YAĆHACHICUY 22
¿Imanuypam am willacunquiman allin noticiacunacta?
Bibliapi rasuncäpi yaćhalcul ninquimanćha: “¡Lluy nunacunam caytá yaćhanan!”. Pero manchacunquimanpishćha yaćhaśhayquicunata jucman willacuyta. Canan yaćhaśhun imacunam yanapaśhunquiman mana manchacunayquipä Diospi-willacuyta.
1. ¿Imanuypam willaycunquiman lisinacuśhayquicunacta Bibliapi?
Jesuspa atinincuna nipäcula: “Manam upallachu quedacuśhun licaśhanchiccunapi ñatac uyaliśhanchiccunapi” (Hechos 4:20, TNM). Paycuna munapäcula Diospi-willacuytam juccunaman. Ampis atipanquim familiayquicunacta ñatac amiguyquicunacta respetuwan Diospi-willacuyta (liguicuy Colosenses 4:6).
Yanapaycuna Diospi-willacunayquipä
Familiayquiwan Bibliapi limayta munal, ninquimanmi: “Cay semanaćhu alli puyditam yaćhalü Bibliapi”.
Juc amiguyqui ishyayaptin o preocupado cayaptin, liguicapuy juc textucta Bibliapi callpanchacunanpä.
Trabajuyquićhu tapuycuśhuptiqui imanuy caśhayquita, willaycuy Bibliapi yaćhaśhayquita o utunacuycunaćhu yaćhaśhayquita.
Amiguyquicunacta yaćhaycächi internetman yaycunanpä jw.org nishanman.
Bibliapi yaćhachiśhuptiqui juccunactapis ninquimanmi cusca uyalipäcunayquipä o yaćhaycachi jw.org internetćhu mañananpä estudiucta.
2. ¿Imapïmi allin hermanucunawan Diospi-willacunayqui?
Jesuspa atinincuna manam lisiśhan nunacunallactachu willaculcala. Paycunacta Jesús mandala “ishcay-ishcay” llapan malcacunaman Diospi-willaculcananpämi (Lucas 10:1). Cay mandaśhancämi yanapala achca nunacunaman willaculcananpä. Chaymi atinincuna cushisha capäcula cusca willacuśhampi (Lucas 10:17). Ampis, ¿munanquimanchun hermanucunawan cusca Diospi-willacuyta?
MASTA YAĆHAYCUŚHUN
Yaćhaśhun imam yanapaśhunqui mana manchacunayquipä Diospi-willacuptiqui ñatac cushisha willacunayquipä.
3. Jehovami yanapaśhunqui
Waquincuna Diospi-willacuyta munalpis manchaculcanmi asipaman’aćh manaćh uyaliman’achu nilmi piensapäcun.
Ampis, ¿manchacunquichun Diospi-willacuyta icha manachun?
Licaśhun VIDEUCTA ñatac limaśhun caypi:
Video licaśhanchicnü, ¿imam yanapala wamla-walaśhcunata mana manchaculcananpä?
Liguiśhun Isaías 41:10 ñatac limaśhun caypi:
¿Imapïmi oracunayqui willacuycäćhu manchacul?
Yaćhaycunayquipä
Achca hermanucuna piensapäcula manaćh nunca atipamanchu willacuyta nilmi. Sergey śhutiyü nunapis juccunawan limayta allictam manchacula. Chaynü calpis Bibliata estudiaytam allaycula. Pay nin: “Chaynü manchacü calpis callpanchaculämi yaćhaśhacäta juccunaman willacunapä. Chaywanmi alli cushisha calä ñatac yanapämala Bibliapi yaćhachicuycunaca śhun’ućhu masta tacyananpä”.
4. Respetuwanmi limanayqui
Manalapis Diospi-willacul puntacta pinsanayquim imactam limanqui, ñatac imanuypam limanqui. Liguiśhun 2 Timoteo 2:24 ñatac 1 Pedro 3:15, ñatac limaśhun caypi:
Bibliapi juccunawan limaptiqui, ¿imanuypam yanapaśhunquiman liguiśhanchic textucunaca?
Familiayquicuna o amiguyquicuna Diospi-willaśhayquita mana uyalita munaptin. ¿Imactam lulanquiman? Ñatac, ¿imactam mana lulanayquichu?
Paycunawan limaptiqui, ¿imapïmi willacunayqui respetuwan ñatac cuyaywan?
5. Allin noticiacunapi limal cushicunchicmi
Jehovami Jesusta mandala allin noticiacunapi willacunanpä. Jesuspä, ¿imanuymi cala Diospi-willacuyca? Liguiśhun Juan 4:34 ñatac limaśhun caypi:
Allinta micul sanullam cawsacunchic ñatac cushisham cäcunchic. ¿Imapïmi Jesús nila Diospi-willacuyca allin micuyta micuyänümi canchic?
Diospi-willacuptiqui, ¿yanapaśhunquichun cushisha cawsacunayquipä?
Caycunacta lulanquimanmi
Semanapa jucnin utunacuyninćhu yaćhay willacunayquipä.
Yaćhachinïquiwan limay imactam lulanayqui puntaćhu limanayquipä. Chayćhumi yanapaśhunqui Diospi yaćhachinayquipä nunacunaman mana manchacullal.
Cay librućhumi talinqui “Waquincuna nipäcun” nishanta, ñatac “Waquincuna tapuśhunquimanmi” nishanta. Cayta liguil pinsay imanuypam nunacunawan limanayqui.
WAQUINCUNA TAPUŚHUNQUIMANMI: “¿Imanuyllam cayanqui? ¿Imactam lulalanqui cay muyuncunaćhu?”.
Chaycunacta tapuśhuptiqui, ¿imactam limanquiman Bibliapi yaćhaśhayquita?
IMACTAM YAĆHALUNCHIC
Allin noticiacunapi limal cushicunchicmi, ñatac Bibliapi yaćhaśhanchicta mana manchacullalmi willacuśhun.
Yalpaśhun
¿Imapïmi callpanchacunayqui Diospi-willacunayquipä nunacunaman?
¿Imanuypam Diospi-willacunquiman respetuwan?
¿Imam yanapaśhunqui mana manchacullal Diospi-willacunayquipä?
MASTA YAĆHANAYQUIPÄ
Licay cay videuta, imanuypam Diospi-willacuchwan cay jw.org tarjetawan.
Ideas para presentar la tarjeta de contacto de jw.org (1:43)
Allinta Diospi-willacunayquipämi cay yaćhachicuyca yanapaśhunqui.
“¿Está usted dispuesto a ser pescador de hombres?” (La Atalaya, septiembre de 2020)
Urullala cayalpis atipanquim mana manchacullal Diospi-willacuyta. Licay videucta.
¿Imanuypam limanquiman Bibliapi familayquicunawan Diosta manala lisiptin? Liguiy.
“Cómo llegarles al corazón a familiares no creyentes” (La Atalaya, 15 de marzo de 2014)