Humilde canata yachachipai

HUMILDECUNACA ¿IMASHINATA CAN?

Shujcunata respetajcunami can. Jariyarishcacuna, paicunatara shujcunata yali ali tratachunbash na shuyanllu. Chaipa randica shujcunapimi preocuparin. Shujcunamanda imagutapash yachajunatapashmi gushtan.

Huaquingunaca, humildecunaca imatapash na rurai ushajcuna cashcatami yuyan. Shinapash humilde canaca tucuitaca na ali rurai ushashcata, pandarijlla cashcata cuenta japichunmi ayudan.

¿IMAMANDATA MINISHTIRISHCA CAN?

• Huahuacuna amigocunata charichunmi ayudan. La epidemia del narcisismo nishca libropica: “Humilde gentecunaca ñapash shujcunahuan tandanajushpa ali llevarinlla” cashcatami nin.

• Paicunapa causaipi ali richunmi ayudan. Huahuamandallata humilde canata yachajunaca, jatunyajpipash ali causachunmi ayudanga. Por ejemplo, trabajota mascajushpaca, jahuallami trabajota tari ushanga. Leonard Sax shuti doctorca: “Shuj entrevista de trabajopi, tucuita yachanshnalla, jariyarishca portarijpica chai entrevistapillatami chai jovenga nali quedanga, cutin trabajopa entrevistapi contratagrijuj imata nishcata uyajuj jovenga trabajota tari ushangami” ninmi.a

HUMILDE CACHUNGA ¿IMASHINATA YACHACHI USHAPANGUI?

Ama paicunapilla pensarichun yachachipai

BIBLIAPICA NINMI: “Napash imapash cashpata, ñucami ali cani nirijushpaca, paillatami pandarijun” nishpa (Gálatas 6:3).

• Napash cierto cajpita imatapash ninamanda jarcaripai. “Canba tucui munashcacunami pactaringa, tucuitami alipacha rurai ushangui” nishca shimicuna cushichij shimicunashna uyarishpapash, na siempre pactarinllu. Huahuacuna imatapash pactachingapaj munashpa, ashtacata esforzarijpica imagupash tal vez ali llujshi ushangami.

• Imatapash ali rurajpi felicitapai. Quiquinba huahuacunata cada rato, tucuitami ali rurangui nijunaca humilde cachunga na ayudanllu. Imatapash ciertopacha ali rurajpi felicitapangui.

• Internetpi yapa tiempota yalichunga ama saquipaichu. Ashtacacunaca paicuna imata rurashcata, imashina cashcatapash shujcuna ricuchunmi Internetpi imacunatapash jariyangapaj churan. Caicunata rurashpaca humilde cashcataca na ricuchinajunllu.

• Huahuacuna imapipash pandarijpica, uchalla disculparinata yachachipai. Huahuacunataca imapipash pandarishcata paicunamandallata cuenta japichun ayudapangui.

Agradicinata yachachipai

BIBLIAPICA NINMI: ‘Pagui ninajunami canguichi’ nishpa (Colosenses 3:15).

• Cai Alpapi rurashcacunamanda. Causai tiachunga cai Alpapi tiashcacuna minishtirishca cashcatami huahuacunaca intindina can. Por ejemplo huaira, yacu, micunacuna illajpica huañuringami nishpa intindichijpica, paicunaca cai Alpapi rurashcacunamanda agradicinata, respetanatami yachajunga.

• Shujcuna ali cualidadcunata charishcamanda. Huahuacunataca shujcuna imatapash ali rurajpi, o ali cualidadcunata charishcamanda envidiashpa ricujunapa randica, alicachishpa paicunamanda yachajuchunmi ayudana capangui.

• Shungumanda agradicinata yachachipai. Huahuacunataca, jahua shungulla agradicinataca nali cashcata intindichipangui. Humilde cangapaca shungumanda agradicinaca minishtirishcapachami can.

Shujcunata ayudana minishtirishca cashcata yachachipai

BIBLIAPICA NINMI: ‘Paimi ñucatapash yali ashtahuan ali yashpami, na jariyashpa tucuicunatallata alicachina canguichi. Quiquimbajlla ali cachunga, na yarinachu canguichi. Shujcunapapash ali cachunmi, tucuicunallata yarina canguichi’ nishpa (Filipenses 2:3, 4).

• Huasipi imagupipash ayudachun yachachipangui. Imapipash na ayudachun mandashpaca, taitacunallatami huahuacunataca “yapa importantemi cangui, chaicunataca na rurajunachu cangui” nijunshna canman. Pugllangapaj nara rishpallata huasipira imagupipash ayudana cashcatami yachachina capangui. Chaimi paitaca shujcuna respetanga. Pai ayudashcamanda shujcunapash beneficiarijta ricuchun ayudapangui.

• Ayudanaca paicunatallata cushichijta intindichipangui. Shujcunata ayudanaca huahuacuna ama imagumandapash ñapash culirachun, ama yangamanda huacajuchunmi ayudan. Huahuacunataca pipash llaquilla cajpi, o imapipash ayudachun minishtinajujta ricushpaca uchalla ayudachun yachachipangui. Shujcunata ayudajpica uchalla felicitapangui.