Punda ‘rurashca pecadocunata perdonashca’

Jesús huañushcamandami ñucanchi pecadocunamanda perdonai tucupashcanchi (Efes. 1:7). Bibliapica ‘Taita Diosca pacienciata charishcata ricuchingapami gentecunapa punda rurashca pecadocunata perdonashca’ ninmi (Rom. 3:25). Pero Jehová Diosca Jesusta ñucanchimanda huañuchun nara cachamushpallata ¿imashinata ñucanchi pecadocunata ña perdonashcashna y alita ruraj Dios cashcata ricuchirca?

Jehová Diosca ‘huarmipa miraimi’ gentecunata salvanga nircami. Chaita nishca horasmandami Jesús gentecunamanda huañushpa salvashcashna carca (Gén. 3:15; 22:18). Porque Jehová Diosca Jesús paipa causaita cushpa gentecunamanda huañungapaj dispuesto cashcataca alimi yacharca (Gál. 4:4; Heb. 10:​7-10). Jesús cai alpapi cashpaca paipi feta charijcunapa pecadocunata perdonana autoridadtami charirca. Shinaca Jesusca gentecunamanda nara huañushpapashmi gentecunapa pecadota perdonaita usharca (Mat. 9:​2-6).