Jesuspa Chaquita Catishpa Causashunchi Yachachishunchi tandanajuipi yachajungapaj hojapa referenciacuna
2-8 DE MAYO
BIBLIAPA VALISHCA YUYAICUNA | 1 SAMUEL 27-29
David runaguca ¿imatata rurarca?
it-1-S 79
Akís
Davidca Saúl runagu paita huañuchingapaj catiriajujpimi rey Akispa pambacunapi ishcai viajeta pacajungapaj rirca. Primera vez rey Akispa pambacunapi pacajungapaj rishpaca Davidca locoshnami paipa ñaupapica portarirca. Chaimi rey Akispash, caica maitashi ñucataca imatapash rurai ushahuanga nishpa mejor richun saquirca. Ña cutin segunda vez chai alpacunapillata pacajungapaj rijpica Davidca 600 soldadocunandi y paipa familiacunandimi rishca carca. Chaimi rey Akís runapash Ziqlag shuti pushtupi quidachun paicunataca saquirca (1Sa 21:10-15; Sl 34, encab. y 56, encab.).
Jovenguna, cangunapi confiachunga ¿imatata rurana canguichi?
8 Davidtaca caipashmi pasarca. Davidca rey tucungapaj agllai tucushca cashpapash mandangapaj ashtaca huatacunatami shuyana tucurca (1 Sam. 16:13; 2 Sam. 2:3, 4). Shinapash pacienciahuan shuyachunga Davidtaca ¿imata ayudarca? Na ucha rey tucushcamanda desanimarishpa quidanapa randica, paica chai ratopi imata rurai ushashcatami rurarca. Davidca filisteo gentecunapa alpacunapi pacajushpa causajushpaca Israel llactapa contracunatami macashpa misharca. Shinami pai mandana punllacamanga Judá llactata cuidarca (1 Sam. 27:1-12).
it-2-S 368 párr. 6
Llullana
Llullashpa imatapash nishpa parlanaca nalipacha cashcatami Bibliapica nin. Shinapash Bibliapi llullashpa parlana nalipacha cashpapash na yangatachu pimanbash imatapash villana capanchi. Chaimandami Jesusca cashna nirca: “Imagutapash Diospajlla cachun carashcataca, alcushna causanajuj gentecunaman na caranachu canguichi. Cangunapaj juyailla perlastapash, cuchishna causaj gentecunamanga, na shitanachu canguichi. Paicunaca sarushpa tucuchinman” nishpa (Mt 7:6). Gentecunaca ashtaca tapuicunata rurajpipash Jesusca huaquinbica na tucuita contestarcachu. ¿Imamandata Jesusca na contestarca? Ama problemacuna tiachunmi na contestarca (Mt 15:1-6; 21:23-27; Jn 7:3-10).
Bibliapa Valishca Yuyaicunata Mascashunchi
w10-S 1/1 20 párrs. 5
Huañushcacunaca ¿imatapash rurai ushanllu?
Saúl runaca, Samuelhuanmi parlajuni yashpapash paica na Samuelhuanga parlajurcachu. Ashtahuangarin shuj ayami Samuel tucushpa Saulhuanga parlajurca.
9-15 DE MAYO
BIBLIAPA VALISHCA YUYAICUNA | 1 SAMUEL 30, 31
“Llaquicunahuan cashpaca Jehová Diosman quimiripashunchi”
w06-S 1/8 28 párr. 12
Jehová Diosta cazushpaca cushillami causashun
12 Davidca paipa soldadocunandimi filisteocunapa pushtupi, Ziqlag shuti pambacunapi causanajurca. Shinapash shuj punllaca paicuna illajpimi amalequita gentecunaca Davidpa y Davidpa soldadocuna charishca tucui cosascunata shuhuashpa, shinallata chai llactata rupachishpa paicunapa huarmicunata, huahuacunata, ganadocunata shuhuashpa rirca. Chaita ricushpami Davidpash, soldadocunapash ninanda huacai callarirca. Shinapash jipamanga soldadocunaca Davidta huañuchishunchi nishpami shayarirca.
