¿Rasumpachun wañücunaca cawsamun’a?
Am, ¿ima ninquim?
Aw
Manam
Ichapiśhćha
BIBLIÄMI NIN
“Diosmanmi ya’apis chalapacú, jucpun juchayu mana juchayüpis wañücunapis śhalcamunancäman” (Hechos 24:15, Muśhü Limalicuy).
YA’ANCHICTA IMANUYPAM YANAPÄMANCHIC
Cunsuylucta talishunmá cuyay ayllunchic wañuptin (2 Corintios 1:3, 4).
Manañaćhá wañuytápis manchaśhunchu (Hebreos 2:15).
Yaćhaśhünmi, wañüninchiccunawan enterun allpäćhu cawsämuptin tincunanchicta (Juan 5:28, 29).
¿RASUMPACHUĆH BIBLIÄPA NISHAN?
Aw, quimsacta yaćhaycuśhun:
Diosmá cawsayta licalichïca. Jehovapi Bibliami niyan: “Aśhwanpa paymi llapanchictapis cawsayta, lluy imactapis uycamäninchic” (Hechos 17:25, Muśhü Limalicuy). Pay’a ima cawsäytapis uyal’a suma poderniyumá wañücunactapis cawsachimunampa.
Dios, unaypis cawsachilañam wañü nunacunacta. Bibliaćhu niyanmi pusä nunapi wañul yapa cawsamuśhanpi, walmipis, umbripis imaymana watayücama cay allpäman. Waquinnintä wañulpuluptin, Lazaructa tawa punña wañüśha cayaptin (Juan 11:39-44).
Dios suma sumämi munayan wañücunata cawsachïta. Jehová ćhïninmi wañuycata, cuntrantanümi licayan (1 Corintios 15:26). Chincachïta allictam munayan, lulalun’a wañücunata śhalcächimul. Yalpayninćhu cäcunami cay allpaman cawsapäcamun’a (Juan 11:24, 25).