“Taita Dios tandachishcataca, runaca napacha shicanyachinachu“

Moisesman cushca Leypica divorciaringapaj munaj cusaca nara divorciarishpallata shuj certificadota rurana cashcatami ricuchijurca. Chai Leymi ama yangata divorciarichun ayudarca. Shinapash Jesuspa punllacunapica, judiocunata yachachijcunaca imagumandapash divorciarichun saquinllami carca. Chaimi yangata divorciarinlla carca (Mr 10:4pa notacunata nwtsty “jichushpa saquina carta”;Mr 10:11pa notacunata nwtsty “paipa huarmimanda divorciarina”,“huainayashpami causajun”). Cazaranata Jehová Dios callarichishcatami Jesusca ricuchirca (Mr 10:2-12). Cusahuarmicunaca ‘shujlla aicha tucushpami’ para siempre igual causana carca. Shinapash Bibliapi nishca shinaca, cusa o huarmi falta urmajpillami divorciarita ushan (Mt 19:9).

Cunan punllacunapi Jehovata na sirvij gentecunaca, cusahuarmi causaimanda Jesús shina pensanapa randica fariseocuna shinami pensan. Chaimi imapash problemacuna ricurijpica ñapash divorciarinlla. Cutin Jehovata sirvij cusahuarmicunaca, Bibliapa consejocunata cazushpami ima problemacuna ricurijpipash ñapash arreglangapaj esforzarin. Juyaita, respetota charinami familiacuna cushilla causachun ayudan nishca videota ricushca jipaca, cai tapuicunata contestapangui:

• 

  Proverbios 15:1​taca ¿imashinata cusahuarmicunaca pactachi ushapanguichi? Chaita ruranaca ¿imamandata minishtirishcapacha can?

• Cusahuarmicuna yangamanda ama culirarichunga ¿imashinata Proverbios 19:11​ca ayudan?

• Cusahuarmi nali causanajushpa divorciarinata pensarinapa randica ¿ima tapuicunapita pensarina can?

• Ali cusa o ali huarmi cachunga ¿imashinata Mateo 7:12​ca ayudan?