w12-S 15/4 30 párr. 14
Jehová Diosca ñucanchicunataca siempremi cuidajun
14 David runaguca ashtaca llaquicunatami charirca (1 Sam. 30:3-6). David escribishca shimicunaca Jehová Dios Davidmanda pendiente cashcatami ricuchin (Salmo 34:18; 56:8 liipangui). Jehová Diosca ñucanchicunamandapashmi pendiente can. Chaimandami ñucanchi shungu ucupi llaquillapacha sintirijujpica Jehová Diosca ñucanchihuan can. Chaita yachanami ñucanchitaca cutin ali sintirichun ayudan. Davidpash shinallata sintirishpami paica cashna nirca: “Ñuca llaquilla cajta can ricushcamandami, can llaquipi ninanda cushijujusha. Ñuca ninan llaquihuan cai horascunami, ñuca almataca rijsihuarcangui” (Sal. 31:7).
Bibliapa Valishca Yuyaicunata Mascashunchi
w05-S 15/3 24 párr. 8
Primero de Samuel libropa valishca yuyaicuna
30:23, 24. Números 31:27pi shimicunaca ricuchinmi que Jehová Diosca congregacionbi shinllita trabajaj huauquipanicunata ninanda valorashcata. Chaimandami Jehová Diosta sirvijcunaca ‘imata rurajushpapash gentecunapa rurajunshnaca na ruranachu capanchi. Sino Jehová Diospa rurajunshnami imata cashpapash tucui shunguhuan, tucui fuerzahuan rurana capanchi’ (Colosenses 3:23, TNM).
16-22 DE MAYO
BIBLIAPA VALISHCA YUYAICUNA | 2 SAMUEL 1-3
David candashca cancionmandaca ¿imatata yachajupanchi?
w00-S 15/6 13 párr. 9
Ñucanchita ñaupaman pushajcunata respetapashunchi
9 Davidca Saúl runagutaca siempremi respetohuan tratarca. Davidca Saúl runagu huañujpi cushijunapa randica ninanda llaquirishpami cashna nirca: “Saulpash, Jonatanbash, ninandami juyarin carca. Paicunapaj causaipica, na shicanyarircachu [...]. Jatun angatapash yali, ñapash calpajcunami carca. Leongunatapash yali shinllicunami carca. Israel huarmicunalla, Saulmandaca huacaichiyari” nishpa (2 Samuel 1:23, 24). Caita ricushpami David runagu shuj alipacha ejemplota saquishcata ricupanchi. Porque Saúl runaca Davidta ninanda llaquichishpa nali tratajpipash Davidca Jehová Diosta respetaimandami rey Saultapash siempre respetohuan tratan carca.
w12-S 15/4 10 párr. 8
Cunanbi gentecunaca ciertopacha juyaitaca na ricuchinllu
8 Jonatán shuti runaguca David runagutaca ninandami juyarca. Jonatanga rey Saulpa churimi carca. Chaimandami rey Saulpa churi cashcamandaca paimi paipa taitapa jipaca israelitacunata jatun mandaj tucuna carca. Shinapash israelitacunata mandachunga Jehová Diosca Davidtami agllarca. Shinapash Jonatán runaguca na culirashpami Jehová Diospa decisiondaca respetarca. Shinallata Davidhuan culiranapa randica Jehová Diospa decisionda respetashpami paipash Davidta apoyangapaj dispuesto carca. Ashtahuangarin paicunaca alipacha amigocuna tucushpami “Jonatanbaj shunguca, Davidpaj shunguhuan huatarishcashnami quedarca”. Shinallata Jonatán runaguca paipa causaita peligropi churashpami Davidtaca Jehová Diospimi confiana cangui nishpa shinllichingapaj rirca. Shinallata Davidtaca “canmi, israelcunata jatun mandaj tucungui. Shinallata ñucapash, cambaj cati mandajmi tucusha” nishpami nirca (1 Sam. 20:30-34; 23:16, 17).
