¿Imayćha ñacacuyca camacanman?

BIBLIÄMI NIN

“Manañam can’añachu wañuypis, awćhuypis, wa’acuypis, nanaypis, nï ima llaquipis lluy punta cäcunaca camacäśhañamari [can’a]” (Apocalipsis 21:3, 4, Muśhü Limalicuy).

YA’ANCHICTA IMANUYPAM YANAPÄMANCHIC

Yaćhaśhunmi Dios, mana ñacachimaśhanchicta (Santiago 1:13).

Yaćhaśhuntacmi, Dios llaquipamaśhanchicta, chay’a cushichimäśhunmi (1 Pedro 5:7).

Yaćhaśhuntacmä walaśhalun tiempucunäćhu, manañam ima ñacacuypis can’añachu (Apocalipsis 21:4).

¿RASUMPACHUĆH BIBLIÄPA NISHAN?

Aw, ishcayta yaćhaycuśhun:

• Dios’a ćhïninmi, ñacacuycata yan’al tumpacuycata. Bibliami niyan Jehovata nanaypam nanala unay malcanta licayaptin ñacachipäcuptin, juc naciuncuna ćhinicuywan mäcuyalcaptin (Jueces 2:18).

  Dios’a manam munanchu, nunamasinta ñacachi nunacunacta. Bibliämi nin: “Taytanta mamanta mayan nuna-masintapis wañuchïcunäpämi” (1 Timoteo 1:9, Muśhü Limalicuy).

• Tayta Dios’a, llapa nunactam watucuyan. Masqui ya’allam yaćhá niyaptiquipis “ima llaquiculcaśhayquitapis Tayta Diospa maquinman-ari ćhulaycäliy; paymari ñawillanćhu cayalcächishunqui” (1 Pedro 5:7, Muśhü Limalicuy).

  Diospa Gubiernunwan, camaśhñam chincachin’a llapa nunacunäpa ñacacuyninta. (Mateo 6:9, 10). Manaläpis ćhamuptin, cuyayllawanmá cunsuylaycämanchic sumä payman chalapacuptinchic (Hechos 17:27; 2 Corintios 1:3, 4).