YAĆHACHICUY 19
¿Jehovapa testiguncuna rasunpa religiuncächun capäcun?
¿Imapïmi nipäcü Jehovapa testiguncuna rasunpa religiuncämi capäcü? Yaćhaśhun Jehovapa testiguncuna yaćhachin Bibliapa nishantanümi Diospa śhutintam apapäcun, ñatac hermanucunawan cuyanaculcan.
1. ¿Jehovapa testiguncuna Bibliaca nishantachun yaćhachin?
Jesús Diosta nila: “Limaynïqui rasuncämi” (Juan 17:17, TNM). Chaymi Jehovapa testiguncuna Jesusnü Diospa Limayninpi yaćhachipäcü. Yaćhaycuśhun imanuy allaycuśhancunacta. 1870 wataćhu ashllay nunallam Bibliata imam callactam estudiayta allaycalälila. Ñatac Bibliapi nishanta yaćhalcul juccunaman yaćhachipäcula, masqui juc religiuncunaćhu mana chayta yaćhachipäcuptinpis. Chaypita allaycapäcula juccunaman Bibliapi willacuyta.a
2. ¿Imapïmi Jehovapa testiguncuna śhutiwan lisipäman?
Jehová nin adoranincunacta testigücunam, paypi rasuncäta willaculcaptinmi (Hebreos 11:4–12:1). Unay tiempućhu Jehová malcanta nila: “Amcunam testigucuna capäcunqui” (liguicuy Isaías 43:10, TNM). Jesustapis Bibliaćhu śhutichan “Testigo Fiel” (Apocalipsis 1:5, TNM). Chaymi 1931 wataćhumi śhutichaculcalä Jehovapa testiguncuna śhutiwan. Cay śhutita apayalcä cushisham.
3. ¿Imanuypam atichipäcun Jehovapa testiguncuna Jesuspa cuyaśhantanü?
Jesús atinincunacta allictam cuyala chaymi paypä familiannüñam capäcula (liguicuy Marcos 3:35). Jehovapa testiguncunapis juc familianümi cayalcä. Chaymi quiquïpula ninaculcä hermano ñatac hermana (Filemón 1, 2). Chaypi’a, cäsuculcä Bibliapa nishanta: “Llapan hermanucunata cuyapäcuy” (1 Pedro 2:17, TNM). Chaymi Jehovapa testiguncuna allicta cuyanaculcä, yanapanaculcä enterun allpaćhu hermanucunawan.
MASTA YAĆHAYCUŚHUN
Yaćhaśhun Jehovapa testiguncuna imanuypa allaycuśhanta, yaćhaśhuntacmi rasunpa cristianucunaca imanuy capäcuśhanta.
Rasunpa cristianucunaca Bibliapa nishannümi lulapäcü chaytam yaćhachipäcü juc nunacunaman.
4. Bibliapa nishantam lulapäcü
Jehová unayñam willachila, Bibliapa nishanta mas claructaña entindinapä. Liguiśhun Daniel 12:4 ñatac limaśhun caypi:
Diospa siervuncuna Bibliata cada mas estudiaśhampa, ¿imactam entindipäcun’a?
Yaćhaśhun ashllay nunacunalla imanuypam Bibliata estudiapäcula, jucnin’a cala Charles Russell. Licaśhun VIDEUCTA ñatac limaśhun caypi:
Video licaśhanchicnü, ¿imanuypam estudiapäcula Bibliata Charles Russell ñatac juc estudianticuna?
Yaćhaycunayquipä
¿Imapïmi Jehovapa testiguncuna waquin yaćhachicuynincunacta cambialälila? Diosmi yanapala Bibliata allipi-allipi entindipäcunanpä, imanuymi intica yalämuptin masta-masta aclaracun imacunactapis allinta licananchicpä (liguiśhun Proverbios 4:18). Bibliaca manam cambianchu, pero masta entindilul cambiapäcümi yaćhachicuynïcunacta.
5. Testigucuna calmi Diospi willaculcä
¿Imapïmi śhutichaculcalä Jehovapa testiguncuna śhutiwan? Licaśhun VIDEUCTA ñatac limaśhun caypi:
Jehovapa testiguncuna śhutica, ¿imapïmi puydin?
¿Imapïmi Jehová aclala nunacunacta testiguncuna cananpä? Unaypiñam casquiculcäla paypi, chaymi testiguncuna willaculcanan cala rasuncäta Jehovapi. Chaycunapi yaćhaycuśhun.
Waquin religiuncuna yaćhachipäcun Dios munanmi taytachacunawan adorananchicta nilcul. ¿Pero chay rasunpachun? Liguiśhun Levítico 26:1 ñatac limaśhun caypi:
Cay textuca nishannü, ¿Jehová munanchun taytachacunacta adorananchicta?
Waquin religiuncunaćhu yaćhachipäcun Jesusmi Dios nil. ¿Pero chay rasunpachun? Liguiśhun Juan 20:17 ñatac limaśhun caypi:
Cay textuca nishannü, ¿Jehová igualchun Jesuswan?
¿Imanuymi am sintinqui Jehová testiguncunacta mandaśhampi yaćhachinanpä rasuncäta paypi ñatac Jesuspi?
6. Quiquipulam cuyanaculcä
Bibliaca cristianucunata tincuchin cuerpupa partincunawanmi. Liguiśhun 1 Corintios 12:25, 26 ñatac limaśhun caypi:
Hermanunchiccuna ñacaculcaptin, ¿imactam lulananchic rasunpa cristianucunaca?
Licaśhayquinü, ¿imanuypam cuyanaculcan Jehovapa testiguncuna?
Testigucunaca ñacaculcaptin enterun allpaćhu hermanuncunam chay hurallam yanapaycalin. Licaśhun VIDEUCTA ñatac limaśhun caypi:
Jatun allin waywa pasaluptin, ¿imanuypam yanapanacula Jehovapa testiguncuna?
Rasunpa cristianucunaca licachipäcun cuyayninta ñacacü nunacunata.
WAQUINCUNA NIPÄCUN: “Jehovapa testiguncuna manam allin lisishachu”.
¿Imaypimi Jehová adoranincunacta śhutichala “testiguncuna” śhutiwan?
IMACTAM YAĆHALUNCHIC
Jehovapa testiguncuna rasunpa cristianucunam. Mayćhu calpis familianümi capäcü, Bibliaca nishantam lulapäcü ñatac yaćhachipäcü rasuncäta Jehovapi.
Yalpaśhun
¿Imapïmi śhutichaculcalä Jehovapa testiguncuna śhutiwan?
¿Imanuycunapmi cuyanaculcä?
Ampä, ¿Jehovapa testiguncuna rasunpa religiuncachun?
MASTA YAĆHANAYQUIPÄ
Jehovapa testiguncunapi masta yaćhanayquipä, licay videucta.
Los testigos de Jehová: una historia de fe viva. Parte 1: Salen de la oscuridad (1:00:53)
Jehovapa testiguncuna Bibliapi yaćhalalila Jehovawan Jesús mana igual caśhantam, licay videucta.
¿Ima mastam yaćhayta munanqui Jehovapa testiguncunapi? Chayta yaćhanayquipä liguiy.
“Preguntas frecuentes sobre los testigos de Jehová” (Sección de jw.org)
Ćhinicü calmi Stephen śhutiyü nuna juyu lulaycunacta lulala. Yaćhay imanuypam yanapala Jehovapa testiguncunacta lisiluptin.
“Mi vida iba de mal en peor” (La Atalaya, 1 de julio de 2015)
a La Atalaya revistaca, 1879 watapiñam cayan.