Bibliapa Valishca Yuyaicunata Mascashunchi
it-1-S 1122 párr. 2
Huauquicuna, panicuna
Davidca Jonatán runagu na paipa propio huauqui cajpipashmi paitaca ñuca huauqui nishpa tratarca. Jonatán runaguta shina ñuca huauqui nishpaca ishcandillata shujlla yuyaita charishcamandami paitaca huauqui nishpa tratarca. Porque ishcandillatami Jehová Diospa ñaupapi ali ricuringapaj imagutapash ruran carca (2Sa 1:26). Shinallata David runaguca “ricuichi, huauquipura juyarinajushpa tandanajushpa causanaca, alipacha juyaillagumari” nircami. Shina nishpami na solo propio huauquipanicunalla cushilla, tranquilo, ali causai ushashcatami ricuchirca. Sino ñucanchishnallata igual yuyaita, igual propositota charij gentegucunapash huauquipurashna causai ushashcatami ricuchirca (Sl 133:1).
23-29 DE MAYO
BIBLIAPA VALISHA YUYAICUNA | 2 SAMUEL 4-6
“Jehová Diosta tucuipi cazungapaj esforzaripashunchi”
w05-S 15/5 17 párr. 7
Segundo de Samuel libropa valishca yuyaicuna
5:12. Jehová Diosca ñucanchi ali causachun munashpami paimandaca yachachishca. Y shinallata paihuan ali amigo cachunbashmi ayudashca. Chaitaca nunca na cunganachu capanchi.
w05-S 1/2 27 párr. 20
Jehová Diosca alita ruraj Diosmi can
20 Jehová Diosca arca del pactotaca solo autorizashca gentecunallami tacarita ushan nishpami mandarca. Shinallata si pipash chaita tacarijpica huañunami can nishpami mandajurca. Y chai mandashcacunataca Uzah shuti runaca ali alimi yacharca. Porque pai na sacerdote cajpipash paica levitami carca. Shinaca chai leycunataca ali alimi yachashcanga (Números 4:18-20; 7:89). Shinallata chai arca del pactoca 70 huatacunatami Uzah shuti runapa taitapa huasipi alichishca carca (1 Samuel 6:20–7:1). Chai jipami Davidpash Jerusalenman aparca. Shinaca Uzah shuti runaca chai arca del pactomanda leycunataca huahuamandapachami yachashcanga.
w05-S 1/2 27 párr. 21
Jehová Diosca alita ruraj Diosmi can
21 Uzah shuti runa Taita Diospa arca del pacto ama urmachun maquihuan trangashcamandaca Jehová Diosca paihuanga ninandami culirarca. Chaimandami paitaca chai rato huañuchirca. Caimanda Bibliapi na tucuita parlajpipash talvez Jehová Diosca Uzah runapa shungupica imapash nalitami ricushcanga. Chaimandallatami Jehová Diosca chai rato huañuchishcanga. Porque Jehová Diosca tucuita alita ruraj Diosmi can (Proverbios 21:2).
Bibliapa Valishca Yuyaicunata Mascashunchi
w96-S 1/4 29 párr. 1
Tucuitami Jehová Diospa maquipi saquina capanchi
Uzah shuti runa huañushcamandaca en parteca Davidmi culpata charirca. Porque paimi chai tiempocunapica rey carca. Uzah runata Jehová Dios huañuchishcamandaca David runaca primeroca ninandami llaquirirca ninmi. Ña cutin jipamanga Taita Diostami ninandapacha manllarca ninmi. Shinami Davidca na tucui cosascunata Jehová Diospa maquipi saquishcata ricuchirca (2 Samuel 6:8, 9). Caica Jehová Diosta alipacha sirvijcunapash huaquinbi imata ruranata na atinashpa imatapash yangata rurai ushashcatami ricuchin.
