Jesuspa Chaquita Catishpa Causashunchi Yachachishunchi tandanajuipi yachajungapaj hojapa referenciacuna
2-8 DE NOVIEMBRE
BIBLIAPA VALISHCA YUYAICUNA | ÉXODO 39, 40
“Moisés runaguca Jehová Dios imashna mandashcashnallatami tucuita rurarca”
w11-S 15/9 27 párr. 13
¿Jehová Diosca ñucataca rijsihuanllu?
13 “Moisés runagumi, tucui cai pachapi causaj jaricunamandaca, yali ali shunguta charirca” (Núm. 12:3). ¿Moisesca imashamanda ali shunguta charishcata ricuchirca? (Éxo. 7:6; 40:16). Moisesca Jehová Diospa mandashcacunamandaca na quejarircachu. Jehová Diosca paipa carpa huasita rurachun mandashpaca imasha ruranataca tucui tucuitami Moisesmanga villarca (Éxo. 26:1-6). Cunangamanmi Jehová Diosca paipa sirvijcunata ñaupaman pushangapaca paipa huaquin sirvijcunata utilizashca. Huaquinbica shuj huauqui caita o chaitami rurana canchi nijpica yapatami mandanajun yashpami talvez desanimarinchiman. Shinapash Jehová Diosca paipa sirvijcunapi confiaimandami huaquin huauquicunataca ñaupaman pushachun churashca. Jehová Diosca ima ali cajta yachaimandami caita o chaita rurana canguichi nishpa mandan. Jehová Dios ñuca carpa huasitaca cashna, chashnami rurana canguichi nishpa mandajpica Moisesca na culirarcachu. Paica Jehová Diostaca tucuipimi cazurca. Shujcunapash Jehová Dios mandashcashna tucuita aliguta rurachunmi Moisesca ricuriarca (Éxo. 39:32). Moisesca humilde caimandami Jehová Dios paipa carpa huasita rurachun paita utilizajushcata cuenta japirca.
w05-S 15/7 26 párr. 3
Tucuipi Jehová Diosta cazushunchi
3 ¿Imamandata Moisesca Jehová Diospa alipacha sirvij carca nipanchi? Tabernáculo carpa huasita rurajushpaca “Moisesca, Mandaj Dios tucuita imashna mandashcashnallatami chashnatapacha rurarca” (Éxodo 40:16). Jehová Diosta sirvijcunaca llaquicunata charishpapash Jehová Diosta tucuipi cazushpami Jehová Diosta aliguta sirvinajushcata ricuchinchi. Shinapash Jehová Diosta aliguta sirvinajushcataca na solo jatun llaquicunata aguantashpallaca ricuchi ushapanchichu. Jesusca “uchilla cosasgucunapi alita rurajcunaca, jatun cosascunapipashmi alita ruranga” nircami (Lucas 16:10, NM ). Jehová Diostaca na ashta importanteshna ricurij cosascunapipashmi cazuna capanchi.
Bibliapa Valishca Yuyaicunata Mascashunchi
w01-S 1/2 14 párr. 3
¿Jehová Diosta candallami sirvisha nishcataca pactachinajupanchichu?
3 Jehová Diosta candallami sirvisha nishcata pactachingapaca Jehová Diostaca ñucanchi munaimi sirvina capanchi. Shinallata tucui causaipimi limpio cangapaj esforzarina capanchi. Jehová Diosta candallami sirvisha nishcata pactachina importantepacha cashcata ricuchingapami apóstol Pedroca Jehová Dios ima nishcata yuyachirca. Jehová Diosca “ñucaca jucha illajmi cani. Shinamandami cangunapash, jucha illaj causana canguichi” nircami (1 Pedro 1:15, 16). Jehová Diosta candallami sirvisha nishcataca tucui ñucanchi causaipimi pactachina capanchi (Levítico 19:2; Mateo 24:13).
w15-S 15/7 21 párr. 1
¿Shujcuna ricuchunllachu imatapash rurana capanchi?
