LECCIÓN 46
¿Imamandata Jehová Diostalla sirvingapaj decidina y bautizarina capangui?
Pipash Jehová Diostalla sirvingapaj decidishpaca shuj oracionda rurashpami ‘candallami adorashpa causasha y canba voluntadtallami siempre pundapi churasha’ nishpami Jehová Diosmanga prometin (Salmo 40:8). Y chai jipa bautizarishpami Jehová Diostalla sirvingapaj decidishcata ricuchin. Chaita decidinami ashtahuan importante decisión can. Porque chai decisionga ñucanchi causaitapashmi cambian. Shinapash chai decisionda agllachunga ¿imashi ayudanga?
1. Jehová Diostalla sirvinata decidichunga ¿imata ayudanga?
Juyaimi Jehová Diostalla sirvinata decidichun ayudanga (1 Juan 4:10, 19). Bibliapica ninmi: “Canba Taita Dios Jehovataca canba tucui shunguhuan, canba tucui causaihuan, canba tucui yuyaihuan, canba tucui ushaihuanmi juyana cangui” ninmi. (Marcos 12:30). Jehová Diosta juyashcataca ñucanchi parlocunahuan y ruraicunahuanmi ricuchipanchi. Por ejemplo, shuj parejaca ninanda juyarimandami cazaranata decidin. Shina cuendallatami ñucanchicunapash Jehovata ninanda juyaimandaca paitalla sirvinata decidinchi y bautizarinchipash.
2. Bautizarishca Testigocunataca ¿imashinata Jehová Diosca bendiciashca?
Quiquinbash bautizarishpaca Jehová Diospa familiami tucupangui. Y chaipica Jehová Dios quiquinda ninanda juyashcata ricushpami paiman ashtahuan quimiripangui (Malaquías 3:16-18, liipangui). Ashtahuanbash Jehová Diosca quiquinba Taitashnami tucunga. Shinallata Jehovata y quiquinda juyaj mundo enteropi huauquipanicunapashmi quiquinbaca shuj familiashna tucunga (Marcos 10:29, 30, liipangui). Shinapash nara bautizarishpallatami caita rurana capangui: Jehová Diosta rijsina, paita juyana y paipa Churipi feta charina. Ultimopica quiquinba tucui causaipi candalla sirvisha nishpami Jehová Diosmanga prometina capangui. Caicunata rurashca jipa bautizarishpaca, para siempre cushilla causana oportunidadtami charipangui. Bibliapica “bautismoca Jesucristo causarishcamandami quiquingunataca salvajun” ninmi (1 Pedro 3:21).
ASHTAHUAN YACHAJUPASHUNCHI
Cunanga Jehová Diostalla sirvingapaj decidina y bautizarinapash imamanda importante cashcatami ricugripanchi.
3. Tucuicunallatami pita sirvinata decidina capanchi
Huaquin israelitacunaca Jehová Diosta y yanga dios Baaltapash adoraita ushanchimi nishpami pensan carca. Pero paicunaca pandatami pensanajurca. Chaimandami paicunata corregingapaca Jehová Diosca profeta Eliasta cacharca. 1 Reyes 18:21ta liishpa, cai tapuita contestapangui:
Israelitacunaca ¿imatata decidina tucurca?
Israelitacunashnami ñucanchicunapash pita sirvinata decidina capanchi. Lucas 16:13ta liishpa, cai tapuicunata contestapangui:
Jehová Diosta adorajushpaca ¿imamandata shuj cosascunatapash na adorana capanchi?
Jehovatalla sirvingapaj decidishcataca ¿imashinata ricuchi ushapanchi?
4. Jehová Dios quiquinda ninandapacha juyashcata pensaripangui
Jehová Diosca ñucanchicunamanga ashtaca valishca regalocunatami carashca. Shinapash ñucanchicunaca ¿imatata Jehová Diosmanga cuita ushapanchi? VIDEOTA ricupai.
Jehová Diosca ¿ima cosascunapillata quiquinda juyashcataca ricuchipashca? Salmo 104:14 y 15 y 1 Juan 4:9 y 10ta liishpa, cai tapuicunata contestapangui:
Jehová Dios carashca regalocunamandaca ¿maijanmandata ashtahuan agradecido sintiripangui?
Jehová Dios imatalla carashcata yuyarishpaca ¿imashinata sintiripangui?
Pipash ñucanchi gushtashcata carajpica, chai regalogumanda ninanda agradecishcata yachachunmi munapanchi. Deuteronomio 16:17ta liishpa, cai tapuita contestapangui:
Jehová Dios quiquinman tucuita carashcata yarishpaca ¿nachu quiquinbash paiman imagutapash carangapaj munapanguiman? ¿Imatata carapanguiman?
5. Jehová Diostalla sirvingapaj decidishpaca ashtaca bendiciongunatami chasquipangui
Gentecunaca famoso cana, shuj profesionda charina o ashtaca culquita charinami cushilla causachun ayudan ninmi. Chaica ¿ciertochu can? VIDEOTA ricushpa, cai tapuicunata contestapangui:
Videopi ricushca huauquigu futbolta pugllanata ninanda gushtashpapash ¿imamandata chaita saquinata decidirca?
Huauquigu futbolta pugllanata saquishpa, Jehovata sirvinata decidishpaca ¿alitachu decidirca? ¿Imatata nipanguiman?
Nara cristiano tucushpaca, Pabloca shuj alipacha profesionda charina oportunidadtami charirca. Paica ley judiata alipacha yachachij profesorhuanmi estudiashcarca. Shinapash cristiano tucungapami chaicunata saquirca. Pero ¿jipamanga arrepintirircacha? Filipenses 3:8ta liishpa, cai tapuicunata contestapangui:
Punda charishca cosascunataca ¿imamandata Pabloca shuj basurashna cashcata nirca?
Punda charishca cosascunata saquishcamandaca ¿imatata chasquirca?
Quiquinba causaita Jehová Diosta sirvingapaj utilizashpaca ¿ashtahuan cushilla causanatachu yuyapangui? ¿Imamandata shina pensapangui?
Pablo cristiano tucushpaca, ashtahuan valishca bendiciongunatami chasquirca
HUAQUINGUNACA, “Ñucanchi causaita Taita Diostalla siempre sirvingapaj utilizanaca na ali canllu” ninmi.
Jehová Diostalla sirvishpa causana ¿ali cashcatachu cripangui? ¿Imamandata shina yuyapangui?
YARINGAPAJ
Jehová Diosta ninanda juyanami paitalla sirvichun y bautizarichun ayudanga.
¿Imatata yachajupashcanchi?
Jehová Diosca ¿imamandata paitalla tucui shungu juyachun y paitalla adorachun mericin?
Bautizarishca Testigocunataca ¿imashinata Jehová Diosca bendician?
¿Jehová Diostalla sirvingapaj munapanguichu?
CAITAPASH RICUPAI
Shuj deportista y shuj cantantepash imamanda Jehová Diostalla sirvingapaj decidishcata ricupai.
Imacunamandalla Jehová Diostalla sirvinata decidinata ricupai.
“¿Imamandata Jehovatalla sirvingapaj decidina canchi?” (Villajun revista, 15 de enero de 2010)
Jehová Diosta sirvingapaj decidishcamanda huaquin gentecuna cushilla sintirishcata cai canticopi ricupai.
“Ashtaca huatacunatami ima propositohuanshi causanchi yashpa tapurin carcani” nishca experienciapica shuj huarmigu imamanda paipa causaita cambianata decidishcatami ricui ushapangui.
“Bibliami gentecunapa causaita cambiashca” (Villajun revista, 1 de noviembre de 2012)