Ima gustu cuintaigunata ñucanchiraicu tian

1. Ima cuintaigunatata Diosca ñucanchiraicu charin

Diosca munanmi runaguna cushi causanauchun nisha. Runagunata llaquishcamandami Allpata, chibi tiaccunatas rara. Diosca nallami llaquigunata anchuchisha tucui partimanda runagunata ali causaita cunga. Jeremias 29:11, leingui.

Gubirnugunaga macanacuigunata, ungüigunata, huañuigunatas mana tucuchinata ushashcaunachu. Randiga, ali cuintaigunami tian. Nallami Diosca runa gubirnugunataga huin tucuchisha, paiba gubirnuta churanga. Paiba parti runagunaga mana ungusha, cungaillami causangauna. Apocalipsis 11:15; 21:3, 4, leingui.

2. Imaraicuta cai cuintaigunaga ashca balic an

Turmintuguna ama tiachun nisha, Diosca mana ali runagunata cai Allpamanda tucuchinga (2 Tesalonicenses 1:8). Imasaibita chitaga ranga. Bibliaga nirami, cunan punzhaibi ashca turmintuguna runagunata llaquichinata, Chiga ricuchinmi Jehova Dios nalla chi llaquigunata tucuchingaraushcata. 2 Timoteo 3:1-5, leingui.

3. Imatata rana anchi

Diosta ricsingahuaga Bibliatami yachana angui, chiga shuc llaquic yaya paiba churigunama quillcasha cachashca shina man. Chibi ni tucunchimi imasa cunan punzhaibi cushi causanata. Chasnallata Bibliaga ninmi, shamungarauc punzhaibi huiñaibac causangahua, imata ranata. Chimandahuas can Bibliata yachaupiga mana huingunachu cushiyangauna. Chasna acpihuas Bibliata yachanata ama saquichu. Shamungarauc punzhaibi bendiciongunaga balic man. Lucas 6:22, 23; Apocalipsis 14:​6, 7, leingui.