3. ¿Imanuypam atichipäcun Jehovapa testiguncuna Jesuspa cuyaśhantanü?

Jesús atinincunacta allictam cuyala chaymi paypä familiannüñam capäcula (liguicuy Marcos 3:35). Jehovapa testiguncunapis juc familianümi cayalcä. Chaymi quiquïpula ninaculcä hermano ñatac hermana (Filemón 1, 2). Chaypi’a, cäsuculcä Bibliapa nishanta: “Llapan hermanucunata cuyapäcuy” (1 Pedro 2:17, TNM). Chaymi Jehovapa testiguncuna allicta cuyanaculcä, yanapanaculcä enterun allpaćhu hermanucunawan.

6. Bautisacuptinchic Diospä malcanmanmi yaycunchic

Diospa malcan juc familianüllam jucllapimi canchic. May lädu calpis Jehovallactam adoranchic ñatac Biblia nishallantam cäsucunchic. Liguiśhun Salmo 25:14 ñatac 1 Pedro 2:17, ñatac limaśhun caypi:

• Cay textucunaca nishannü, ¿imanuypam yanapamanchic bautisacuptinchic?

Hermanunchiccunawan cayal rey Davidnümi cushisha canchic. Pay nila: “Maynu sumä allin tuquim juc śhun’ulla” hermanunchiccunawan cawsacuy (Salmo 133:1). Llapanchicpis callpanchacunanchicmi jucllapi cananchicpä.

1. ¿Ima mastam gustaśhunqui Diospa malcanćhu?

Juc naciunpa congregacionninta liptiqui, manaćh entindinquimanchun limayninta; pero wasiquićhunümi cäcunqui. Mayläducta lilpis, cay publicaciuncallawanmi estudianchic Bibliata. Chaypi’a, callpanchacunchicmi licachinanchicpä cuyanacuśhanchicta. Mayćhu yaćhalpis, llapanchicmi munanchic Jehovapa śhutinta limayta ñatac “juc śhun’ullaña” adorananchicpä (Sofonías 3:9).

2. ¿Imanuypam llapan hermanunchiccunawan jucllapi cachwan?

Bibliami nin: ‘Lluywanpis llapan śhun’uyquiwan cuyanaculcay’ (1 Pedro 1:22). ¿Imanuypam llapan śhun’uyquiwan cuyanquiman? Hermanunchiccuna allin lulaśhantam licanayqui, manam pantaśhallantachu. Manam malcamäsillayquiwanchu limanacunqui, aśhwanpa callpanchacuy llapan hermanunchiccunacta lisinayquipä. Chaypi’a juccunata manam jucnupa licanayquichu (liguicuy 1 Pedro 2:17).a

3. ¿Imactam lulananchic juc hermanuwan mana allinpa cal?

Imperfecto calmi ayveces hermanunchiccunawan sintichinacunchic. Chaymi Bibliaca nimanchic: ‘Jinalla pampachanacaycäliy maynümi Jehová pampachaycäliśhulanqui, chaynümi amcunapis pampachanacaycalinqui’ (liguicuy Colosenses 3:13). Jehovata yapalcul-yapalcul piñachiptinchicpis, pay perdonämanchicmi. Chaymi paypis munan hermanunchiccunacta perdonananchicta. Mayanwanpis sintichinaculul, chayurañam perdonanacunanchic (liguicuy Mateo 5:23, 24).b

MASTA YAĆHAYCUŚHUN

4. Hermanunchiccunacta ama jucnupa licaśhunchu

Llapan hermanunchiccunacta licachiśhun cuyaśhanchicta. Ayveces sasam canman hermanunchiccunacta cuyay juc malcayü captin o mana ya’anchicnü captin. ¿Imam yanapamachwan paycunacta cuyananchicpä? Liguiśhun Hechos 10:34, 35 ñatac limaśhun caypi:

• Jehová ćhasquinmi may malcayü captinpis testiguncuna cananpä. Chayta yaćhalul, ¿imanuypam licananchic imaymana malcayü hermanunchiccunacta?

• Am yaćhaśhayquićhu, ¿imanuypam tratan nunacunata? ¿Imapïmi am paycunanü canquimanchu?

Liguiśhun 2 Corintios 6:11-13 ñatac limaśhun caypi:

• ¿Imactam lulachwan masta hermanucunata cuyananchicpä?

5. Listum cananchic hermanunchiccunacta perdonananchicpä

Masqui ya’anchic manam nunca Jehovata perdonayta atipaśhunchu, pay perdonamanchic yapalcul-yapalculmi. Liguiśhun Salmo 86:5 ñatac limaśhun caypi:

• Cay textu nishannü, ¿imanuypa perdonacümi Jehová?

• ¿Agradecicüśhachun cayanqui Dios perdonaśhuśhayquipï?

• ¿Imacuna captinmi sasa canman allinpä cananchicpä juccunawan?

¿Imactam lulananchic Jehovata atichinanchicpä ñatac jucllapi cananchicpä hermanunchiccunawan? Liguiśhun Proverbios 19:11 ñatac limaśhun caypi:

• Mayanpis sintichiśhuptiqui, ¿imactam lulanquiman paywan allinpä canayquipä?

Ayveces ya’anchicmi sintichinchic juccunata. Chaynü captin’a, ¿imactam lulananchic? Licaśhun VIDEUCTA ñatac limaśhun caypi:

VIDEO: Las bendiciones de restablecer la paz (6:01)

• Videućhu hermanaca, ¿imactam lulala hermananwan allinpä cananpä?

6. Hermanunchiccuna allin lulaśhancunactam licaśhun

Hermanunchiccunacta lisil manam pantaśhallantachu licaśhun, aśhwanpa allin lulaśhancunactam. ¿Imactam lulachwan allin lulaśhancunacta licananchicpä? Licaśhun VIDEUCTA ñatac limaśhun caypi:

VIDEO: ¡Sea más hermoso todavía! (5:10)

• ¿Imam yanapamäśhun hermanunchiccuna allin lulaśhancunaman masta piensananchicpä?

Jehová lican lluy allin lulaśhanchiccunactam. Liguiśhun 2 Crónicas 16:9a ñatac limaśhun caypi:

• Jehová allin lulaśhanchiccunacta licaśhanta yaćhalul, ¿imanuymi sintinqui?

IMACTAM YAĆHALUNCHIC

Hermanunchiccunacta perdonaycuptinchic ñatac llapanta cuyaptinchic hermanunchiccunawan jucllapimi cäcuśhun.

Yalpaśhun

• ¿Imanuypam tratananchic hermanunchiccunacta?

• Mayanwanpis piñanaculul, ¿imanuypam allinpänacuśhun?

• ¿Munanquimanchun juccunacta perdonayta Jehovanü?

MASTA YAĆHANAYQUIPÄ

Jesús yaćhachila mana juccunäpa pantaśhallanta licanapä. Licay videucta.

¡Extrae la viga de tu ojo! (7:01)

¿Pantacullalchun perdonta mañacuchwan? Chayta yaćhanayquipä liguiy.

“Disculparse, un medio eficaz para hacer las paces” (La Atalaya, 1 de noviembre de 2002)

Licay, imanuypam waquincuna yaćhapäcula juccunacta iguallla licananpä.

Ama mayantapis mana allinpä licaśhunchu (5:06)

¿Imanuypam juccunawan allinpä apanacuchwan? Chayta yaćhanayquipä liguiy.

“Resolvamos los desacuerdos con amor” (La Atalaya, mayo de 2016)