¿Tucui fiestacunachu Jehová Diospa ñaupapica ali can?

Jehová Diosca ñucanchicuna cushilla causachunmi munan. Shinallata huaquinbillapash shuj fiestata rurachunmi munan. Shinapash Jehová Diospa ñaupapica ¿tucui fiestacunachu ali can? Jehovata juyashcata y pai imata pensajta respetashcataca ¿imashinata ricuchi ushapanchi?

1. Jehová Diosca ¿imamandata na tucui fiestacunahuanga de acuerdo can?

Huaquin fiestacunaca Bibliapa yachachishcacunahuanga na de acuerdo canllu. Huaquinbicarin Jehová Diosta na adoraj gentecunapa costumbrecunamandami shamun. Chaimi chai fiestacunaca panda religiongunahuan o espiritismohuan chapurishca caimanda almaca na huañunllu nishpapash gentecunamanga crichin. Shinallata huaquin fiestacunaca magiahuan y suerteta ruranacunahuanmi chapurishca can (Isaías 65:11). Chaimandami Jehová Diosca paita sirvijcunataca cashna nishpa advirtin. “Paicunapuramanda llujshichi y separarichi. Mapata tacarinataca saquinami canguichi” (2 Corintios 6:17).a

2. Gentecunata ninanda alicachij fiestacunamandaca Jehová Diosca ¿imatata yuyan?

Jehová Diosca huañuna runacunapiraca na confianachu canguichi nishpami advirtin. Gentecunapira confianaca shuj trampa cuendami can (Jeremías 17:5, liipangui). Huaquin fiestacunataca importante gentecunamanda o gobiernocunamanda nishpami ruran. Shinallata banderacunata alicachishpa, o shuj llactacunata macanajushpa mishashcata yaringapaj nishpapashmi ruran (1 Juan 5:21). Shinallata huaquingunaca shuj organizaciongunata o politicacunata apoyangapaj nishpami fiestacunataca ruran. Jehová Diospa nishcacunata ladoman saquishpa gentecunatara o cai alpapi organizaciongunatara ashtahuan alicachijpica ¿imashinashi Jehová Diosca sintiringa?

3. ¿Shuj fiestapi imacunatalla rurajpita Jehová Diospa ñaupapica nalipacha canman?

Bibliapica “vinota yapata ufiashpa, nali fiestacunata rurashpa shinallata ufiangapaj fiestacunata rurashpa”, ufiangapalla fiestacunata rurajtaca nalipacha cashcatami yachachin (1 Pedro 4:3). Huaquin fiestacunapica gentecunaca juizu chingangacaman yapata machaimandami nalicunatapacha ruran. Jehová Diospa amigo cashpa catingapaj munashpaca cai nali ruraicunamandami caruyana capanchi.

ASHTAHUAN YACHAJUPASHUNCHI

4. Jehová Diosta na respetota ricuchij fiestacunapica na chapurinachu capanchi

Efesios 5:10​ta liishpa, cai tapuicunata contestapangui:

• Imapash fiestacunata ruranata o na ruranata yachangapaca ¿imacunamandallata seguro cana capanchi?

• Quiquin causajushca pushtupica ¿ima fiestacunatallata ruran?

• Chai fiestacunataca ¿Jehová Diosca alicha ricun?

Por ejemplo, cumpleañoscunamandaca Jehová Diosca ¿imatata yuyan? Bibliapica Jehová Diosta sirvijcuna cumpleañoscunata celebran cashcataca na parlanllu. Pero Jehová Diosta na sirvij ishcai personacuna cumpleañosta rurashcatami parlan. Génesis 40:20​manda 22​caman y Mateo 14:6​manda 10​caman liishpa, cai tapuicunata contestapangui:

• Cai ishcai cumpleañoscunamanda parlashpaca ¿imacunapillata igual can?

• Cai textocunapi liishcashnaca Jehová Diosca cumpleañoscunamandaca ¿imatashi yuyan? ¿Imata nipanguiman?

Talvez pensaripashcanguichari: Bibliapa yachachishcacunahuan na de acuerdo caj fiestacunata o cumpleañoscunata ñuca rurajpica ¿Jehová Diosca ciertopachacha nali sintiringa? Éxodo 32:1​manda 8​caman liishpa y cai VIDEOTA ricushpa, cai tapuicunata contestapangui:

VIDEO: Taita Dios nalicachishca fiestacuna costumbrecunapash (5:07)

• Jehová Dios imacunatalla gushtajtaca ¿imamandata ali yachana capanchi?