Bibliapica Tabernáculo carpa huasita rurai tucuchishca jipaca Taita Dios ‘carpata fuyuhuan quilpashcata, Mandaj Diospa punchapambapash jatun carpapi jundashcatami’ nin (Éx. 40:34). Shina rurashpami Jehová Diosca Tabernáculo carpa huasita chasquishcata ricuchirca. Bezalel y Oholiab chaita ricushpaca ¿imashinashi sintirishcanga? Tabernáculo carpa huasipa rurashcacunapi paicunapa shuticuna na escribishca tiajujpipash Jehová Dios chaicunata chasquishcata ricushpaca ninandami cushijurianga (Prov. 10:22).
9-15 DE NOVIEMBRE
BIBLIAPA VALISHCA YUYAICUNA | LEVÍTICO 1-3
“Jehová Diosman carana ofrendacunaca ¿imamandata minishtirishca carca?”
it-2-S 523 párr. 1
Ofrendacuna
Jehová Diosman rupachishpa carana animalcuna. Pipash animalta rupachishpa Taita Diosman carajushpaca animal enterotami Taita Diosmanga carana carca (Jue 11:30, 31, 39, 40huan chimbapurashpa ricupangui). Israelitacunaca juchata perdonachunmi Taita Diosman huaquin ofrendacunata caran carca. Chai ofrendacunata Taita Dios chasquichunmi huaquinbica animalta rupachishpa Taita Diosman carana ofrendacunatapash caran carca. Animalta rupachishpa Taita Diosman caraj cuendami Jesuspash paipa causaita curca.
it-2-S 525 párr. 8
Ofrendacuna
Jehová Diosman carana granocuna. Cai ofrendacunata carajushpaca huaquinbica primero fucushcatami caran carca. Shinallata Jehová Diosman carana granocunataca Taita Dioshuan ali cangapaj ofrendacunahuan, animalta rupachishpa Taita Diosman carana ofrendacunahuan, juchacunata perdonachun carana ofrendacunahuanmi igual caran carca. Pero huaquinbica chai ofrendacunataca separadomi Jehová Diosmanga caranlla carca (Éx 29:40-42; Le 23:10-13, 15-18; Nú 15:8, 9, 22-24; 28:9, 10, 20, 26-28; cap. 29). Israelitacunaca chasquishca bendiciongunamanda agradicingapami Jehová Diosmanga granocunataca caran carca. Chai ofrendacunaca camllashca harina de flor o ñañullaguta rurashca tortillaguta cuendami carai ushan carca. Animalcunata rupachij altarpimi Jehová Diosman carana granocunataca shuj partetalla churan carca. Cutin chaishuj partetaca sacerdotecunami micun carca. Taita Dioshuan ali cangapaj ofrendacunapica tanto sacerdotecuna, como caradorpashmi Taita Dioshuan ali cangapaj ofrendacunata, Taita Diosman carana granocunatapash micun carca (Le 6:14-23; 7:11-13; Nú 18:8-11). Jehová Diosman carana granocunapica levaduratapash, ni ‘mieltapashmi’ na churanachu carca (Le 2:1-16).
it-2-S 523 párr. 6
Ofrendacuna
Taita Dioshuan ali cangapaj ofrendacuna. Cai ofrendacunata carashpaca Taita Dioshuan ali cashcatami ricuchin carca. Taita Dioshuan ali cangapaj ofrendacunapica caradorpash, paipa familiapashmi chai ofrendamandaca micun carca. Taita Dioshuan ali cangapaj cushca ofrendacunata chasquij sacerdoteca chai ofrendamandami shuj partetaca japin carca. Cutin chaishuj partetaca chaishuj sacerdotecunami japin carca. Taita Dioshuan ali cangapaj ofrendamanda animalpa mishquillaguta rupachishca virata, yahuartaca Jehová Diosmi chasquin carca. Sacerdotecunapash, Taita Dioshuan ali cangapaj ofrendacunata caradorcunapash chai ofrendacunamanda micushpaca Jehová Dioshuan tandanajushpa micujuj cuendami carca. Chaica Jehová Dioshuan ali cashcatami ricuchin carca.
