Bibliata liishpaca ¿imashinata ashtahuan beneficiaripashun?

1. Taita Diospa Shimi Jesuspa importante cashcataca ¿imashinata ricuchirca?

JESÚS yachachijujpi paita uyana imashina cashcata pensaripai. Paica Bibliapi ima nishcataca de memoriami nin carca. Jesusca bautizarishca jipa y nara huañujpillatami chaitaca rurarca (Deut. 8:3; Sal. 31:5; Luc. 4:4; 23:46).b Jesusca quimsa huata chaupita predicashpaca Bibliata liirca, chaipi ima nishcata ricuchirca y aligutami intindichirca (Mat. 5:17, 18, 21, 22, 27, 28; Luc. 4:16-20).

2. Diospa Shimita Jesús ali rijsichunga ¿imata ayudarca? (Callari paginapi dibujota ricupangui).

² Jesusca nara predicai callarishpallatami Bibliata liina costumbretaca ña charirca. Shinallata shujcuna Bibliata liijpi o Bibliamanda parlajpica ali uyana costumbretami charirca. Ashtahuangarin Jesusca José y María Diospa Shimimanda paicunapa familiahuan parlanajushcatami uyashcanga (Deut. 6:6, 7).c Jesús paipa familiahuan tucui sabadocuna sinagoga huasiman rishcata y chaipi Diospa Shimimanda liijpi aliguta uyashcataca seguromi capanchi (Luc. 4:16). Jipamanga Jesusllatami Diospa Shimita lii callarirca. Jesusca Diospa Shimipi imata nishcatallaca na yacharcachu. Más bien Diospa Shimita juyashpa Diospa Shimi paita ayudachunmi saquirca. Por ejemplo, Jesús 12 huatagutalla charijpi templo huasipi ima pasashcata yaripashun. Chaipica Moisesman Cushca Leyta ali yachachijcunaca Jesús “aligutapacha yarishpa tigrachijpimi, tucuicuna manllarishpa uyanajurca” (Luc. 2:46, 47, 52).

3. Cai temapica ¿ima quimsa yuyaicunamandata ricugripanchi?

³ Ñucanchicunapashmi Bibliata siempre liishpaca Bibliataca rijsita, juyaitapash ushapashun. Pero Bibliata liishpa beneficiaringapaca ¿imatata rurai ushapanchi? Chaita yachangapaca Moisesman Cushca Leyta ali rijsij jaricunaman Jesús ima nishcatami ricugripanchi. Chai escribacuna, fariseocuna, saduceocunapash religionda ñaupaman pushajcuna cashcamandami Diospa Shimitaca siempre liin carca. Shina liishpapash na beneficiarita usharcachu. Diospa Shimita liishpa paicuna beneficiari ushachunga, quimsa cosascunata rurana cashcatami Jesusca ricuchirca. Jesuspa shimicunaca 1) imata liishcata ashtahuan aliguta intindichunmi ayudanga. 2) Bibliapa valishca yuyaicunata ashtahuan tarichunmi ayudanga. 3) Biblia ñucanchita ashtahuan ayudachun imashina saquina cashcata yachachunmi ayudanga.

LIIJUSHPACA ALIGUTA INTINDINGAPAJ ESFORZARIPAI

4. Lucas 10:25-29​pica Bibliata liinamandaca ¿imatata yachachin?

⁴ Bibliata liijushpaca aliguta intindingapami munapanchi. Na shina rurashpaca Bibliata liishcamandaca na beneficiaripashunllu. Shuj viajeca “Moisesman Cushca Leyta alipacha yachajushca shuj runaca”, Jesushuanmi parlarca. Chaipi ima pasashcapi pensaripashunchi (Lucas 10:25-29​ta liipangui). Chai runaca para siempre causaita ushangapaj imata rurana cashcata yachangapami munarca. Jesusca Diospa Shimipi imata nishcapi pensachishpami paimanga: “Moisesman Cushca Leypica ¿imata escribishca tiajun? Chaipica ¿imatata intindingui?” nirca. Chai runaca aliguta contestashpami Taita Diospa Shimimanda japishpa Taita Diosta y shuj gentecunata juyana cashcata nirca (Lev. 19:18; Deut. 6:5). Pero jipamanga: “Shinaca ñucapa projimoca ¿pita can?” nishpami tapurca. Cai shimicunahuanga Diospa Shimita liishpapash, imata liishcata na aliguta intindishcatami ricuchirca. Chaimandami Moisesman Cushca Leypi yachachishcacunata imashina pactachinatapash nali yacharca.