30 DE MAYO—5 DE JUNIO
BIBLIAPA VALISHCA YUYAICUNA | 2 SAMUEL 7, 8
“Jehová Diosca David runaguhuanmi shuj tratota rurarca”
w10-S 1/4 20 párr. 3
Shuj gobiernotami churasha nishpami Jehová Diosca prometirca
Jehová Diosca David runagu paita tucui shunguhuan sirvingapaj munashcata ricushpami Jehová Diosca shuj tratota Davidhuanga rurarca. Chaimi cambaj familiamandami shuj jatun mandajca shamunga nishpami Jehová Diosca Davidmanga nirca. Shinallata Jehová Diosca Natán runagutaca Davidmanga cashna nigri nishpami mandarca: “Cambaj miraicunapash, can mandajushca llactapash, ima horapash na tucurichunmi, cambaj ñaupajpillata shinllitapacha churasha. Can mandashpa tiarinapash na tucurishpami, causaita causaicaman tianga ninmi nigri” nircami.
w10-S 1/4 20 párr. 4
Shuj gobiernotami churasha nishpami Jehová Diosca prometirca
Jesusca Davidpa familiamandami shamurca. Shinallata Jesusca cai alpapimi nacirigrin nishpa villashca angelpash cashnami nirca: “Mandaj Taita Diosca paimanmi, paipaj ñaupa taita David mandashpa tiajushcataca cunga. Paimi, Jacobopaj mirai israelcunataca, causaita causaicaman mandajunga. Pai mandanaca, napacha tucuringachu” nircami (Lucas 1:32, 33). Shinaca cai shimicunaca Jehová Dios David runaguhuan rurashca tratoca Jesuspi pactarishcatami ricuchin.
Diospa Reino mandanata crishunchi
14 Cunanga Israel llactapa rey Davidhuan Rurashca Pactomanda yachajushun (2 Samuel 7:12, 16, liingui). Jehová Diosca Davidmanga villarcami, ñuca agllashca Mesiasca canba familiamandami shamunga nishpa (Luc. 1:30-33). Shinami Jehová Diosca Mesías maijan familiamandapacha shamunata ashtahuan ali intindichirca. Ashtahuangarin Jehová Diosca nircami, ‘mandanata japingapaj shamujmi’ ñuca Reinopica mandanga nishpa (Ezeq. 21:25-27). Jehová Diosca rey Davidpa familiamanda llujshishca Jesustami mandachun churanga. Shina rurajpimi rey Davidpa miraica ‘causaita causaicaman’ mandajunga. Imashinami Indica na tucurin, shinallatami Jesuspa mandanaca na tucuringa (Sal. 89:34-37). Jesús mandashpaca ima horapash na huaglishpami aliguta mandanga, unai unaicamanmi bendicianga.
Bibliapa Valishca Yuyaicunata Mascashunchi
it-2-S 1168 párr. 1
Tucurimui punllacuna
Profeta Balaamga israelitacuna Jehová Dios carasha nishca alpacunaman nara yaicujpillatami Moab llactata mandaj Balac shuti reytaca cashna nirca: “Jipa punllacunapi [o tucurimui punllacunapi] cai gentecuna, cambaj gentecunata imatalla ruranata ricuchishpa saquingapaj shamui. [...] Jacobopaj mirai israelcunamandaca, LUZEROMI Ilujshinga. Paicunamandaca, mandana varami Ilujshinga. Paimi, Moab llactapi causajcunataca, rinri ladopi huactashpa chugrichinga. Set shuti runapaj miraicunataca, tucuillatami tucuchinga” nircami (Nú 24:14-17). Profeta Balaamga israelitacunamandaca shuj luzeromi llujshinga nircami. Chai luzeroca rey Davidmi carca. Chaica rey David moabita gentecunata mandai callarijpimi pactarirca. Shinallata rey David mandai callarijpimi chai ‘jipa punllacuna’ o ‘tucurimui punllacuna’ nishcaca callarirca (2Sa 8:2). Shinallata profeta Balaamba nishcaca Jesús cai alpata mandajpi y paipa tucui contracunata mishajpimi pactaringa (Isa 9:7; Sl 2:8, 9).
