CÁNTICO 36
Ñucanchipa shungutaca cuidanami canchi
(Proverbios 4:23)
1. Ñucanchipa shungutaca
cuidanami canchi.
Pandachishpa, umachishpa,
upayachinllami.
Chaimandami ñucanchipa
yuyaicunatapash
Jehová Dios munashca shina
ricuriana canchi.
2. Ñucanchipa shungu ama
pandachijuchunga
Jehovatami na cungashpa
mañariana canchi.
Paica paipa Shimihuanmi
ali yachachijun.
Chaimi cada punlla pagui
nishpa alabanchi.
3. Ñucanchipa shungutaca
cuidanami canchi.
Nali yuyaicunataca
mishanami canchi.
Jehovapaman quimirishpa,
Bibliata liishpami
Jehovataca para siempre
adorana canchi.
(Caitapash liipangui Sal. 34:1; Filip. 4:8; 1 Ped. 3:4).