Diospa Reinoca ¿Imashinata quiquinda ayudanga?

Imashinami ñaupa temacunapi yachajurcanchi, testigo de Jehovacunapaca Diospa Reinoca minishtirishcapachami can. Shinapash ¿nachu huaquinbica pensapashcangui, Diospa Reino carana bendiciongunaca na pactaringachu nishpa?

Tucuicunallatami pi imata nijpipash cierto cashcata o na cierto cashcata ricuna canchi (Proverbios 14:15). Ñaupa punlla Berea llactapia Jesusta catijcunaca, ali villaicunata uyashcandimi Diospa Shimipi chimbapurashpa ricun carca (Hechos 17:11). Shina ricushpami paicunaca ali villashcacuna cierto cajta cuenta japirca.

Testigo de Jehovacunapash Diospa Reinomanda ali villaicuna cierto cajta o na cierto cajta quiquinllata Bibliapi ricushpa cuenta japichunmi munapanchi. Chaimandami Bibliataca quiquinba huasipillata yachachinchi. Yachachishcamandaca na cobranchichu.

Bibliata yachajushpaca Diospa Reinomandapash cai cati tapuicunamandapashmi yachajui ushapangui:

• Gentecunaca ¿imashinata causai callarirca?

• ¿Imapata causanchi?

• ¿Imamandata Taita Diosca llaquicuna tiachun saquishca?

• Huañushca jipaca ¿maimanda rinchi?

• ¿Cai Alpaca tucuringachu?

• ¿Imashinata familiacunaca cushilla causai ushan?

Ashtahuangarin Bibliata yachajushpaca Taita Diosmanmi quimirita ushapangui (Santiago 4:8). Taita Diosman ashtahuan quimirishpami cunan punllacunapipash, shamuj punllacunapipash Diospa Reino bendicianataca crita ushapangui. Jesusca paipa Taitataca nircami: “Na llullaj shujlla Taita Dios cashpami, cambaj Churi Jesucristotaca cachamuhuarcangui. Shina cajta rijsishpallami, pipash causaita causagringa” nishpa (Juan 17:3).