Mingachishpami ‘aligucunata’ shujcunaman compartijushcata ricuchinchi (Mat. 12:35a)

Tucuicunallatami shujcunaman imapash ‘aligucunata’ compartingapaj munanchi. Shinami ‘mingachijcuna’ cashcata ricuchinchi (Rom. 12:13). Ancianocunaca, shuj congregacionmanda huauquicuna discursota cungapaj shamujpi paicunaman mingachij cashcata ricuchishpami pasajecunapipash ayudangapa arreglocunata ruran. Shinapash huaquin huauquipanicunaca, huasiman invitangapaca imagutapash na charinichu nishpami pingai tucushpa mejor na invitashca. Shina pensashpaca Martaman Jesús ima nishcata yaripai (Luc. 10:39-42). Jesusca yachachircami, huauquipanicunahuan cushijushca cangapaca valishca cosascunata charina, ali micunata caranaca na minishtirinllu nishpa. Chaipa randica huauquipanicunahuan animarina ashtahuan ali cashcatami yachachirca. Jesuspa shimicunata ali intindishpaca Bibliapi yachachishca shinami imapash ‘aligucunata’ shujcunahuan compartishcata ricuchishun (3 Juan 5-8).