6-12 DE JUNIO
BIBLIAPA VALISHCA YUYAICUNA | 2 SAMUEL 9, 10
“David runaguca ninanda juyashcatami ricuchirca”
w06-S 15/6 14 párr. 6
Ali causaita ushanchimi
Rey Davidca cashna nishpami escribirca: “Imagutapash na charij runaguta yarij runaca, ninandami cushijun. Llaqui punllapica, Mandaj Diosmi paitaca quishpichinga. Mandaj Diosmi, huacaichishpa causaitapash caranga. Cai pachapipash, ninanda cushijushpami causajunga” nishpa (Salmo 41:1, 2). Davidca Jonatán runaguhuanga alipacha amigocunami carca. Chaimandami Davidca Jonatanba churi Mefibosettaca ninanda juyaihuan considerashpa ali tratarca. Shinaca caimandaca ayudata minishtijcunata ayudana cashcatami yachajupanchi (2 Samuel 9:1-13).
w05-S 15/5 17 párr. 11
Segundo de Samuel libropa valishca yuyaicuna
9:1, 6, 7. Davidca pai imata rurasha nishcataca tucuitami pactachirca. Shinaca ñucanchipashmi paipa ejemplota catishpa imata ruragrinchi nishcataca pactachinapacha capanchi.
w02-S 15/2 14 párr. 10
Llaquicunahuan cashpapash ñaupamanmi catirca
10 Rey Davidca Jonatán runaguhuan alipacha amigocuna caimanda, shinallata Jonatanda ninandapacha juyaimandami paipa churi Mefibosettaca ayudangapaj dispuesto carca. Chaimandami rey Davidca Saúl runapa tucui imalla tiashcacunata alpacunata tucuillata Mefibóset runaguman tigrachirca. Y chaicunata ricuriashpa cuidachunga Zibá shuti runatami rey Davidca churarca. Shinallata Mefibóset runagutaca Davidca “cambash ñuca mezapimi, tucui causaipi micushpa causangui nircami” (2 Samuel 9:6-10).
Bibliapa Valishca Yuyaicunata Mascashunchi
it-1-S 284
Barba
Punda tiempocunapi israelitacuna causashca pushtucunapica jaricunapaca barbasta charinaca alipachami carca. Shinallata Taita Diospashmi israelitacunataca “uma coronataca, na muyundita rutuchinachu canguichi. Barbas pundatapash, na rutushpa huaglichinachu canguichi” nishpami mandarca (Le 19:27; 21:5).
13-19 DE JUNIO
BIBLIAPA VALISHCA YUYAICUNA | 2 SAMUEL 11, 12
“Nali munaicuna mishachunga na saquinachu capanchi”
Diablopa trampacunamandaca llujshi ushapanchimi
10 Davidmanda yachajupashunchi. Jehová Diosca Davidtaca ninandami bendiciarca. Chaimi Davidca charij charij, gentecunapa ñaupapipash rijsishca carca. Shinallata Jehová Diosca ashtaca contra soldadocunata mishachunbashmi ayudarca. Jehová Dios, Davidta cashna bendiciashcamandaca paica ninanda agradicishcami carca. Chaimi Jehovapa bendiciongunaca na cuentai ushanallami can nirca (Sal. 40:5). Shinapash shuj viajeca Davidca paipa charishca cosascunahuanlla na contento cashpami chai tucui charishca cosascuna Jehovamanda cashcataca cungarca. Codicioso tucushpami shuj viajeca ashtaca huarmicunata charishpapash shuj cazada huarmita munai callarirca. Cai huarmica Bat-Sebami carca. Urías shuti jarihuanmi cazarashca carca. Davidca paipilla pensarishpami Bat-Seba huarmihuan faltapi urmashpa vijsayuta saquirca. Chaita rurashca jahuapash paipa cusa Urías ama yachaj chayachunmi paitaca huañuchichun cacharca (2 Sam. 11:2-15). Davidca ¿imamandata shina rurarca? ¿Talvez Jehová Diosca na ricujunllu yuyarcachu? Davidca, Jehová Diosta ashtaca tiempota ali sirvijushpapashmi ansiarishpa munaimanda juchata rurarca. Antsicarin tiempohuanmi Davidca juchata rurashcata cuenta japishpa arripintirirca. Shinaca David arripintirijpi Jehová Dios perdonashcamandaca Davidca ninandami agradicishcanga (2 Sam. 12:7-13).
