Cambaraicu Bibliaga ima tan

BIBLIAGA CASNAMI NIN

“Diosllata paihua runagunata yuyachisha quillcachira tucui paihua shimita” (2 Timoteo 3:16, El Nuevo Testamento Quichua de Pastaza​).

DIOSPA SHIMIMANDA YACHAIGA IMASATA YANAPAI TUCUNGUI

Camba causaibi llaquiguna tiashcamandami tapuigunata charingui. Chitaga Bibliaibimi tupanata ushangui (Proverbios 2:​1-5).

Caran punzha alita causangahua yanapaigunatahuas charingui (Salmo 119:​105).

Shamungarau punzhagunaibihuas sumac causanata charingahua chapaungui (Romanos 15:4).

BIBLIA NISHCATAGA IMARAICUTA QUIRINA ANCHI

Biblia nishcata quiringahuaga, quimsa nishcagunata ricushun:

• Bibliaga mana shucta shucta nisha pandarinzhu. Bibliataga 40 runagunami 1.600 huatagunaibi quillcasha tucuchinaura. Bibliata quillcaccunapura mana ricsinacushahuas, Bibliaga mana shucta shucta nisha pandarinzhu. Randiga shuclla yuyaitami charin.

• Bibliata quillcaccunaga mana imatas pacashachu quillcanaura. Ñaupa punzhagunaibi pasashcata quillcaccunaga paigunahua llacta llaquigunata charishcatahuas pacanaunmi. Randi, Bibliata quillcaccunaga paiguna quiquin juchatahuas, llactahua juchagunatahuas mana pacashcaunachu (2 Cronicas 36:​15, 16; 1 Timoteo 1:​13).

• Biblia nishcagunaga tucuimi pactarin. Bibliaga 2.000 huataguna huashamami rimara, cunan punzhagunaibi ima llaquiguna tiangaraushcata (Mateo 24:​4-7; 2 Timoteo 3:​1-5). Chiga ricuchinmi Biblia nishcaguna sirtupacha Diospa Shimi ashcata. Chiraicumi Bibliaibi quirina anchi.

  Bibliaibi shuc nishcagunahuas huinmi pactarishca. Tucui cai nishcaguna pactarishcata ricushaga, manachu Bibliaga Diospa Shimi ashcata quirina anchi (2 Pedro 1:21).