YAĆHACHICUY 9
Diosta mañacuyca paymanmi aśhuycachiśhunqui
Diosta mañacuynïqui allictam yanapaśhunqui. Diosta mañacunquimanmi cawsaynïquićhu yanapaśhunayquipä, sasachacuynïqui captin, jucmanyaśha captiqui, ñatac Diosman masta aśhuycunayquipä. Pero, ¿imanuypam mañacunanchic? ¿Dios uyalinchućh llapa mañacuyninchicta? ¿Imanuypam yaćhanchic mañacuyninchicta Dios uyaliśhanta? Chaycunacta cayćhumi yaćhaśhun.
1. ¿Mayantam mañacunanchic? ¿Imacunapimi mañacuchwan?
Jesusmi yaćhachimalanchic Taytanchic Jehovallacta mañacunanchicpä. Quiquinpis Taytanta mañaculmi nila: “Cielućhu cä Taytanchic…” (Mateo 6:9, TNM). Jehovata mañacuptinchic payta mastam cuyanchic, paypis mastam cuyamäśhun.
Dioswan imacunactapis limachwanmi. Uyalimananchicta munal’a paypä munaśhantanümi mañacunanchic. Bibliaćhupis ninmi: “Payman chalapacul munaśhanmannuy mañacü aśhuycuptinchic uyaliycamänanchicta yaćhanchicmari” (1 Juan 5:14). Jesús yaćhachimalanchicmi imacunacta mañacunanchicpä (liguicuy Mateo 6:9-13). Diosta oracul manam munaśhallanchictachu mañacunanchic, agradecicuchwantacmi lluy ima umaśhanchiccunapi, nunamasinchicpäpis mañacunanchicmi.
2. ¿Imanuypam Jehovata mañacunanchic?
Bibliaćhu nimanchicmi Diosta mañacunqui: “Llapan śhun’unchicwanmi mañacunanchic” (Salmo 62:8, TNM). Jehová Diosta mañacuchwanmi śhun’ullanchicćhupis, limaywanpis, śhacuyalpis, täcuyalpis o un’ulacuyculpis pero respetuwanmi. Mañacuchwantacmi imay horapis ñatac mayćhu cayalpis.
3. ¿Imanuypam mañacuyninchicta Dios cutichimanchic?
Jehová Dios cutichimanchic Biblia nishanwanmi. Jehová willamanchictacmi Bibliawan imactapis yaćhayta munaśhanchicta. Bibliata liguil “yaćhayniyü cananchicpämi” yanapamanchic (Salmo 19:7, TNM; liguicuy Santiago 1:5). Sasachacuyćhu captinchic śhun’unchicta jawcayächimanchicmi. Jehová yanapamanchictacmi hermanunchiccunawan.
MASTA YAĆHAYCUŚHUN
Cayćhu yaćhaśhun imanuypa Diosta mañacuyta. Yaćhaśhuntacmi mañacuyca imanuypam yanapamäśhun.
4. ¿Llapa nunacunap mañacuynintachun Dios uyalin?
¿Imanuypa mañacuptinchicmi Dios uyalin? Licaśhun VIDEUCTA.
Jehová munan payllacta mañacunanchictam. Liguiśhun Salmo 65:2 ñatac limaśhun caypi:
¿Dios munanchun am payta mañacunayquita?
Dios mañacuyninchicta uyalinanta munal’a cäsucuśhunmi imacunaćhupis. Liguiśhun Miqueas 3:4 ñatac 1 Pedro 3:12, ñatac limaśhun caypi:
¿Imactam lulananchic Dios mañacuyninchicta uyalimananchicpä?
Soldadocuna enemiguncunacta wañuchï linanpä Diosta mañacuptin, ¿Dios uyalinmanchućh mañacuynincunacta?
5. Mañacul śhun’unchicpimi limananchic
Llapanchic yupaytam yaćhachimalanchic chayllacta cutipal-cutipal mañacunanchicpä o rezacunanchicpä. ¿Dios uyalinchun chay mañacuycäta? Liguiśhun Mateo 6:7 ñatac limaśhun caypi:
¿Imactam lulachwan mana chayllacta “cutipalcul-cutipalcul” limananchicpä mañacuyninchicćhu?
Mana chayllacta limanayquipä, Jehová yanapaśhuśhayquita tantiapacunqui cada muyunmi. Ñatac chaypi agradecicunqui. Juc semana chayta lulaptiqui’a mañacuynïqui manam rezacuynüchu can’a.
Juc allin tayta chulinta lluy śhun’unpi limapanantam munan. Chaynümi Diospis śhun’unchicpi mañacunanchictam munan.
6. Mañacuyca Diospa regalunmi
¿Imanuypam Jehovata mañacuyca, sasa-sasacta pasaptinchic yanapamanchic? Licaśhun VIDEUCTA.
Bibliaćhu nimanchic sasachacuyćhu cal Diosman mañacuptinchic śhu’unchictam jawcayaycachin. Liguiśhun Filipenses 4:6, 7 ñatac limaśhun caypi:
Sasachacuyninchic mana chincaptin, ¿imanuypam Diosman mañacuyca yanapamanchic?
¿Imacunapimi Diosman willaycuyta munanqui?
Yaćhaycunayquipä
Amén cay ninanmi “chaynü-cachun” o “aw, chaynümi”. Unay tiempupiñam Diosta mañacuyta camacalcul “amén” nipäcula (1 Crónicas 16:36).
7. Diosta mañacunayquipä tiempunchacuy
Waquinpä achca imapis lulaynincuna captin, manam tiempun canchu Diosta mañacunanpä. ¿Jesuspä alli puydichun cala mañacuyca? Liguiśhun Mateo 14:23 ñatac Marcos 1:35, ñatac limaśhun caypi:
¿Imanuypam Jesús tiempunchacula mañacunanpä?
¿Imanuypam ampis tiempunchacunquiman Diosta mañacunayquipä?
WAQUINCUNA NIPÄCUN: “Yan’almi Diosta mañacunchic, manam uyalimanchicchu”.
Am, ¿ima ninquimanmi?
IMACTAM YAĆHALUNCHIC
Diosta mañacunanchicmi lluy śhun’unchicwan, chaymi yanapamäśhun jawca cäcunanchicpä ñatac cawsacunanchicpä Diospa munaśhanmannü.
Yalpaśhun
¿Mayantam mañacunanchic?
¿Imanuypam mañacunanchic?
Jehovata mañacuyca, ¿imanuypam yanapaśhunqui?
MASTA YAĆHANAYQUIPÄ
Cay yaćhachicuycäćhu yaćhanquim masta mañacuyta, liguiy.
“Siete preguntas sobre la oración” (La Atalaya, 1 de octubre de 2010)
Imapïmi puydin am mañacunayqui, ñatac imanuypam mañacuynïqui mas allin canman, liguiy.
Biblia nishannü, ¿mayantam mañacunanchic? Liguiy.
¿Imaypis ñatac imay horapis Jehovata mañacuchwanchućh? Licay videuta.