Jehová Diosta cazushpa catipashunchi
15 Jehová Diosca rey Davidtaca familiata mandachunllaca na agllarcachu. Ashtahuangarin israelitacunata mandachunmi agllarca. Davidca tucui tucuitami mandai usharca. Shina mandana derechota charimandami nalicunatapash rurarca (2 Sam. 11:14, 15). Canga pandarircanguimi nijpica Davidca alimanmi Jehová Diostaca cazurca. Jehová Dios nishcata cazuimandami, Jehovaman tucui tucuita villashpa, nalita rurashcamanda arrepintirishpa Jehovata mañarca. Shinallata paipa mandashcata tucui shunguhuan cazungapapashmi esforzarirca (Sal. 51:1-4). Rey Davidca humilde caimandami jaricunapa, huarmicunapa consejotapash cazurca (1 Sam. 19:11, 12; 25:32, 33). Rey David pandarishca cashpapash Jehovata ashtahuan sirvinapimi ocuparirca.
Diospa yachachishcacunahuan, leycunahuan concienciata yachachishunchi
7 Ima nali cajta ñucanchillata yachangapaca Taita Diospa leycunata na cazushpa llaquita charinaca na minishtirinllu. Chaipa randica, Bibliapi parlashca gentecuna pandarishcata liishpa, chaicunapi pensarishpami ima ali cajta ima nali cajta yachajui ushapanchi. Proverbios 1:5pica ninmi: “Alipacha yachajushca runa uyashpaca, ashtahuanmi yachajunga” nishpa. Chai yachachishcacunaca Diosmandami shamun. Chaimi tucuita yali alipacha yachachishcacuna can. Cunanga Davidpi pensaripashunchi, paica Taita Diosta na cazushpa Bat-seba huarmihuan juchapi urmashpaca ashtaca llaquicunatami charirca (2 Sam. 12:7-14). Davidmanda Bibliapi liijushpaca cashna tapuripangui: “Chai llaquicunata ama charingapaca ¿imatata Davidca rurai usharca? Ñucatapash shina pasajpica ¿imatata ruraiman? ¿Shina tentacionguna ricurijpica Joseshnachu calpashpa riman? O ¿David cuendachu chai tentacionbi urmaiman?” nishpa (Gén. 39:11-15). Juchapi urmashpa ashtaca llaquicunata charinapi pensarinaca nali ruraicunata millanayachichunmi ayudanga.
Bibliapa Valishca Yuyaicunata Mascashunchi
it-1-S 639 párr. 3
David
Según Moisesman Cushca Leypica tanto Davidpash shinallata Bat-seba huarmigupash huañunami carca. Shinapash Davidpa pandarishcamandaca Jehová Diosllatami imata ruranataca ricurca (Dt 5:18; 22:22). Jehová Diosca Davidhuan shuj tratota rurashcamandami, Davidta na huañuchishpa paitaca misericordiata charishcata ricuchirca (2Sa 7:11-16). Shinallata Jehová Diosca David runagu shujcunata llaquishpa, misericordiahuan tratashcata ricushpami, Jehová Diospash Davidtaca shinallata tratarca (1Sa 24:4-7; Snt 2:13huan comparashpa ricupangui). Jehová Diosca tanto David runagu como Bat-seba huarmigu ninanda arripintirishcata ricushpami paicunataca perdonarca (Sl 51:1-4). Pero shinapash Jehová Diosca profeta Natanda utilizashpami Davidtaca cashna nirca: “Ñucami canba familiapuramandallata canda llaquichijta churagrini” nishpa (2 Sam 12:1-12).