• ¿Imashinata chaitaca rurai ushapanchi?

Imapash fiestacunata Jehová Dios gushtajta o na gushtajtaca ¿imashinata yachai ushapanchi?

• ¿Bibliapa yachachishcacunahuanga en contrachu can? Chaita yachangapaca imashina chai fiesta tiai callarishcata investigapangui.

• ¿Gentecunata, organizaciongunata o banderacunata ninanda alicachishcatachu ricuchin? Ñucanchica Jehová Diostallami alicachinchi. Shinallata Jehová Dioslla cai mundopi tiashca problemacunata tucuchinapipashmi confiapanchi.

• Chai ruraicunaca ¿Bibliapa yachachishcacunata na pactachij ruraicunachu can? Ñucanchi tucui causaipi, yuyaipipash limpio cangapami esforzarina capanchi.

5. Bibliapi crishcacunata shujcuna respetachun esforzaripangui

VIDEO: Imata crishcataca respetohuanmi parlana capanchi (2:01)

Mateo 7:12​ta liishpa, cai tapuicunata contestapangui:

• Cai textopi ricushcashnaca na cristiano familiacunataca imapash fiestacunataca ¿napacha ruranachu cangui ninachu capangui?

• Paicunahuan imapash fiestacunata na igual celebrashpapash ¿imashinata quiquinba familiata ninanda juyashcataca ricuchi ushapangui?

6. Jehová Diosca ñucanchicuna cushilla causachunmi munan

Jehová Diosca ñucanchi familiacunahuan, amigocunahuan cushilla tiempota yalichunmi munan. Eclesiastés 8:15​ta liishpa, cai tapuita contestapangui:

• Cai textopica ¿imashinata Jehová Dios ñucanchicuna cushilla cachun munashcataca ricuchin?

Jehová Diosca paita sirvijcuna tandanajushpa cushilla yalichunmi munan. Chaitaca ñucanchi asamblea internacionalcunapimi ricupanchi. Chaita ashtahuan yachangapaca cai VIDEOTA ricupangui.

VIDEO: Internacional Jatun Tandanajuicunapica huauquipanicunaca juyashcatami ricuchirca (5:40)

Gálatas 6:10​ta liishpa, cai tapuicunata contestapangui:

• Shujcunata cushichingapaca ¿fiestata ruranapachachu minishtirin?

• Regalocunata carangapaca ¿shuj fechapi obligacionmandallachu carangapaj munapangui? o ¿ima hora cashpapash shungumanda carangapachu munapangui?

• Huaquin Testigo taitamamacunaca huahuacunahuan cushilla yalingapami imagutapash rurashpa regalogucunata carashpa cushichin. Quiquinbash huahuacunata charishpaca ¿imacunatallata paicunamanda rurangapaj munapangui?

YARINGAPAJ

Jehová Diosca ñucanchi familiacunahuan y amigocunahuan cushilla tiempota yalichunmi munan. Shinapash pai na alicachishca fiestacunapi participachunga na munanllu.

¿Imatata yachajupashcanchi?

• Imapash fiestacunata Jehová Dios gushtajta o na gushtajta yachangapaca ¿imatallata tapurina capanchi?

• Huaquin fiestacunata na ruranata decidishcataca ¿imashinata ñucanchi familiaman y amigocunamanbash intindichita ushapanchi?

• ¿Imashinata Jehová Diosca ñucanchi imaguta rurashpapash cushilla yalichun munashcata yachapanchi?

CAITAPASH RICUPAI

Huaquin fiestacunata imamanda cristianocuna na rurajta liipangui.

“¿Por qué los testigos de Jehová no celebran ciertas fiestas?” (jw.org paginapi ricupangui)

Cumpleañoscunata imamanda Jehová Dios na gushtajta chuscu yuyaicunapi yachajupangui.

“Testigo de Jehovacunaca ¿imamandata cumpleañoscunataca na ruran?” (jw.org paginapi ricupangui)

Cai mundopi fiestacuna tiajpipash, Jehová Diosta juyaj huahuacuna imashna Jehová Diosta cushichijta ricupai.

Jehová Diosca candaca ninanda alicachishpami ricun (11:35)

Mundo enteropi ashtaca cristianocunaca navidadtaca na celebranllu, chai decisionda agllashcamandaca paicunaca ¿cushillachu can?

“Navidadta celebranatapash yalimi cushichin” (Villajun revista, 1 de diciembre de 2012)