“Can mandanaca, ucha chayamuchunmi munanchi”: Nishpami ashtaca millón gentecunaca cutin cutin mañanajushca
¿Quiquinga Taita Diospa Gobierno ucha chayamuchun nishpa mañapashcanguichu? Punda tiempomandapachami ashtaca millón yali gentecunaca shina mañanajushca. ¿Imamandata shina nishpa mañashca? Jesusmi paipa catijcunataca cashna mañana canguichi nishpa mandarca: “Can mandanaca, ucha chayamuchunmi munanchi” nishpa.
Jesús paipa catijcunaman Taita Diospa Gobiernomanda parlajpica, paicunaca na ashta ali intindinajurcachu. Chaimi Jesustaca cashna nishpa tapurca: “Apunchi Jesús, ¿cunan punllacunallatacha cai Israel llactataca, ñucanchillata mandachun cutin alichingui?” nishpa. Shina tapujpipash Jesusca na tucuita villarcachu (Hechos 1:6, 7). Shinapash cunanbica Taita Diospa Gobierno ima cajta, imahora shamunatapash yachaita ushanchimi.
Cai revistapimi cai cati tapuicunapa respuestacunata tarita ushapangui:
¿Imamandata Taita Diospa Gobierno mandachun minishtinchi?
Taita Diospa Gobiernopica ¿pita mandajun?
Taita Diospa Gobiernoca ¿imahorata cai alpataca mandanga?
Taita Diospa Gobiernoca ¿imatata gentecunamandaca ruranga?
¿Imamandata Taita Diospa Gobiernotaca cunanmandallata apoyana capanchi?
Taita Diospa Reino o Gobiernoca ¿imata can?