¿Gentecunaca paicunallata respetarinllu?

**¿IMAMANDATA ÑUCANCHILLATA RESPETARINACA IMPORTANTE CAN?**

Paicunallata respetarij gentecunaca ima problemacuna ricurijpipash, na llaquirishpa chaipilla quidanllu sino confianzahuanmi solucionan.

Huaquin investigacionguna nishcashnaca, na paicunapillata confianzata charijcunami ashtahuanbachaca ansiedadta, depresionda y trastornos alimentarios problemacunatapash charin. Shinallata, tragota y pastillacunatapash yapatami ufiai callarin y drogarinbash.
Paicunallata respetarinata yachaj gentecunaca na shujcunahuan compararinllu. Chaimi shujcunahuanbash facillla ali llevarin y largo tiempopa amigocunatapash charin. Cutin na paicunallata respetarij gentecunaca ashtahuanmi criticajunata yachan. Chaimi shujcunahuanbash na ali llevarita ushan.
Paicunallata respetarinata yachaj gentecunaca, ima problemacuna rijcurijpipash, chai problemacuna mishachunga na saquinllu. Maimandami paipa metacunataca pactachin. Cutin na paicunallata respetarij gentecunaca, uchilla problemacunatapash jatun problemacunatashna ricushpami chai uchilla problemacuna mishachun saquin.

¿IMATATA RURAI USHAPANGUI?

Animaj amigocunatami mascana capangui. Shujcunata respetanata yachaj, ciertopacha quiquinbi preocuparij, alicunata rurachun ayudaj personacunahuanmi tandanajuna capangui.

“Ali cumbaguca paipaj cumbataca, tucui causaipimi juyajun. Llaqui punllacuna japijpipash, quiquin huauquitashnami llaquin” (Proverbios 17:17).

Shujcunata ayudapangui. Aunque shujcuna favorta na tigrachi ushana cajpipash, paicunahuan ali cashpa, paicunamanda ali cosascunata rurashpaca, ninandami cushijupangui, alimi sintiringui. Nipi na agradicijpipash cushilla, alimi sintiringui.

“Imagutapash carashpami, carajpi japishcatapash ashtahuan yalita cushijurin” (Hechos 20:35).

Quiquinba huahuacunataca paicunallata respetarichunmi ayudana capangui. Huahuacunataca paicuna ushashca problemacunata paicunallata solucionachun saquishpami, paicunallata respetarinata yachachijupangui. Shinami shinlli problemacuna ricurijpipash chai problemacunata solucionashpa ñaupaman catichun yachachijupangui. Ashtahuangarin, paicunallata ashtahuan respetarinata yachajushpami viñashpaca ashtahuan seguro sintiringa.

“Huahuataca, ali causaita yachachingui. Shina yachachijpica rucuyashpapash, napacha cungangachu” (Proverbios 22:6).

Shuj testigo de Jehová huarmigumi shuj huarmiguman cafeteriapi Bibliata yachachijun.

¿IMATATA TESTIGO DE JEHOVACUNACA RURANAJUNCHI?

Testigo de Jehovacunahuan yachajuna y paicunapa reuniongunaman rinami gentecunataca ali causachun, paicunallata ashtahuan respetarinata yachajuchun ayudashca.

CADA SEMANAMI REUNIONGUNATA CHARINCHI

Cada semanami ñucanchi reuniongunapica Bibliamanda conferenciacunata uyanchi. Chai conferenciacunapica, ñucanchillata ashtahuan respetarichunmi consejocunata cun. Chai reuniongunaca gratismi can y pipashmi rita ushan. Por ejemplo chaipica caicunatami yachajui ushapangui...

... Taita Diospa ñucanchicuna importante cashcata.
... ñucanchi causaihuan imata rurana cashcata.
... ali amigocunata charingapaj imata rurana cashcata.

Ñucanchi reuniongunapica ali amigocunatami taripangui. Paicunaca ciertopachami ‘caishujmanda chaishujmanda preocuparinata’ yachan (1 Corintios 12:25, 26).

Ñucanchi reuniongunamanda ashtahuan yachangapaca, jw.org paginaman rishpa Ñucanchi tandanajuicunaca ¿imashinata can? videota ricupangui.

BIBLIAMANDAMI YACHACHINCHI

Cushilla causapashunchi librohuanmi gentecunamanga Bibliata gratis yachachipanchi. Chai libropica, ashtaca tapuicunami tian. Chai tapuicunaca aliguta pensarichun y Bibliamanda ashtaca textocunata intindichunmi ayudan. Shinallata, facillla intindina explicaciongunata, alipacha videocunata y juyailla dibujocunatami charin. Bibliata yachajushpami gentecunaca valishcacuna sintirishca y paicunapa causaipash mejorashca.

Testigo de Jehovacunahuan Bibliata yachajuna quiquinda imashina ayudajta yachajungapaca jw.org paginaman rishpa Bibliamandaca ¿imashinata yachachinchi? videota ricupangui.