YAĆHACHICUY 46
¿Imapïmi dedicacunanchic ñatac bautisacunanchic?
Mayanpis Jehovallaman dedicacuptin, oracionwan promesactam lulaptin Jehovallacta servinanpä, ñatac paypa munaśhanta lulananpä. (Salmo 40:8). Bautisaculcul chaywanmi licachin juccunaman Jehovaman dedicacuśhanta. Jehovaman dedicacuycämi masta puydin lulananchic. Cayta lulaluptinchic cawsayninchicpis cambian’am. ¿Imam yanapaśhunquiman dedicacunayquipä?
1. ¿Imapïmi Jehovaman dedicacunanchic?
Jehovata cuyaśhayquim yanapaśhunqui dedicacunayquipä (1 Juan 4:10, 19). Bibliami nimanchic: ‘Jehová Diosllayquiman tucuy śhun’uyquiwan, llapan pinsayniquiwan, lluy callpayquiwan cuyaycuy’ (Marcos 12:30). Jehová Diosta cuyaśhanchicta licachiśhun limaśhanchicwan ñatac lulaśhanchicwan. Imanuymi juc walaśh juc wamlawan cuyanacul decidin casaracuyta, chaynümi ya’anchicpis Jehovata cuyal decidicunchic dedicacuyta ñatac bautisacuyta.
2. ¿Ima bendiciuncunactam Jehová un bautisaśha testiguncunacta?
Am bautisaculcul, Jehovapa familianñam canqui, Diospa familianmi alli cushisha cäcunqui. Imaymanapmi Jehová licachiśhunqui cuyayninta ñatac paymanmi masta aśhuycunqui (liguicuy Malaquías 3:16-18). Jehová Diosmi papänïqui can’a, ñatac enterun allpaćhu hermanucunami familiayqui can’a, paycuna Jehovata allictam cuyan, amtapis allictam cuyaśhunqui (liguicuy Marcos 10:29, 30). Manala bautisacul, caycunactam lulanayqui: Jehovatam lisinayqui, cuyanayqui ñatac licachinayquim fenïqui Jesusman caśhanta. Ñatac promesactam lulanayqui payllacta servinayquipämi. Llapan chaycunacta lulalculmi bautisacunqui, chaymi wiñay-wiñaypä cawsayta ćhasquinqui. Jehová Bibliaćhu niyan: ‘Bautismumi […] canan amcunacta salbapäcuśhunqui’ (1 Pedro 3:21).
MASTA YAĆHAYCUŚHUN
Canan yaćhaśhun imapïmi am dedicacunayqui Jehovata ñatac bautisacunayqui.
3. Llapanchicmi decidicunanchic mayanta servinanchicta
Unay tiempućhu waquin israelitacunaca piensapäcula, Jehovatawan taytacha Baalta pulanta adorayca allin caśhanta. Pero, manam chayta lulaśhanca allinchu cala. Chaymi Jehová mandala profeta Eliasta correginanpä. Liguiśhun 1 Reyes 18:21 ñatac limaśhun caypi:
¿Ima decisiuntam lulanan cala isrelitacunaca?
Israeltacunanümi ya’anchicpis aclaśhun mayanta servinanchicpä. Liguiśhun Lucas 16:13 ñatac limaśhun caypi:
¿Imapïmi mana Jehovata adorananchicchu mayantawan o juccunactawanpis pulanta?
¿Imanuypam licachicwan Jehovallacta servinanchicpä aclaśhanchicta?
4. Jehová alli-allictam cuyaśhunqui
Jehová achca valioso regalucunactam umalanchic. Ya’anchic, ¿imactaćh payta uycuchwan? Licaśhun VIDEUCTA.
¿Imanuypam Jehová cuyamäśhanchicta licachila? Liguiśhun Salmo 104:14, 15 ñatac 1 Juan 4:9, 10, ñatac limaśhun caypi:
¿Mayannin regalucunacta Jehová umaśhanchictam masta am agradecicunqui?
Cay llapan regalucunacta umaśhanchicpi piensal, ¿manachun Jehovata masta cuyanquiman?
Mayanpis juc regalucta munaśhanchicta uycamaptinchic alli-allictam agradecicunchic. Liguiśhun Deuteronomio 16:17 ñatac limaśhun caypi:
Llapan Jehová regalucta uśhuśhayquipi, ¿imactam lulanquiman agradecicunayquipä?
5. Jehovaman dedicaculuptiqui’a achca bendiciuncunactam ćhasquinqui
Achca nunacunam piensapäcun allin lisiśha, allin profesiunniyü cayta o achca illayniyü cayta. Licaśhun VIDEUCTA ñatac limaśhun caypi:
Videućhu licaśhanchicnü pelota awsa nunami rïcuman muyula, ¿imapïmi pelota awsayta caćhaycula?
Pay Jehovallacta servinanpämi decidila, chay lulaśhan ¿allinchun cala?
Manala Jesuspa atinin cal, apóstol Pablo allin estudiuyümi cala. Paypa yaćhachinin judiupa leyninta sumä lisi nunam cala. Cristiano cananpämi apóstol Pablo chay llapanta caćhaycula. ¿Pay arrepenticulachućh? Liguiśhun Filipenses 3:8 ñatac limaśhun caypi:
¿Imapïmi apóstol Pablo lluy caćhaycuśhancäta basuranümi nila?
¿Imactam ćhasquila chay llapanta caćhaycuśhampï?
Jehovata servita aclaluptiqui, ¿cawsaynïqui mas allinchun canman?
Apóstol Pablo Jehovata serviśhanwanmi mas cushisha cawsacula.
WAQUINCUNA NIŚHUNQUIMANMI: “Yan’almi Jehovallacta servinanchicpä dedicacuyca”.
¿Allinchun Jehovallacta servicuy? Am, ¿ima ninquim?
IMACTAM YAĆHALUNCHIC
Jehovata cuyaśhanchicmi yanapamanchic dedicacunanchicpä ñatac bautisacunanchicpä.
Yalpaśhun
¿Imapïmi Jehovallacta lluy śhun’unninchicwan cuyananchic ñatac servinanchic?
¿Ima bendiciuncunactam Jehová un bautisaśha testiguncunacta?
¿Munanquimanchun Jehovallaman dedicacuyta?
MASTA YAĆHANAYQUIPÄ
Ishcay hermanucuna willamanchic imanuypa decidiśhanta Jehovallacta servinanpä, licay videucta.
Los jóvenes preguntan... ¿Qué haré con mi vida? Al mirar atrás... (6:54)
¿Imam yanapaśhunquiman Jehovallaman dedicacunayquipä ñatac bautisacunayquipä? Chayta yaćhanayquipä liguiy.
“¿Por qué hay que dedicarse a Jehová?” (La Atalaya, 15 de enero de 2010)
Jehovallacta servinanpä bautisacücunaca cushisham cawsaculcan, licay videucta.
¿Imapïmi juc walmi Jehovallacta servinanpä decidicula? Chayta yaćhanayquipä liguiy.
“La Biblia les cambió la vida” (La Atalaya, 1 de noviembre de 2012)