5. Jehovata mañana, na ñapash liinaca ¿imashinata Bibliata aliguta intindichunga ayudan?

⁵ Bibliata liijushpa aliguta intindingapaca huaquin cosascunatami rurai ushapanchi. Primeroca nara lii callarishpallatami Jehová Diosta mañana capanchi. Jehová Dios ayudajpillami Bibliataca intindi ushapanchi. Chaimandami shuj cosascunapira ama pensajungapaca paipa espíritu santota mañana capanchi. Mañashca jipami Bibliata lii callarita ushapanchi. Pero ñapash liinapa randica aliguta intindishpa ringapami liina capanchi. Shinallata uyarijta liina o liishpandi Bibliapa grabaciongunata uyanami ñucanchitaca ayudaita ushan. Chaita rurashpaca Bibliapi imata liishcataca ali intindishun, ashtahuan yaripashun y ashtahuanmi yachajupashun (Jos. 1:8). Liishca jipaca Jehová Dios Bibliata carashcamanda agradicingapaj y Bibliapa consejocunata ñucanchi causaipi pactachi ushangapami Jehová Diostaca cutin mañana capanchi.

6. Bibliata liijushpaca huaquin tapuicunapi pensarina y uchilla notacunata escribinapash ¿imashinata ayudan? (Fotota ricupangui).

⁶ Bibliapi liishcata aliguta intindichunga ¿imata ashtahuan ayudaita ushan? Huaquin tapuicunapi pensarinami ayudapanga. Por ejemplo: “Caipica ¿picunamandata ashtahuan parlan? ¿Pita parlajun? Paica ¿pihuanda parlajun? ¿Imashpata chaita nijun? Cai cosascunaca ¿maipi, ima horata pasajun?” nishpami pensarita ushapanchi. Cashna tapuicunami ñucanchitaca aliguta pensarichun, ashtahuan importante yuyaicunata intindichun ayudapanga. Shinallata Bibliata liijushpaca huaquin uchilla notacunatami escribita ushapanchi. Liishcamanda huaquin cosascunata escribishpaca, chai cosascunapica ashtahuanmi pensaripanchi. Shinami chai yuyaicunataca ashtahuan ali intindita y yaritapash ushapanchi. Pero ¿ima cosascunamandata notacunata escribita ushapanchi? Cai parrafopillata tapuicunamanda, investigashca informacionmanda, ashtahuan importante yuyaicunamanda, liishcata imashina pactachinamanda o Bibliapi imatapash liishpa imashina sintirishcamandami notacunata escribita ushapanchi. Bibliata liijushpa cai cosascunata rurashpaca Jehová Dios ñucanchitapacha parlajushcatashnami sintipashun.

7. Bibliata liingapaca ¿imata ruranata minishtipanchi? (Mateo 24:15).

⁷ Jesusca Bibliata intindingapaj aliguta pensarina cashcatami ricuchirca (Mateo 24:15​ta liipangui). Shinapash aliguta pensarinaca ¿imata can? Aliguta pensarishpaca huaquin yuyaicunata liishca o uyashca jipaca, chai yuyaicuna imapi diferente cashcata, imapi igual cashcatapashmi cuenta japita ushapashun. Shinallata aliguta pensarishpaca imatapash decidingapaca Bibliapi caita o chaita rurai nichunga na minishtishunllu. Y Jesús nishcashnaca aliguta pensarishpaca cunan punllacunapi imacunalla pasajushcata ricushpaca Bibliapa profeciacuna pactarijushcatami cuenta japipashun. Shinaca aliguta pensarishpaca Bibliata liijushpaca ciertopachami beneficiaripashun.

8. Aliguta pensarishpa liingapaca ¿imatata rurai ushapanchi?

⁸ Jehová Diosca ñucanchicuna aliguta pensarichunmi ayudan. Chaimandami aliguta pensaringapaj ayudahuai nishpa Jehová Diosta mañana capanchi (Prov. 2:6). Mañashca jipaca imata liishcapimi aliguta pensarina capanchi. Y liishca jipaca cunangaman imata yachajushcacunahuanmi comparana capanchi. Ashtaca publicaciongunami chaita rurachunga ayudanga. Por ejemplo, Guía de estudio para los testigos de Jehová nishcapi informacionda mascashpaca Bibliapi nishcacunataca aligutami intindi ushapashun. Y chai nishcacunata ñucanchi causaipi imashina pactachinatami yachapashun (Heb. 5:14). Bibliata liijushpa aliguta pensarishpaca ashtahuan ali intindishpami catipashun.