Bibliapa Valishca Yuyaicunata Mascashunchi
w04-S 15/5 22 párr. 1
Levítico libropa valishca yuyaicuna
2:13. Jehová Diosman carana ofrendacunapica ¿imamandata israelitacunaca cachita churana carca? Mundo enteropi gentecunaca micuna ama huaglishpa parachunmi cachitaca utilizan. Taita Diosman carana ofrendacunapica ofrendacuna ali, limpio cashcata ricuchingapami israelitacunaca cachitaca churan cashcanga.
it-1-S 1039
Vira
¿Imamandata cai leytaca curca? Moisesman cushca Leypica viraca Taita Diospallami cana can nishpami mandajurca. Animalpa aichamandaca virami ashtahuanbachaca sabroso carca. Pipash animalpa virata Jehová Diosman carashpaca Jehová Dioslla ali partecunata chasquina cashcatami ricuchijurca. Shinami Jehová Diosmanga tucuimanda yali alita carangapaj munashcata ricuchijurca. Israelitacuna Jehová Diosman animalpa virata carashpaca chai virata altarpi rupachishpa Jehová Diosman ‘micunaguta’ caranshnami carca. Shinallata chai virami Taita Diospaca ‘mishquillagu ashnajuj’ cuenda carca (Le 3:11, 16). Taita Diosman carashca animalpa virata pipash micujpica huañunami carca.
w04-S 15/5 22 párr. 2
Levítico libropa valishca yuyaicuna
3:17. Animalpa aichamandaca virami ashtahuan mishqui, ashtahuan sabroso carca. Chaimandami israelitacunamanga virataca na micunachu canguichi nishpa mandashca carca. Shinami israelitacunaca Jehová Diosmanlla ashtahuan alita carana cashcata yachajurca (Génesis 45:18). Caimandaca ¿imatata yachajupanchi? Caimandaca ñucanchi causaimanda lo mejorta Jehová Diosman cuna cashcatami yachajupanchi (Proverbios 3:9, 10; Colosenses 3:23, 24, NM ).
16-22 DE NOVIEMBRE
BIBLIAPA VALISHCA YUYAICUNA | LEVÍTICO 4, 5
“Jehová Diosmanga ashtahuan alicunatami cuna capanchi”
it-2-S 524 párr. 13
Ofrendacuna
Ofrendas por la culpa. Jehová Dios juchacunata perdonachunmi israelitacunaca ofrendacunataca cuna carca. Shinapash ofrenda por la culpa nishcataca shuj israelitacunata imatapash rurashpa llaquichishcamanda o Jehová Diospa contra imatapash rurashcamandami ofrenda por la culpa nishcataca carana carca. Shina rurashpami juchacunamanda arripintirishpa Jehová Dios perdonajpi Jehovapa agllashca llactapi causai ushana carca (Isa 53:10huan comparashpa ricupangui).
w09-S 1/6 26 párr. 3
Jehová Diosca ñucanchi imata rurai ushashcatallami rurachun mandan
Jehová Diosca gentecunahuan considerado caimandami Moisesman cushca leypica, “maltun jari llamata na charishpaca, juchamanda Mandaj Diosman cungapaca, ishcai urpita, na cashpaca ishcai palomatami apamunga” nishpa mandarca (versículo 7). Israelitacunaca Jehová Diosman carangapaj na llamaguta charishpaca ishcai urpigucunata o ishcai palomagucunatami carana carca. Chaicunataca Jehová Diosca cushijushpami chasquin carca.
w09-S 1/6 26 párr. 4
Jehová Diosca ñucanchi imata rurai ushashcatallami rurachun mandan
Moisesman cushca leypica juchata ruraj israelitacuna urpigucunapallapash, palomagucunapallapash na charishpaca, “ishcai kilo yali ashtahuan ali jacutami juchamanda cungapaj apamunga” nijurcami (versículo 11). Imashinami ricupanchi pobrella israelitacuna paicunapa juchacunata perdonachun imaguta cushcatapash Jehová Diosca chasquinllami carca. Israelitacunaca pobre caimandami Jehová Diosman juchacunamandaca imagutapash cuitaca na ushanichu nitaca na ushanachu carca.
