LECCIÓN 7

Cierto informacionhuan yachachipangui

Lucas 1:3

¿IMATATA RURANA CAPANGUI? Uyajcuna cabalta intindichunga, cierto cashca informacionmandami parlana capangui.

Cierto cashca informacionda mascapangui. Bibliamanda parlapangui. Usharijpicarin Bibliapipacha ricuchishpami parlana capangui. Cientificocuna ima nishcata, mushuj noticiacunata, experienciacunata o imatapash nigrijushpaca, cunan punllacaman cierto o cabal cashca informacionda utilizapangui.
Cabalta intindichipangui. Shuj textota Jehová munashcashna yachachingapaca, chai textopa ñaupa textocuna, cati textocuna imata nijujtami seguro cana capangui. Jehovata sirvij esclavopa yachachishcacunahuanbash pactami cana can (Mateo 24:45). Shuj libromanda o noticiapi uyashcata parlajushpaca, chaipi imata nishcataca na cambianachu capangui.

Numerocunata, ima pasashcacunataca na mirachishpachu parlana capangui. “Huaquin gentecuna” nijujpica “ashtaca gentecuna” nishpaca na parlanachu capangui. “Huaquinbi” nijujpipash “siempre” nishpaca na parlanachu capangui.
Aliguta pensachun ayudapangui. Paicunallata aliguta pensarishpa intindichunga, shuj textota liishca jipa o shuj informacionda utilizashca jipami tapuicunata rurana, o shuj ejemplota churana capangui.