YAĆHACHICUY 10
¿Yanapaśhunquimanchućh Jehovapa testiguncunap utunacuynincunaman liptiqui?
¿Lilanquiñachun Jehovapa testiguncunap utunacuynincunaman? Manalapishćha lilanquichu manchacuyanquipishćha. Ichapis ninqui: “¿Imactaćh lulan utunancuynincunaćhu? ¿Imapïmi utunacuynincuna alli puydin? ¿Allinchun canman ya’a linapä?”. Cay yaćhachicuycäćhu yaćhaśhun utunacuycunaca Diosman aśhuycunayquipämi, ñatac cushisha cawsacunayquipämi yanapaśhunqui.
1. ¿Imapämi Jehovapa testiguncuna utunaculcan?
Utunacuynïcuna “Jehovata altuman juluycunapämi” (Salmo 26:12, TNM). Chaywanmi alli cushisha cayalcä. Enterun allpaćhumi, cada semanam utunacuyalcä Jehovata taquipäcunäpä, mañaculcanäpä ñatac paypi yaćhapäcunäpä. Chaypi’a wataćhu quimsa cutin jatun utunacuycunäćhu cayalcä.
2. ¿Imacunactam utunacuynïcunaćhu yaćhanqui?
Utunacuynïcunaćhu Bibliapa nishantam clarullacta yaćhachicun (liguicuy Nehemías 8:8, TNM). Utunacuycunaman liptiqui, mastam yaćhanqui Jehovapi imanuy caśhanta. Cuyaśhuśhayquita yaćhalculmi, payman mastam munanqui aśhuycuyta. Yaćhanquitacmi Diospa mandaśhanta yanapaśhunquim cushisha cawsacunayquipä (Isaías 48:17, 18).
3. ¿Imanuy nunacunactam lisinqui utunacuynïcunaman lil?
Jehová nimanchic “llapanchic cuyanacuytawan allin lulaycäta lulaycuypïta afanacuśhun. Amatac amcuna juntunacuyta caćhaycapäcuychu” (Hebreos 10:24, 25). Utunacuynïcunaćhu, lisinquim cuyacü nunacunacta, paycunapis Diospi yaćhananpämi callpanchacuyalcan. Uyalinquitacmi Bibliapa yaćhachicuynincunacta (liguicuy Romanos 1:11, 12). Limanquimantacmi casadocunawan, wamla-walaśhcunawan paycunapis masqui sasachacuynin captinpis cushisham cayalcan. Jehová utunacunanchictam munan allinninchicpä captinmi.
MASTA YAĆHAYCUŚHUN
Yaćhaycuśhun Jehovapa testiguncunap utunacuynincuna imanuy caśhanta, ñatac imapïmi puydin linanchic.
4. Jehovapa testiguncunap utunacuynincuna
Unay tiempućhu, Jesuspa atinincuna utunaculcala Jehovata adorapäcunanpämi (Romanos 16:3-5). Liguiśhun Colosenses 3:16 ñatac limaśhun caypi:
Jesuspa atinincuna, ¿imanuypam Jehovata adorapäcula?
Cananpis testigucunaca Jehovata adorananpämi utunaculcan. Utunacuycunaca imanuy caśhanta yaćhanayquipä, licaśhun VIDEUCTA. Licaycuytac juc utunacuypa dibujunta ñatac limaśhun caypi:
Colosenses 3:16 nishanwan, ¿igualchun Jehovapa testiguncunap utunacuynincuna?
Videućhu o dibujućhu licaśhayquinü, ¿imam gustaśhunqui utunacuynïcunaćhu?
Liguiśhun 2 Corintios 9:7 ñatac limaśhun caypi:
¿Imapïmi mana illayta mañacunchu Jehovapa testiguncunap utunacuyninćhu?
Yaćhachiśhüniquiwan licapäcuy cay semanapä utunacuycäćhu imacuna yaćhanapä caśhanta.
Cay yaćhachicuycäpi, ¿mayannintam masta yaćhayta munanqui?
Yaćhaycunayquipä
Internetćhu jw.org nishanćhu licaycuy imay muyunćhu, imay horaćhu ñatac mayćhu utunacunanta.
Utunacuynïcunaćhu Bibliawanmi yaćhachipäcü videucunactapis licapäcü. Allaycunpis camacanpis juc taquiwan ñatac mañacuywan.
Utunacuynïcunaman śhamücunaca maquintam pallalcalin limalcalinanpä.
Utunacuynïcunaman llapanmi śhapamunman hombripis, walmipis, yaśhamaśhacunapis ñatac urucunapis...
Jehovapa testiguncunap utunacuyninćhu manam illayta mañacunchu gratisllam.
5. Utunacuycunaman linanchicpä tiempunchacunanchicmi
Jesusmi taytanwan, mamanwan, śhullcancunawan Nazaretpi Jerusalenćhu templuman cada watam, quimsa pun ćhaquillawan lipäcula. Liguiśhun Lucas 2:39-42 ñatac limaśhun caypi:
¿Sasachućh cala Jerusalenta linanpä?
Ampä, ¿ima sasachacuycunam canman utunacuycunaman linayquipä?
Utunacuycunaman linayquipä callpanchacuśhayquica, ¿allinniquipächućh canman?
Bibliami nimanchic alli puydimi utunacuycunaca Jehovata adoranapämi. Liguiśhun Hebreos 10:24, 25 ñatac limaśhun caypi:
¿Imapïmi utunacuycunaman siempre linanchic?
WAQUINCUNA NIPÄCUN: “Diosta adorananchicpä manam juccunawanlachu utunacuśhun. Wasillanchicćhupis Diosta adorachwanmi”.
¿Ima textućhumi Bibliaca nimanchic, Jehová munanmi utunacuycunaman linanchicta?
IMACTAM YAĆHALUNCHIC
Utunacuycunaman lil Jehovata mastam lisinqui, paymanmi aśhuycunqui ñatac juccunawanmi adoranqui.
Yalpaśhun
¿Imapïmi Jehová utunaculcay nimanchic?
¿Imacunactam yaćhanqui Jehovapa testiguncunap utunacuyninćhu?
¿Ima mastam yanapaśhunqui utunacuycunaman liptiqui?
MASTA YACHANAYQUIPÄ
¿Manchacunquichun utunacuycaman lïta? Juc hombre chaynüshi cala, videuta licay ima pasaśhanta yaćhanayquipä.
Videućhu licay juc walaśh utunacuycunaman lil imacunapi callpanchacuśhanta.
Liguiy juccuna piensaśhampi utunacuycunapi.
“¿Por qué estaría bien ir a las reuniones en el Salón del Reino?” (Artículo de jw.org)
Cayćhumi yaćhanqui mana allin cawsayniyü suwa nunapi, imanuy cawsaśhanta canan lil utunacuycunaman, liguiy.
“No iba a ningún lado sin mi arma” (La Atalaya, 1 de julio de 2014)