20-26 DE JUNIO
BIBLIAPA VALISHCA YUYAICUNA | 2 SAMUEL 13, 14
“Amnón runaca nalitapachami rurarca”
it-1-S 34
Absalón
Absalón runaca shuj juyailla panigutami charirca. Paica Tamar shutimi carca. Shinallata Absalonga shuj rucu huauquitapashmi charirca. Paica Amnón shutimi carca. Tamar jovencita juyaillagu cajta ricushpami Amnón runaca paitaca ninanda munashpa ricun carca. Chaimi Amnón runaca Tamar jovencitahuan cangapaj munashpa paica huañujuj tucushpa Tamar jovencitataca paiman yanuchun huasiman cayamurca y chaipimi Amnonga Tamar jovencitataca violarca. Shinapash jipamanga Amnón runaca Tamar jovencitataca ninandami odiai callarirca. Chaimi paitaca nimamanda na ricunayachishpa huasimandaca calpachirca.
Jarcarinata yachajupashunchi
11 Bibliapica, jarcarinata na yachaimanda, ima llaquicuna tiajtapashmi parlan. Pipash Kimberly panigushna llaquita charishpaca, Proverbios capítulo 7pi parlajuj joven huambragu ima pasashcapimi pensarina can. Shinallata, Amnón shuti runa jarcarinata na yachaimanda ima jatun llaquicunapi urmashcatami pensarina can (2 Sam. 13:1, 2, 10-15, 28-32). Huahuacuna jarcarinata yachajuchun, ali decisiongunata agllachunga, Bibliapi ejemplocunamandami taitamamacunaca Familiahuan Adorana Tutapi yachachita ushan.
it-1-S 34
Absalón
Ishcai huatacuna jipaca llamacunapa milmata rutuna horasmi chayarca. Y chaita rurashpaca siempremi gentecunaca shuj jatun micunata ruran carca. Chaimandami Absalonbash shuj jatun micunata rurashpa paipa tucui huauquipanicunata y shinallata rey Davidtapash invitarca. Chaitaca Baal-hazor shuti pueblopimi rurajurca. Shinapash, chai micunamanga rey Davidca na ri ushashachu nishpami nirca. Chaimi Absalonga shinaca canba punda churi Amnonda cachamui nishpami Davidtaca nirca (Pr 10:18). Jipamanga ña micuna horaspi Amnón runagu ña machalla cashcata ricushpami, Absalonga paipa sirvijcunataca Amnondaca huañuchichi nishpa mandarca. Chai jipaca Davidpa chaishuj churicunaca Jerusalenmanmi cutin tigrarca. Shinapash, Absalonga Guesur shuti pueblomanmi rirca. Chaipimi paipa abuelopaman pacajungapaj rirca (2Sa 13:23-38).
Bibliapa Valishca Yuyaicunata Mascashunchi
g04-S 22/12 8, 9
Taita Diospaca ¿imata ashtahuan importante can?
Absalón runa alipacha juyailla runa cajpipash, paica shuj nali personami carca. Chaimandallatami Bibliapica: “Tucui Israel puramandaca, Absalón runashna juyaillagu cashcamanda, ninandapacha alicachi tucuj runaca, shujllapash na tiarcachu. Chaquimanda callarishpa, uma pundacaman ima nalipash na tiarcachu” (2 Samuel 14:25). Absalón runaca orgulloso caimandami, paipa taitapa contra tucushpa paipa taitapa randi rey tucungapaj munarca. Shinallata paipa taitapa huarmicunatami violarca. Shina nalita rurashcamandami, Jehová Dios paitaca ninanda llaquichirca. Chaimi llaquinaitapash huañurca (2 Samuel 15:10-14; 16:13-22; 17:14; 18:9, 15).