LIIJUSHPACA VALISHCA YUYAICUNATA TARINGAPAJ ESFORZARIPAI

9. ¿Bibliapa ima importante yachachishcatata saduceo jaricunaca na cuenta japirca?

⁹ Saduceo nishca jaricunaca Escrituras Hebreaspa primer cinco librocunataca aligutami rijsirca. Pero chai librocunapi Jehová Dios importante yachachishcacunata escribichishcataca na cuenta japircachu. Por ejemplo, saduceocuna huañushcacuna causarinamanda Jesusta tapuchijpi Jesús imata nishcapi pensaripashunchi. Paica nircami: “Ninashna rupajuj yuramanda parlopi Moisés imata escribishcataca ¿nachu cangunaca liishcanguichi? Taita Diosca huañushcacuna causarinamanda parlashpami Moisesmanga nirca: ‘Ñucaca Abrahanba, Isaacpa, Jacobpa Taita Diosmi cani’ nirca” (Mar. 12:18, 26). Saduceocunaca ashtaca viajecunatami chaitaca liishcanga. Pero Jesús shina tapujpica cai saduceocuna Bibliata liishpapash, Bibliapa shuj importante yachachishca tiajta na cuenta japishcatami ricuchirca. Paicunaca huañushcacuna causarina cashcataca na cuenta japircachu (Mar. 12:27; Luc. 20:38).d

10. Bibliata liijushpaca ¿imatata aliguta ricuna capanchi?

¹⁰ Jesushuan, saduceo runacunahuan parlashcamandaca ¿imatata yachajupanchi? Bibliata liijushpaca chai liishca versiculocunamanda imacunatalla yachajui ushashcatami aliguta ricuna capanchi. Bibliata liishca jahuapash, chai liishca versiculocunapi ima valishca yuyaicunata tari ushashcatami ricungapaj munapanchi.

11. 2 Timoteo 3:16, 17​pi nishcashnaca ¿imashinata Bibliapa valishca yuyaicunata mascaita ushapanchi?

¹¹ Bibliapa valishca yuyaicunataca ¿imashinata tari ushapanchi? 2 Timoteo 3:16, 17​pi imata nishcata ricupashunchi (chai textota liipangui). Chaipica ‘Taita Dios escribichishca shimica, tucuillami […] yachachingapaj, ima nali cashcata ricuchingapaj, corregingapaj y Taita Dios mandashcashna alita ruranata yachachingapaj ali can’ ninmi. Bibliapa na ashta utilizashca librocunapash shinallatami ayudan. Shinaca Bibliata liijushpaca, liishca versiculocuna Jehovamanda, paipa munaimanda o paipa consejocunamanda imata yachachishcata pensaripashun. Cutin huaquin textocunaca ima nali cashcata ricuchingapami ali can. Chaicunata liijushpaca nali munaicunata, nali ruraicunata mishachun, shinallata Jehová Diosta cazushpa catichun imashina ayudashcata ricupashunchi. Cutin huaquin textocunaca corregingapami ali can. Por ejemplo predicacionbi pipash panda yuyaicunata nijpica chai textocuna imashina ayudai ushashcatapashmi pensarita ushapanchi. Y Biblia Taita Dios mandashcashna alita ruranata yachachingapaj ali cashcata cuenta japingapaca ¿imatata rurana capanchi? Shuj textota liishpaca Jehová Dioshna pensangapaj imashina ayudashcatami pensarina capanchi. Shinaca Bibliata liijushpa cai chuscu yuyaicunata yarishpaca Bibliapa valishca yuyaicunata tarishpami ashtahuan beneficiaripashun.

BIBLIAPI LIISHCACUNA ÑUCANCHITA AYUDACHUN SAQUIPASHUNCHI

12. Jesusca fariseocunataca ¿imamandata Diospa Shimipi imata nishcataca “¿nachu liishcanguichi?” nishpa tapurca?

¹² Fariseo runacuna Diospa Shimita liishpapash yachajuna munaihuanga na liinllu carca. Chaimandami Jesusca paicunataca Diospa Shimipi imata nishcataca “¿nachu liishcanguichi?” nishpa tapurca (Mat. 12:1-7).e Chai viajeca fariseo runacunaca sábado punllamanda leytaca Jesuspa discipulocunaca na cazunajunllu nishpami juchachishcarca. Jesusca paicunata contestangapaca Diospa Shimimanda ishcai ejemplocunamandami parlarca. Shinallata Oseas libropi shuj versículo imata nishcatapashmi ricuchirca. Shina rurashpaca fariseo runacuna sábado punllamanda leyta nali intindishcata y juyaita na ricuchishcatami Jesusca ricuchirca. Cai fariseocunaca ¿imamandata shina carca? Paicunaca orgullosocunami carca. Shinallata Diospa Shimita liishpapash shujcunamanda nali cosascunata parlangapallami liin carca. Paicunaca Diospa Shimita nali munaihuan liishcamandami imata liishcata ali intinditaca na usharca (Mat. 23:23; Juan 5:39, 40).

