JESUSPA CHAQUITA CATISHPA CAUSASHUNCHI
Pipash yapata molestashpa burlarijpica Jehová Diospi confiapai
Pipash ñucanchita yapata molestashpa burlarishpaca ninandami llaquichita ushan. Paicunapa molestashcacuna, burlarishcuna manllachichun saquishpaca talvezpashmi Jehová Diosmanda caruyaita ushapanchiman. Shinaca pipash yapata molestashpa burlarijpica ¿imatata ruraita ushapangui?
Ashtacacunaca Jehová Diospa ayudata mascaimandami caicuna manllachichunga na saquishca (Sl 18:17). Por ejemplo, Ester huarmiguca na manllashpami Hamán runa, judiocunata llaquichingapaj imata ruragrijushcataca tucuita villarca (Est 7:1-6). Shinapash chaita nara rurashpallatami Jehová Diospi confiashcata ayunashpa ricuchirca (Est 4:14-16). Chaita rurashcamandami Jehová Diosca paitaca bendiciarca. Shinallata tucui israelitacunatapashmi salvarca.
Ester huarmigutashna pipash canda ninanda molestashpa llaquichijujpica Jehová Diospa ayudata mañapai. Shinallata pipash canda yapata molestajushcata y burlarijushcataca canba taitamamaman, o shuj responsable personacunamanbash villapangui. Esterta ayudashcashnallatami Jehová Diosca candaca ayudanga. Pero quiquin chashna situacionda yalijushpaca ¿imatata ashtahuan ruraita ushapangui?
JOVENGUNAPA CAUSAIMANDA: YAPATA MOLESTAJPICA ¿IMATATA RURANA CANI? NISHCA VIDEOTA RICUSHCA JIPACA, CAI TAPUICUNATA CONTESTAPANGUI:
Charlie y Ferin jovengunamandaca ¿imatata yachajuita ushapangui?
Taitamamacunaca ¿imatata cai videomandaca yachajuita ushan?