Yahuarmandaca ¿imatata Jehová Diosca pensan?

Yahuarca ninan importantemi can. Yahuar illaca pipash na causaita ushanllu. Jehová Dios ñucanchita rurashcamandami yahuarta imashina utilizanata nina derechota charin. Pero yahuarmandaca, Jehová Diosca ¿imatata yachachin? Yahuartaca ¿micunallachu canchi? Transfusión de sangretaca ¿chasquinallachu canchi? Ali decidingapaca ¿imata ayudanga?

1. Yahuarmandaca ¿imatata Jehová Diosca pensan?

Punda tiempopi paita sirvijcunamanga Jehová Diosca, tanto gentecunapa y animalcunapa “causaica, paicunapaj yahuarpimi” can nircami (Levítico 17:14). Jehová Diospaca causaica yahuarpimi can. Y causaica Jehová Dios carashca shuj valishca regalomi can. Chaimandami yahuarpash valishca can.

2. Jehová Diosca ¿imatata yahuarmandaca yachachishca?

Jehová Diosca, primer cristianocuna nara tiajpillatami yahuartaca napacha micunachu canguichi nishpa mandarca (Génesis 9:4 y Levítico 17:10, liipangui). Y primer siglopi cristianocunamanbashmi Jehová Diosca chaitallata mandarca. Chai tiempopi Cuerpo Gobernanteta utilizashpami Jehová Diosca cashna nishpa mandarca: Yahuarta micunamandaca “jarcarinami capanguichi” (Hechos 15:​28, 29, liipangui).

Yahuarta micunata jarcarina nishpaca ¿imatata ningapaj munan? Caipi pensaripai, tragotaca na ufianachu cangui nishpa doctor mandajpica, na ufiapanguimanllu ¿nachu? Y tragota na ufiashpapash ¿micunapi churashpa o inyección cuendachu tragotaca churaripanguiman? Chaitaca na rurapanguimanllu ¿nachu? Shinallatami Jehová Dios mandashcata pactachingapaca, yahuartaca na micunachu capanchi. Ni paipa juizu huañushca animalpa aichatapash na micunachu capanchi. Yahuarhuan yanushca micunacunatacarin nimamanda na micunachu capanchi.

Cutin yahuarta charij tratamientocunataca ¿chasquinallachu capanchi? Huaquin tratamientocunapica transfusión de sangreta o yahuarpa chuscu importante partecunatami utilizan. Chaicunaca glóbulos rojos, glóbulos blancos, plaquetas y plasma nishcacunami can. Chai tratamientocunaca Jehová Diospa mandashcacunahuan ricujpica en contrami can. Shinapash huaquin tratamientocunahuan Jehovata cazunajushcata o na cazujushcata cuenta japinaca dificilmi caita ushan. ¿Imashpa? Por ejemplo, huaquin tratamientocunapica yahuarpa chuscu importante partecunamanda uchilla fracciongunatallami utilizan. Na cashpaca, pacientepa propio yahuartallatami utilizan. Shinapash maijan tratamientota chasquinataca, cada unomi decidina capanchi (Gálatas 6:5).a

ASHTAHUAN YACHAJUPASHUNCHI

3. Jehová Dios munashcashna ali decisiongunata agllapai

Yahuarhuan ricunata charij imapash decisiongunata agllagrijushpaca ¿imashinata Jehová Dios munashcashna aliguta decidita ushapangui? VIDEOTA ricushpa, cai cati instrucciongunata catina imamanda importante cashcata parlapangui.

VIDEO: Yahuarta utilizaj tratamientocunata chasquinata o na chasquinata yachangapaca ¿imatata rurana capanchi? (5:47)

• Ali decidingapaj shuj oracionguta rurapai (Santiago 1:5).

• Bibliapi consejocunata mascashpa imashina pactachinata ricupai (Proverbios 13:16).

• Quiquin causashca pushtupi doctorcuna ima tratamientocunahuanlla trabajajta investigapai.

• Maijan tratamientocunatalla nimamanda na chasquinata ali ali ricupai.

• Imata decidishpapash quiquinba conciencia ali o nali sintirijtami ricuna capangui (Hechos 24:16).b

• Imata decidinataca ni cusa, ni huarmi, ni ancianocuna, ni quiquinda Bibliata yachachidorpash na nita ushanllu (Romanos 14:12).

• Imata decidishcataca anotanami capangui.

4. Testigo de Jehovacunaca ali tratamientocunatami mascapanchi

Taita Diospa mandashcacunata pactachinchi nishpallaca na imapash ali tratamientocunataca rechazanchichu. VIDEOTA ricupai.

VIDEO: Profesor Massimo Franchipa entrevista (1:36)

Tito 3:2​ta liishpa, cai tapuita contestapangui:

• Doctorcunahuan parlanajushpaca ¿imamandata respetohuan, tranquilolla parlana capanchi?

Na chasquipanchichu	Cada unomi decidina capanchi
A. Plasma.	Plasmapa fraccionguna
B. Glóbulos blancos.	Glóbulos blancospa fraccionguna
C. Plaquetas.	Plaquetaspa fraccionguna
D. Glóbulos rojos.	Glóbulos rojospa fraccionguna

5. Yahuarpa fraccionguna

Yahuarca chuscu importante partecunatami charin: glóbulos rojos, glóbulos blancos, plaquetas y plasma. Yahuarpa chuscu importante partecunamanda ashtahuan uchilla partecunataca, fracciones sanguíneas nishpami rijsin.c Huaquinbica shuj hemorragia tiajpi o shuj unguicunata alichingapami cai fracciongunahuan rurashca medicamentocunata utilizan.

Yahuarpa fracciongunata chasquinata o na chasquinataca, Bibliapa consejocunata ali ali estudiashpa y concienciapi ali sintiringapami cada uno decidina capanchi. Huaquingunaca talvez shuj tratamientota napacha chasquinatami decidinga. Cutin shujcunaca chai tratamientota chasquinatami decidinga.

Imatapash decidigrijushpaca cashna tapuripai:

• Imamanda huaquin fracciongunatalla chasquinata o na chasquinataca ¿imashinashi doctorcunamanga intindichisha?

YARINGAPAJ

Jehová Diosca yahuarta micuchun o imapipash yahuarta utilizachunga na munanllu.

¿Imatata yachajupashcanchi?

• Yahuarca ¿imamandata Jehová Diospaca valishcapacha can?

• ¿Jehová cushca leypica transfusiongunata na chasquina cashcatachu intindichijun?

• Imapash tratamientocunata chasquinata o na chasquinata ali decidingapaca ¿imatata rurana capangui?

CAITAPASH RICUPAI

Quiquinba yahuartallata utilizashpa jambij tratamientota chasquinata nara decidishpallata ¿imatata yaipi charina capangui?

“Gentecunaca tapunmi” (Villajun revista, 15 de octubre de 2000)

Fracciones sanguíneas nishca tratamientota nara chasquinata decidishpallata ¿imapita aliguta pensarina capangui?

“Gentecunaca tapunmi” (Villajun revista, 15 de junio de 2004)

Shuj doctortaca, yahuarmanda Jehová Dios imata pensashcata aliguta intindishpa aceptachunga ¿imata ayudarca?

“Yahuarmanda Bibliapi imata nishcatami cri callarircani” (Rijcharipaichi revista, 8 de diciembre de 2003)

Comité De Enlace con los Hospitales nishcapi sirvij ancianocuna imashina huauquipanicunata ayudajta ricupai.

Imapash unguita charijcunataca Jehová Diosca cuidanmi (10:23)