Bibliapa Valishca Yuyaicunata Mascashunchi
Punda tiempocunapi Jehovata sirvijcunapa ejemplota catipashunchi
14 Pensaripai. Quiquinga shuj huauqui o pani juchapi urmashcata ali yachashcanguiman. Tal vez chai huauqui o pani quiquinba familia o rijsi cajpicarin paita llaquishpa juyaimandachari upalla quidangapaj munanguiman. Shinapash Jehovata tucui shunguhuan cazuna minishtirishca cashcata intindishpaca ¿imatata ruranguiman? Natanba ejemplota catishpami Jehovata tucui shunguhuan cazushpa chai huauquita juyashcatapash ricuchina capangui. Chaimandami chai huauquitaca ancianocunapa ayudata uchalla mascai nina capangui. Ancianocunahuan na parlajpica quiquinmi ancianocunahuan parlana capangui. Shinami ancianocunaca chai huauquita juyaihuan consejashpa Jehovahuan cutin ali cumbagu cachun ayudanga (Levítico 5:1; Gálatas 6:1, liingui).
it-2-S 940 párr. 6
Santidad
Animalcuna y alpapi fucushcacuna. Alpapi primero fucushcacunapash, diezmopash, animalcunata rupachishpa Taita Diosman caracunapash, Tabernáculo carpa huasipi tucui carana cosascunami Taita Diosman shicanyachishca carca (Éx 28:38). Jehová Diosman shicanyachishca tucui cosascunami valishcapacha carca. Chaimandami na yanga cosascunatashnaca ricuna carca. Por ejemplo, diezmotaca cunapachami carca. Pipash trigo cozechamanda Taita Diosman carangapaj diezmota separado charijushpa, chai separashcata na cuenta japishpa yanungapaj o shuj cosascunata rurangapaj ocupashca cashpaca Taita Diospa mandashcacunata na cazushcatami ricuchijurca. Chaimandami Moisesman cushca Leypica Taita Diosman shicanyachishca cosascunamanda japishpa ocupajpica, chai gashtashca tantotallata tigrachishpapash ashtahuan mirachishpa tigrachina cashcatami nijurca. Shinallata shuj sano jari llamagutami Taita Diosman rupachishpa carana carca. Shina pactachichun mandashpami Jehová Diosca paiman shicanyachishca cosascunata respetachun yachachirca (Le 5: 14, 15; 5:16, NM ).
23-29 DE NOVIEMBRE
BIBLIAPA VALISHCA YUYAICUNA | LEVÍTICO 6, 7
“Israelitacunaca Jehová Diosta agradicishcatami ricuchirca”
Levítico libromanda yachajupashunchi
9 Cati yuyai: Jehová Diostaca tucui shunguhuan agradicimandami sirvipanchi. Levítico libropica israelitacuna Jehová Diosta agradicingapaj munashpa imata ruraj cashcatami parlajun. Israelitacunaca Jehovata ‘pagui ningapami’ ofrendacunata o sacrificiocunata ruran carca (Lev. 7:11-13, 16-18). Cai ofrendacunataca Jehovata juyaimandami caran carca. Ofrendata carashca animalpa aichataca ofrendata carajpash, paipa familiapash, sacerdotecunapashmi micun carca. Shinapash huaquin partecunaca Jehová Diospalla shicanyachishcami carca.
w00-S 15/8 15 párr. 15
Israelitacuna carashca ofrendacunataca Jehová Diosca cushijushpami chasquirca
15 Taita Dioshuan ali cangapaj ofrendacunataca Taita Diosta agradicingapaj o Taita Diospa ñaupapi ali cashcata ricuchingapami israelitacunaca cai ofrendacunataca caran carca. Animalpa yahuarta, virata Jehová Diosman carashca jipami sacerdotecunapash, chai animalta caradorpash aichataca micun carca (Levítico 3:17; 7:16-21; 19:5-8). Taita Dioshuan ali cangapaj carashca ofrendata sacerdotepash, chai animalta caradorpash micushpaca Jehová Dioshuan micujuj cuendami carca. Chaita rurashpaca Taita Diospa ñaupapi ali cashcatami ricuchinajurca.
w00-S 15/8 19 párr. 8
Israelitacuna carashca ofrendacunataca Jehová Diosca cushijushpami chasquirca
8 Moisesman cushca leypica maijanbash Jehová Diospa amigo tucungapaj munashpaca limpiomi cana can nishpami mandarca. Pipash juchata rurashpa, Jehová Diospa ñaupapi cutin ali ricuringapaca juchamanda ofrendata o ofrenda por la culpa nishcatami cuna carca. Shina rurajpimi Jehová Diosman tucuilla animalta rupachina ofrendata o Jehová Dioshuan ali cangapaj ofrendataca Jehová Diosca chasquin carca (Levítico 5:1-6, 15, 17). Jehová Diospa ñaupapi ali cangapaj munashpaca imapash nalita o pandata rurajushpaca uchallami chaicunata saquingapaj esforzarina capanchi. Chaipaca Taita Dios cushca ayudacunatami ali aprovechana capanchi. Jehová Diosca “tandanajuj crijcunata mandaj” ancianocunapa ayudata, Jesuspa ayudatapashmi cushca (Santiago 5:14; 1 Juan 2:1, 2).