13. Bibliataca ¿ima munaihuanda liina capanchi?

¹³ Jesuspa nishcacunaca Bibliata yachajuna munaihuan liina cashcatami yachachin. Fariseo runacunashna ama cangapaca humildemi cana capanchi. Shinallata Jehová Dios ñucanchita yachachichun saquipashunchi. Santiago 1:21​pi nishcashnaca, ‘Taita Diospa shimita humildadhuan chasquishpami, ñucanchi shungupi sapiyachun saquina capanchi’. Bibliata liijushpaca ama orgullosocuna cangapaj y shujcuna imapi pandarishcata ama pensajungapami esforzarina capanchi. Shina rurashpallami juyanamanda, llaquinamanda Bibliapi tiashca yachachishcacunataca pactachi ushapashun.

14. Biblia ñucanchita ayudachun saquijushcata o na saquijushcata yachangapaca ¿imashinata yachai ushapanchi? (Fotocunata ricupangui).

¹⁴ Shujcunata imashina tratashcata ricushpami Biblia ñucanchita ayudachun saquijushcata o na saquijushcata yachai ushapanchi. Fariseocunaca Diospa Shimi paicunata ayudachun na saquishcamandami shujcunataca llaquichin carca (Mat. 12:7). Shinaca shujcunamanda imata yuyashcata, shujcunata imashna tratashcatami ricuriana capanchi. Cashna nishpa pensaripashunchi: “¿Shujcunapa ali cualidadcunamanda o paicunapa pandarishcacunamanda parlana costumbretachu charipanchi? ¿Shujcunata perdonapanchichu? ¿O paicunamanda nali parlashpachu resentido quidapanchi?”. Cai tapuicunata contestashpami ñucanchi yuyaicunapi, ñucanchi sintishcacunapi, ñucanchi ruraicunapi Biblia ayudachun saquijushcata o na saquijushcata yachai ushapanchi (1 Tim. 4:12, 15; Heb. 4:12).

BIBLIATA LIISHPACA CUSHILLAMI SINTIRIPANCHI

15. Jesusca ¿imatata Diospa Shimimandaca yuyarca?

¹⁵ Jesusca Diospa Shimitaca ninandami juyarca. Salmo 40:8​pi Jesús Diospa Shimita ninanda valichina cashcata ricuchingapaca: “Ñuca Taita Dioslla, cambaj munaita rurashpami cushijushcani. Can mandashcatapash, ñuca shungupimi charijuni” ninmi. Jesús Diospa Shimita shina ninanda valichishcamandami cushilla causaita y Jehová Diosta sirvishpa catita usharca. Ñucanchicunapash Bibliata liingapaj y Bibliata juyangapaj esforzarishpaca Jesushnallatami causaita ushapashun (Sal. 1:1-3).

16. Bibliata liishpa ashtahuan beneficiaringapaca ¿imatata ruragripangui? (“Jesuspa nishcacunaca imata liishcata ashtahuan intindichunmi ayudan” nishca recuadrota ricupangui).

¹⁶ Jesuspa shimicuna, paipa ejemplopash Bibliata ashtahuan aliguta liichun y estudiachunmi animan. Imata liijushcata ashtahuan ali intindingapaca, Jehová Diosta mañashpa, na ñapash liishpa, tapuicunapi pensarishpa y uchilla notacunata escribishpami liina capanchi. Cutin aliguta pensarishpa liingapaca, Bibliapa textocunapi imata nishcata aliguta intindishpa, ñucanchi publicaciongunapi ashtahuan informacionda mascashpami liina capanchi. Shinallata Bibliata ashtahuan ali utilizangapaca, Bibliapa maijan textocunata liijushpapash valishca yuyaicunata mascapashunchi. Y Biblia ñucanchita ayudachun saquingapaca, ali munaihuan, yachajuna munaihuanmi liina capanchi. Cai tucui cosascunata rurashpaca Bibliata liinamanda ninandami beneficiarishun. Shinallata Jehová Diosmanmi ashtahuan quimiripashun (Sal. 119:17, 18; Sant. 4:8).