PARTE 1

Diostaca ¿imashinata uyaita ushanchi?

Ñucanchihuan parlangapaca Bibliatami Diosca utilizan. 2 Timoteo 3:16

Jehovami jahua pachamanda paipa espíritu santota gentecunaman cushpa Bibliataca escribichirca

Diospa yuyaicunaca Bibliapimi can. Diosmi Bibliataca escribichirca. Bibliapica ali yuyaicunami tian. Diosca ñucanchipash chai yuyaicunata yachajuchunmi munan.

Diosllami tucuita yachan. Ñucanchipaj ima ali cajtaca paimi ali yachan. Diosta uyashpaca alitami rurashun (Proverbios 1:⁠5).

Bibliaca ashtaca shimicunapimi tian; paipa shimipillatami Bibliata liijun

Tucuicuna Bibliata leichunmi Diosca munan. Chaimandami Bibliaca ashtaca shimicunapi tian.

Diosta uyangapa munashpaca Bibliatami leina, ali intindina canchi.

Tucui lado gentecunami Diosmanda yachajunajun. Mateo 28:19

Jehovamanda villajmi, Bibliapa shuj textota ricuchijun, Bibliamandami yachachijun

Bibliata intindichunga Jehovamanda villajcunaca ayudangallami.

Paicunami mundo enteropica Diosmanda na llullashpa yachachin.

Jehovamanda villajcunapa tandanajui huasipimi tandanajushca

Jehovamanda villajcunaca gratismi Bibliata yachachin. Paicunapa tandanajuicunaman rishpaca, Diosmandaca ashtacatami yachajungui..