Absalón runaca alipacha juyaillagu cajpipash, orgulloso caimandami llaquinaita huañurca. Pero shinapash, Bibliapica Jehová Diosta alipacha sirvij, ali shungu runacunamandapashmi parlan. Shinapash paicuna alipacha juyaillagu cashcata o na cashcataca na parlanllu. Caita yachashpami cuenta japipanchi que Jehová Diosca gentecunapa shungu ucupi imata charijta ricun cashcata.
27 DE JUNIO—3 DE JULIO
BIBLIAPA VALISHCA YUYAICUNA | 2 SAMUEL 15-17
“Absalón orgulloso caimandami paipa munashcata rurarca”
it-2-S 693
Precursor
Punda tiempopica jatun mandaj o rey chayajujta ricuchunmi, gentecunaca paicunapa carretacunapa ñaupajpi huaquin runacuna ñaupashpa richun churan carca (1Sa 8:11). Chaimandami Absalón runapash y Adonías shuti runapash paicunapa carretacunapa ñaupajpi 50 jaricuna ñaupashpa richun churarca. Shinami paicunapash Taita Diospa favorta charishcatashna ricuchingapaj munarca. Pero paicunaca jariyashcacuna caimandami shina ruranajurca (2Sa 15:1; 1Re 1:5; CORREDORES nishcatapash ricupangui).
w12-S 15/7 13 párr. 5
Jehová Diosta sirvishunchi
5 Rey Davidpa churi Absalonga, alipacha juyailla runami carca. Shinapash Diablo cuendami paipash, paipa taitapa autoridadta charingapaj munarca. Absalón runaca shujcuna ricuchunllami gentecunataca ayudan carca. Pero chaica na cierto carcachu. Porque paica na tucui shunguhuanllu gentecunataca ayudan carca. Absalón runaca chaitaca rurajurcami es paipa taitapa randi rey tucungapaj. Paica paipa taitatapash yalimi cangapaj munarca. Shinami paica ricuchingapaj munarca que paipa taitaca gentecunamanda nimata na shinajushcata. Absalón runaca Diablopa ejemplota catishpami, paipash paipa taitapa contra tucurca (2 Sam. 15:1-5).
it-1-S 1113
Hebrón
Huaquin huatacuna jipami Davidpa churi Absalonga cutin Hebrón llactaman tigrashpa paipa taitapa randi rey tucungapaj munashpa imacunatapash rurarca (2Sa 15:7-10). Absalón runaca Hebrón llactapi nacirishcamandami chai llactamanbacha rishpa gentecunamandaca imacunatapash rurajurca. Chaitaca gentecuna paita apoyachunmi rurajurca. Porque paica rey tucungapami munarca.
Bibliapa Valishca Yuyaicunata Mascashunchi
Na tucuita crinachu capanchi
11 Huaquinbica ñucanchimanda na cabalta parlashpami ñucanchita llaquichita ushan. Cunanga rey Davidhuan, Mefibóset runaguhuan ima tucushcata ricupashunchi. Davidca Mefibóset runaguta llaquishpami Saulpa alpacunataca paiman curca. Saulca Mefibóset runagupa abuelomi carca (2 Sam. 9:6, 7). Tiempo jipaca Mefibóset runagu nalita rurashca nijtami uyarca. Chai nishcacuna cierto o na cierto cashcata nara yachaj chayashpallatami Davidca tucuita quichurca (2 Sam. 16:1-4). Shinapash jipaman Mefibóset runaguhuanbacha parlashpami chai nishcacuna llulla cashcata cuenta japishpa cutin alpacunata tigrachirca (2 Sam. 19:24-29). Davidca imapacha pasashcata nali yachashpallata shina rurashpami Mefibóset runagutaca yangata llaquichirca.