Bibliapa Valishca Yuyaicunata Mascashunchi
it-1-S 970
Nina
Tabernáculo carpa huasipi, templopi tiashca nina. Moisesman cushca Leypica Jehová Diosman tucuillata rupachina altarpica ninaca na huañushpa rupajunallami can nishpami mandarca (Le 6:12, 13). Judiocunaca chai altarpi ninataca Taita Dios milagrota rurashpami prindishca ninmi. Shinapash chai cierto cajtaca Bibliapica na ninllu. Jehová Diosca Moisesmanga Aaronba churicuna altarpi ninata japichishpa, chai ninapi yamdata aliguta alichishpa churashca jipami altarpica sacrificiotaca ruranga nishpami mandarca (Le 1:7, 8). Aarón sacerdote tucushca jipami Jehová Diospa ninaca jahua fuyumanda shamushpa Tabernáculo carpa huasipi tiashca altarpi ofrendataca tucuillata rupachishpa tucuchirca. Taita Diospa ninaca altar jahuapi tiajuj yamdata prindingapaca na carcachu. Ashtahuangarin ‘altar jahuapi tiajuj animalpa aichata virandi rupachishpa’ tucuchingapami carca. Chai jipami altarpi rupashpa catijuj ninaca sacerdotecuna prindishca ninahuan, Jehová Dios cachamushca ninahuan chapurishca rupajushcanga (Le 8:14-9:24).
si-S 27 párr. 15
Levítico libro
15 3) Pandarimanda imapash juchata rurashpaca israelitacunaca chai juchamandami Jehová Diosmanga shuj ofrendata carana carca. Juchacunamanda Jehová Diosman ofrendacunata caragrijushpaca sacerdotecuna cashpaca aparte shuj animaltami carana carca. Cutin tucui israelitacunamanda o shuj israelitamandalla Jehová Diosman shuj ofrendata caragrijushpaca diferente animaltami Jehová Diosman carana carca. Jehová Diosman rupachishpa carana animalcunata, Taita Dioshuan ali cangapaj ofrendacunataca israelitacunaca paicunapa voluntadmi caran carca. Cutin juchamanda Jehová Diosman carana ofrendacunataca maimandami carana carca (4:1-35; 6:24-30).
30 DE NOVIEMBRE—6 DE DICIEMBRE
BIBLIAPA VALISHCA YUYAICUNA | LEVÍTICO 8, 9
“Jehová Dios ñucanchita bendiciajtaca ¿imashinata yachapanchi?”
it-1-S 1239
Callarichina
Moisesca Aarondapash, Aaronba churi Nadab, Abihú, Eleazar y Itamartapashmi Tabernáculo carpa patiopi palangana nishcapi tiajushca yacuhuan armachirca. Armachishca nishpaca talvez paicunallata armachun Moisés mandashcatami nijunga. Chai jipami Moisesca Aarondaca sumo sacerdote churajuna ropata churachirca (Nú 3:2, 3). Aarón chasquishca churajuna ropaca pai imashina cana cashcata, pai imatalla rurana cashcatami ricuchijurca. Shinallata Moisesca Tabernáculo carpa huasita, Tabernáculo carpa huasipa cosascunataca Taita Diospalla shicanyachishca aceitehuanmi javirca. Shina rurashpami chai tucui cosascuna Taita Diospalla shicanyachishca cashcata ricuchishpa chai cosascunaca Jehová Diospalla sirvingapaj quedarca. Ultimomanga, Moisesca Aaronba umapimi Taita Diospalla shicanyachishca aceitetaca churarca (Le 8:6-12; Éx 30:22-33; Sl 133:2).
