Aparatocunaca ¿imashinata ñucanchi mentetaca afectaita ushan?
Gentecunaca siempremi imagutapash yachajunajunchi. Por ejemplo, escuelapi cashpa, trabajopi cashpa o imagutapash ruranajushpa. Cunanbica aparatocunaca ñucanchitaca ashtahuan yachajuchunmi ninanda ayudaita ushan. Ashtahuangarin cunanbi tecnologiahuanga, huasillapitami imagumandapash ashtacata yachajuita ushapanchi.
Shinapash celularpilla, tabletpilla yali gentecunaca huaquin problemacunatami charita ushan. Por ejemplo:
Imagutapash liijushpaca na facilca concentrarita ushanllu.
Shuj cosaspilla concentraritaca na ushan.
Paicunalla cashpaca ñapashmi imagumandapash aburririn.
CAITAMI YACHANA CAPANGUI
IMAGUTAPASH LIIJUSHPA
Huaquin gentecunaca liijushcata ucha tucuchingapaj munaimandami yangata liina cashcamandalla liin.
Imagutapash yachangapaj uchalla liinaca alimi can. Shinapash si na aliguta concentrarishpa liishpaca, ñucanchi ciertopacha yachajungapaj cosascunata ali ali yachajuitaca na usharingachu.
CAIPI YUYAPAI: Quiquinbaca largo textocunata liinaca ¿dificilchu ricurin? Shina largo textocunata liingapaj esforzarinaca, quiquindaca ¿imapita ayudaita ushan? (PROVERBIOS 18:15).
ALIGUTA CONCENTRARINA
Huaquin gentecunaca cunanbi celularcuna, tabletcuna tiashcamandami amigocunaman mensajecunata cachashpandi estudiaitapash ushanchimi yuyai. Shinapash chaica na ciertochu can. Porque a la final imata rurajushcapi na concentrarita ushashpami imatapash alica na ruraita ushan.
Imagutapash aliguta rurangapaca alipacha concentrarinami minishtirin. Grace shuti jovencitaca cashnami nin: “Shuj cosastalla rurangapaj concentrarinami ali can. Shinallami ñucanchipash na yapata estresarishpa, ñucanchillata ali sintirita ushapanchi”.
CAIPI YUYAPAI: Estudiashpandi shuj shuj cosascunata rurajushpaca, quiquin estudiashcataca ¿facilchu yuyarita ushapangui? (PROVERBIOS 17:24).
SOLOLLA CASHPA
Huaquin gentecunaca sololla canataca na gushtanllu. Chaimandami ama paicunalla sintiringapaj celularta o tabletta japin. Olivia shuti huarmiguca cashnami nin: “15 minutocunatallapash teléfono illaj, tablet illaj o televisión illajca na caita ushanichu. Ñapashmi aburririni” nishpa.
Tucuicunallatami tanto joven cashpa o mayor cashpapash, ñucanchilla cashpa imaguta yachajushcapi pensaringapaj tiempoguta llujchina capanchi. Shinallami imagutapash ali yachajuita usharinga.
CAIPI YUYAPAI: Aliguta pensaringapami tiempoguta llujchina capangui (1 TIMOTEO 4:15).
CAITAMI RURAITA USHAPANGUI
CELULARTA O TABLETTACA ¿ALICHU UTILIZAJUPANGUI?
Celularcuna o tabletcunaca ¿imashinata quiquin imagutapash ashtahuan yachajuchun ayudaita ushan? Shinallata quiquin estudiajuj horasca ¿chaicunaca quiquin concentrarichunga ayudaita ushanllu?
BIBLIAPICA NINMI: “Mandashcatapash, ali yuyaita cushcatapashmi alichina cangui” (PROVERBIOS 3:21).