LECCIÓN 10

Aliguta parlapangui

Proverbios 8:4

¿IMATATA RURANA CAPANGUI? Imata nishcata jahuallaguta intindichingapaca, quiquinba vozta alzashpa, bajashpa, o ashaguta ligerolla o alimandallami parlana capangui.

¿IMASHINATA RURANA CAPANGUI?

Altolla o bajolla vozhuan parlapangui. Importante yuyaicunata intindichishpa animangapaca altollaguta parlapangui. Jehová Dios llaquichishcata Bibliapi liishpapash altollaguta liipangui. Quiquin imata nigrijushcata yachangapaj munachun o preocuparishcata ricuchingapaca, ashaguta bajollaguta parlapangui.

Siempre altollata parlajujpica, quiquinda uyajcunaca tacurijujpishnami sintiringa. Yapata cushijushpa, yapata llaquirishpa parlajunapash na alichu uyarin.
Na siemprechu chai vozhuanllata parlana capangui. Imashinami llaquilla o cushilla cashpaca na siempre shinallata parlanchi, shinallatami llaquilla o cushilla cosascunamanda parlashpaca vozta cambiashpa parlana capangui. Usharijpicarin, carupi cashcata, o jatun o uchilla cosascunamanda parlajushpaca huaquin palabracunata ashaguta largoyachishpami parlana capangui. Por ejemplo, “jatun” nishpaca “a” letratami ashaguta largoyachishpa parlai ushapangui.
Ashaguta ligerolla parlashpami, cushilla cashcata ricuchi ushapangui. Cutin minishtirishca yuyaicunataca ashaguta alimandallami nina capangui.

Quiquinda uyajcunata ama manllachingapaca, na ñapashchu vozta cambiajuna capangui. Ligerolla parlashpapash tucui shimicuna claro, aliguta intindirijtami parlana capangui.