it-1-S 1240 párr. 8
Callarichina
‘Pusaj punllapimi’ tucui sacerdotecunaca aliguta prepararishpa israelitacunapa juchacunamanda Jehová Diosman animalcunata rupachishpa caranajurca. Chaitaca primera vezmi paicunalla ruranajurca. Israelitacunaca juchayu caimanda, shinallata orohuan rurashca shicupa ñaupapi cungurishcamandami Jehová Diospa ñaupapica nali ricurinajurca. Chaimandami sacerdotecuna paicunapa juchacunata Jehová Dios perdonachun animalcunata rupachichun minishtirca (Le 9:1-7; Éx 32:1-10). Sacerdotecuna israelitacunapa juchacunamanda Jehová Diosman animalcunata rupachishpa caranajujpimi Jehová Diosca Tabernáculo carpa huasi jahuapi tiajuj fuyumanda ninata cachamushpa ofrendataca tucuillata rupachirca. Shina rurashpami Jehová Dios sacerdotecunata chasquishcata ricuchirca (Le 9:23, 24).
Levítico libromanda yachajupashunchi
13 Chuscu yuyai: Jehová Diosca cai Alpapi paipa organizaciondaca ayudajunmi. Aaronbash, paipa churicunapash sacerdotecuna cachun agllai tucushcata ricuchingapami Moisesca huaquin ruraicunata rurashpa ñaupaman pushajurca. Cai sacerdotecuna primera vez shuj animalta Jehová Diosman cugrinajujta ricungapami israelitacunaca tandanajurca (Lev. 9:1-5). Jehová Diosca sacerdotecunata agllashcata ricuchingapaca ¿imatata rurarca? Aaronbash, Moisespash israelitacunata bendiciashca jipaca, Jehová Diosca jahua cielomandami ninata cachamushpa altar jahuapi churashca animalta rupachirca (Levítico 9:23, 24, liingui).
Bibliapa Valishca Yuyaicunata Mascashunchi
¿Imamandata tucuipi limpio cana canchi?
6 Israelita sacerdotecuna cuerpopipash limpio cashcata yarinaca ¿imashinata cunan punllacunapi ñucanchitapash ayudan? Bibliamanda yachajujcuna tandanajuicunaman rishpaca Tandanajui Huasicuna limpio cashcata ricushpa, ñucanchicunapash limpio aliguta mudarishpa rijta ricushpami alicachishpa ricun. Israelita sacerdotecuna cuerpopipash limpio cashcata yarinaca cunanbi pipash ‘Mandaj Diospa urcuman rinshna’ Jehovata ali adorajcunahuan tandanajungapaj munashpaca limpio, ali shunguhuan ricurina cashcatami yachajunchi (Salmo 24:3, 4, liingui; Is. 2:2, 3). Jehová Dios munashcashna paita adorangapaca ñucanchi yuyaicunapipash, shungupipash, cuerpopipash limpiomi cana canchi. Chaimandami huaquinbi huaquinbica imashinata Jehovata adorajuni nishpa tapurina canchi. Ima cambiocunata rurana minishtirijpica shinlli cajpipash cambiarinami canchi (2 Cor. 13:5). Yuyapashun. Shuj huauquica pornografiata ricuna nali cashcata yachashpapash ricujushpaca tapurinami can: ¿Ñucaca limpio cashcata ricuchijunichu? nishpa. Chai jipaca chai mapa ruraita ama ricungapami ayudata mascana can (Sant. 5:14).
it-2-S 416 párr. 1
Moisés
Jehová Diosca Israel llactamanda gentecunahuanmi shuj tratota rurarca. Chai tratota pactachingapaca Moisés runagutami utilizarca. Cutin mushuj tratopica Jesustami Jehová Diosca utilizarca. Chashna bendiciondaca Moiseshuan, Jesushuanllami chasquishca. Tabernáculo carpa huasita, chaipi tiana cosascunata Jehová Dios mandashcashna rurachunmi Moisesca ricuriajurca. Shinallata Moisesmi Tabernáculo carpa huasita, chaipi tiana cosascunata Jehová Diospalla shicanyachishca aceitehuan javishpa, Aarón runagupa uma jahuapipash aceiteta talishpami sacerdote canataca callarichirca. Jipamanga chairalla sacerdote tucushcacuna Jehová Diosman imashina ofrendacunata carajtami Moisesca ricuriashpa ayudajurca (Éx 25-29; Le 8, 9).