¿Nachu chai jipaca “Manténganse en el amor de Dios” librohuan yachachishpa catinchi? Shinapash ¿imamandata cai ishcai librocunahuan yachachinchi? Enseña libromi gentecunataca Bibliata intindi callarichun ayudan. Cutin “Amor de Dios” libroca Bibliapi consejocunata pactachishpa causachunmi ayudan. Chai ishcai librocunata yachajushpami gentecunaca ‘alipacha sapiyashpa Jesustaca aliguta crishpa catin’ (Col. 2:​6, 7). Shinaca ¿nachu gentecunamanbash chai ishcai librocunahuan yachachishpaca ñucanchi huahuacunamanbash chai ishcai librocunahuan yachachina canchi? Ñucanchi huahuacunamanbash Jesús ñucanchimanda huañushcata, Diospa Reinomanda, gentecuna imamanda sufrijta, huañushca jipa ima pasajta, tucuri punllacunapi causajushcata imamanda crishcataca yachachinami canchi. Huahuacunaca testigo de Jehovacuna Bibliamanda cabalta yachachijtaca seguromi cana can. Bibliapi consejocunatapash alimi intindina can. Ashtahuangarin ‘aliguta yachajushca cashpami’ ima ali cajta ima nali cajtapash yachana can (Heb. 5:​14). Huahuacunaca na tucuicunachu igual can. Huaquingunaca ñapashmi intindin. Shujcunaca alimandami intindin. Shinapash ashtacacunaca uchillamandapachami Bibliapa shinlli temacunata intindi ushan (Luc. 2:​42, 46, 47).