¿Canquimanchun am Jehovapa amigun?

Jehová munanmi am lisinayquita. Chaypämi yaćhanchic imanuy Dios caśhanta, imacuna lulay munaśhantapis, ichapishćha tapucunquiman, ¿rasunpachun Dioswan amigo canquiman? (Liguicuy Salmo 25:14). ¿Imactam lulanquiman paypa amigun canayquipä? Bibliami cutichimanchic ñatac niyamanchic Jehovawan amistäninchic alli puydimi.

1. Am, ¿imactam lulanquiman Jehovapa amigun canayquipä?

Bibliami nin: “Diosninchicman aśhuycälimuy; chayćha paypis aśhuycälimuśhunqui” (Santiago 4:8). Waquin nunacuna nipäcun: Pero Diosta manam licanchicchu, imanuypam amiguncuna caśhun. Jehová Bibliaćhu willamanchic imanuy pay caśhanta lisinanchicpä. Chaymi Bibliata liguil masqui mana Jehová Diosta licalpis, paywan amigum caśhun.

2. ¿Imapïmi Jehová mas allin amiguyqui canman?

Jehovami mayanpipis masta cuyaśhunqui. Pay munan cushisha canayquitam nesitalcul paytam siempre oracunqui. “Ima llaquiculcäśhayquitapis Tayta Diospa maquinman-ari ćhulaycäliy; paymari ñawillanćhu cayalcächishunqui” (1 Pedro 5:7). Jehovapa siervuncuna mañacuptin chay horallam consuelaycun, yanapaycun (liguicuy Salmo 94:18, 19).

3. ¿Mayancunactam Jehová lican amigun cananpä?

Jehová cuyan lluy nunacunatam, pero “allin nunacunäwanñatacmi ichá cusca caycun” (Proverbios 3:32). Jehová munanmi amiguncuna cäsucunanta mandaśhancunacta ñatac juyucaycäta lulananta manam munanchu. Waquincuna nipäcun juchasapam callá manam atipamanchu Diosta cäsucuyta. Pero Jehová llaquipayniyümi mandaśhancunacta cäsucul callpanchacuptin awninmi. (Salmo 147:11; Hechos 10:34, 35).

MASTA YAĆHAYCUŚHUN

4. Abrahán cala Jehovapa amigunmi

Bibliami nimanchic Abrahán śhutiyü nunapi paypimi yaćhaśhun ima lulaśhancunacta, Diospa amigun cananchicpä. Liguiśhun Génesis 12:1-4 ñatac limaśhun caypi:

• ¿Imactam Jehová mañala Abrahanta?

• ¿Ima bendicioncunactam Jehová unan cala?

• ¿Imactam lulala Abrahán Jehovata cäsucunanpä?

5. ¿Imactam munan Jehová amiguncuna lulananta?

Llapanchicmi munanchic amigunchiccuna allinta lulananta ya’anchicpä.

• ¿Amiguyquicuna imanuy canantam munanqui?

Liguiśhun 1 Juan 5:3 ñatac limaśhun caypi:

• ¿Imactam munan Jehová amiguncuna lulananta?

Jehovata cäsucunanchicpä mana allin lulayninchicta caćhaycuśhunmi ñatac cambiananchicmi imanuy caśhanchicta. Liguiśhun Isaías 48:17, 18 ñatac limaśhun caypi:

• ¿Imapïmi Jehová nimanchic mandamäśhanchiccunacta cäsucunanchicpä?

6. Jehová yanapanmi amiguncunacta

VIDEO: Jehová vino a rescatarme (3:20)

• Cay videućhu licaśhanchicnü, ¿imanuypam Jehová payta yanapala?

Liguiśhun Isaías 41:10, 13 ñatac limaśhun caypi:

• ¿Ima ninmi Jehová llapa amiguncunacta?

• ¿Jehová allin amiguchun ampä?

7. Jehovawan allin amigo cananchicpä limanacunanchicmi

Amigunchiccunawan limanaculmi masta lisinacunchic. Liguiśhun Salmo 86:6, 11 ñatac limaśhun caypi:

• ¿Imanuypam Jehovawan limachwan?

• ¿Imanuypam Jehová liman ya’anchicwan?

IMACTAM YAĆHALUNCHIC

Jehová munanmi amigun canayquita, paymi yanapaśhunqui aśhuycunayquipä.

Yalpaśhun

• ¿Imanuypam Jehová yanapan amiguncunacta?

• ¿Imapïmi Jehová nin amiguncunacta cäsucunanpä?

• ¿Sasachun canman Jehovata cäsucuy?

MASTA YAĆHANAYQUIPÄ

Jehovapa amigun captiqui, ¿imanuypam yanapaśhunqui? Liguiy.

“Jehová, un Dios que vale la pena conocer” (La Atalaya, 15 de febrero de 2003)

Jehovaman aśhuycunanchicpä imamanmi callpanchacuśhun, liguiy.

“¿Cómo puedo hacerme amigo de Dios?” (Lo que los jóvenes preguntan. Respuestas prácticas [volumen 2], capítulo 35)

Yaćhanquim imanuypam Jehová yanapala juc walmicta jawcalla cawsacunanpä, liguiy.

“¡Yo no quería morirme!” (La Atalaya, núm. 1 2017)

Uyali wamla-walaśhcuna Jehovapi nishanta.

¿Qué significa ser amigo de Dios? (1:46)