YAĆHACHICUY 58
Ama nunca caćhaycuśhunchu Jehovata lluy śhun’unchicwan servita
Rasunpa cristianucunaca decidiśhan cayanchic manam mayanpis ni imapis impidimäśhunchu Jehovata adorananchicpä. Ampis chaynü caytaćh munanqui, Jehová allictam valoran lluy śhun’unninchicwan serviptinchic (liguicuy 1 Crónicas 28:9). ¿Imacunam Diospi calupächiśhunquiman? ¿Imanuypam chaycunacta vencichwan?
1. ¿Mayancunam ñatac imanuypam Diospi calupächita munamanchic?
Waquin nunacuna manam munanchu Diosta servinanchicta. Waquincunañatacmi Jehovapi laquicaculcul yan’almi limapäcun Diospa malcanpi. Cay nunacunatam ninchic Diosta-contracücuna o apostatacuna. Cantacmi pantaśha religioncunapä lidernincuna ya’anchiccunapi yan’alpi limapäcun chayman creilcul calupänanchicpä. Manam nunca limananchicchu Diospa enemiguncunawan, nï libruncunacta liguinanchicchu, nï internetman ćhulaśhancunacta, nï videuncunacta manam licananchicchu. Jesús chay nunacunatam nila: “Apla-pula puśhaycaćhanacücänümi cayalcan. Chaymi cuscan ima ućhcumanpis palpapäcun’a” (Mateo 15:14).
2. ¿Ima decisiontam lulananchic Jehovata lluy śhun’unchicwan servinanchicpä?
Jehovata cuyalmi, pantaśha religioncunapa ima lulaynincunapipis aśhucunanchic. Pantaśha religioncunapä manam trabajaśhunchu, nï ima lulaynincunactapis apoyaśhunchu. Jehovami nimanchic: Jatun Babiloniapi “waraylla yalapämuy” (Apocalipsis 18:2, 4).
MASTA YAĆHAYCUŚHUN
¿Imam yanapamäśhun Jehovapi mana aśhucunanchicpä? Chaypi’a, Jatun Babiloniapi aśhuculuptinchic chaywan licachiśhun Jehovaman leal caśhanchictam, chaypimi yaćhaśhun.
3. Pantaśha yaćhachicücunapi aśhuculcay
Jehovapi yan’al nunacuna limapäcuptin ñatac testiguncunapi, ¿creinanchicchun chayta? Liguiśhun Proverbios 14:15 ñatac limaśhun caypi:
¿Imapïmi mana creinanchicchu yan’al limacunaman?
Liguiśhun 2 Juan 9-11 ñatac limaśhun caypi:
¿Imapïmi mana limananchicchu apostatacunawan?
Masqui apostatacunawan mana limalpis; pero, ¿imapïmi escribiśhancunacta o lulaśhancunacta mana licananchicchu, nï uyalinanchicchu?
Apostatacunaca yan’al limaśhanta uyaliptinchic, ¿imanuymi Jehová sienten?
4. Mayannin hermanunchicpa juchantapis manam pacananchicchu
¿Imactam lulananchic juc hermanunchic jucha lulaśhanta yaćhalul? Jehová Israel malcanman juc mandatucta uśhanmi yanapamäśhun. Liguiśhun Levítico 5:1.
Cay textućhu nishannü, juc hermanunchic juchacta lulaśhanta yaćhalul, willananchicmi punta-li-yaśhacunaman. Pero manaläpis chayta lulal, puntacta limananchic quiquin hermanuwanmi jucha lulaśhanta willananpä, chaynüpam cuyaśhanchicta licachiśhun. Pero mana juchanpi willaptin, Jehovata cuyaśhanchicpïmi, ya’anchic willananchic punta-lï-yaśhacunata.
¿Imanuypam chayta lulaśhanchicwan Jehovata cuyaśhanchicta licachiśhun?
¿Imanuypam chayta lulaśhanchicwan juchapacü hermanunchicta cuyaśhanchicta licachiśhun?
¿Imanuypam chayta lulaśhanchicwan lluy hermanunchiccunacta cuyaśhanchicta licachiśhun?
Juc hermano problemaćhu cayaptin, ¡yanapaycuy!
5. Aśhucunanchicmi Jatun Babiloniapi
Liguiśhun Lucas 4:8 ñatac Apocalipsis 18:4, 5, ñatac limaśhun cay tapuycunapi:
¿Camalayanchućh śhutiqui pantaśha religioncunapa listanćhu?
¿Allinchun canman pantaśha religioncunapa jucnin organizacionninćhu captiqui?
¿Trabajanquichun pantaśha religioncunapä?
¿Imallactá lulayanquilämi pantaśha religionca lulaśhanta?
Pantaśha religionca lulaśhanta jinalla lulayal, ¿imactam lulanayqui?
Conciencianchic jawca cananpä ñatac Diosta cäsucunanchicpä, allintam decidinanchic.
Pantaśha religioncunaćhu cäcunaca illayta mañaśhuptiqui yanapananpä problemaćhu cä nunacunata, ¿imactam lulanquiman?
WAQUINCUNA NIPÄCUN: “Apostatacunaca ima niśhantapis mana yaćhal, ¿imanuypam defendiman Diospa yaćhachicuyninta?”.
Cay nipäcuśhan, ¿allinchun canman ampä?
IMACTAM YAĆHALUNCHIC
Jehovaman leal cayta munal’a, manam jucllachacunanchicchu pantachicücunawan.
Yalpaśhun
¿Imapïmi mana uyalinanchicchu apostatacunaca nishanta?
¿Imactam lulananchic juc hermano jatun juchacta lulaluptin?
¿Imactam lulananchic aśhucunanchicpä lluy pantaśha religioncunapi?
MASTA YAĆHANAYQUIPÄ
Yaćhay, ¿imactam lulanquiman yan’alpi limapäcuptin Jehovapa testiguncunapi?
¿Imanuypam yaćhachwan ima organizacioncunam yanapan pantaśha religioncunata? Chaypi cayćhu liguiy.
¿Imactam lulapäcun ćhïnicamaninchiccuna aśhucunanchicpä Diospa malcanpi? Licay cay videucta.
Bibliata yaćhalculmi sintoísmo religionpis sacerdote cayninta caćhaycula. Chayta yaćhanayquipä liguiy.
“La Biblia les cambió la vida” (La Atalaya, 1 de julio de 2011)